Yilan-Yilan Koe 12:7 - ALLALA KUMƐ

⁷ Kɔnɔ nta lanaya-mɔgɛ le Musa la, woletɔ n ya a sigi Isirɛla mɔgɛ bɛɛsi kun na.

Yilan-Yilan Koe 12:7 ပူးပေါင်းရင်းမြစ်များ

Yobu 1:8

Mari ya a fɔ a ye tun ko, “I ya nna wɔli-kɛla Yobu yen nun? Mɔgɔ-nyimɛ le ale la, ado a telennɛ. A nyɔgɔn sa duninya rɔ. A ye n batola. A ye a mala a fɛrɛma alako a kana na ko-yogomɛ ma.”

Yaburi 105:26

Wo kɔma, a ya ala wɔli-kɛlɛ Musa lata anubɛ Aruna, a ya min yabɔ, kɔni.

Bɔ-Koe-Iyipiti 33:11

Mari si kuma Musa ye iko mɔgɔ si kuma a ta-nyɔgɛ ye nya min. Ale si bɔ nyɔ ka sɛgi dagɛ rɔ tun kɔnɔ a dɛnbɛni-kɛlɛ, Nunna den-kei Yasowa, wo ti bɔ Fani-Bɔn wo burɔ.

Matiyu 11:11

Wo ni wo hɛnkili to kɛ ko! Yɔni-Batasi-Kɛlɛ makawara ka tenbi mɔgɛ bɛɛ la nun. Kɔnɔ Alla min bi Arinyɛni tɔ, ale min dɔgɔ ata mansayɛ rɔ, wo makawara Yɔni ko.

Matiyu 11:9

Wo ni a fɔ n ye, wo miriya ye nfen yen-koe ma nun? Nɛbi, wa? Ɔnde kɔnɔ n bi a fɔla wo ye, wo ya min yen, wo tenbira nɛbi la de,

Kɛwɔlɛnu 7:31

Musa ya min yen, a kɔndɔfilita wola ko la. A tara a madon kɔlɔma-nɛ wo la alako a ni a mafɛlɛn bɛrɛbɛrɛ-wɛ-kɛ. A tara tumɛ min, a ya Mari kuman-kan lamɔɛn. A ko,

1 Kɔrɛnti 4:2

ado fan kerifanɛ min na, a bɛnta, wo ni lanayɛ kɛ a tigi ye.

Tɔn-Fɔɛ-Fila-Nyɔgɛ 18:18

A ya a fɔ ko a si nɛbinu nabɔ wole Isirɛla mɔgɛnu tɛma ka anu nana wo ma minnu manɛ iko nde, Musa. Mari ko nɛbi wonu bi kumɛ minnu fɔla wo ye, ale le ye wonu fɔla wonu ye.

Tɔn-Fɔɛ-Fila-Nyɔgɛ 34:5

Wo kɔma, Marita wɔli-kɛlɛ Musa fagara Mohabu nyamanɛ rɔ nyɔ iko Mari ya a fɔ nya min.

1 Timoti 3:15

Kɔnɔ ni n mɛra, a bɛnta, ma kɛ-nya ni ma nya min Allata denbayɛ tɛma, kɛdi kɛ si i lalɔn wonu ma. Denbayɛ wo, Alla-nimɛta chɔchi le wo la. Denbayɛ kɛ si tonyɛ lamara iko sɛnbɛrɛn-kɔn anubɛ bon-kurukɛ-fan si bɔn bira nya min.

Yasowa 1:1

Mari Allata wɔli-kɛla Nɛbi Musa fagara tumɛ min, Nunna den Yasowa min bi ale dɛnbɛna nun, wo sigira a gbɛ rɔ. Nɛbi Musa fagara tumɛ min, Mari kumara Yasowa ye ko,

Yasowa 1:2

“Nna wɔli-kɛla Musa ara so-sɛgi-kɛ nyina. Wobɛ Isirɛla mɔgɛnu ni wo rabɛn kaka ka Yorodan bɛ kɛ tɛgɛ. N bi nala nyamanɛ min dila wo ma, wo ni ta wo rɔ.