Yilan-Yilan Koe 12:6 - ALLALA KUMƐ

⁶ Mari ya a fɔ anu ye ko, “Wo ni wo tole masɔ. Nɛbinu bi wo tɛma tumɛ min, n si ko-rayirɛ kɛ anu ye kiyo rɔ.

Yilan-Yilan Koe 12:6 ပူးပေါင်းရင်းမြစ်များ

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

Ko-Dabirɛnu 20:7

I ni kei wola musi lasɛgi a ma kaka kamasɔrɔn nɛbi le ale la. A si madiyali kɛ i ye alako i ni beli. Kɔnɔ ni i ma Sira lasɛgi ala kei ma, i ni a lɔn serr, ko wobɛ ila mɔgɛnu si faga, yɔ!”

Ko-Dabirɛnu 28:12

A ye kinɔgɛ rɔ tumɛ min, a kiyora yɛlɛ-fan do la. A ye bɔla dugi ma ha san ma. Allala melikanu bi yigi-ni-yɛlɛ kɛla a ma.

Ko-Dabirɛnu 28:16

Yakoba kundenta, a ko, “Yaga, Mari ye yan nun kɔnɔ n ma wo lɔn?”

Ko-Dabirɛnu 37:5

Lunyɛ do, Yusufu kiyora. A ya ala kiyo wo rakaran a na-kelen-nyɔgɛnu ye ko, “Wo ni wo tole masɔ nna kiyo la a kin na!” A ko, “N kiyora le bi suyi rɔ. Ma ye fui-fen-tɛgɛnɛ lakirila sɛnɛ rɔ. N ya a yen ko nta fui-fen-nakiri ara a lasɔ ka a latelen tede! Wota fui-fen-nakirinɛnu nara kinki nta fui-fen-nakiri wo la. Anu madunɛ ntɛ kɔrɔ.” A na-kelen-nyɔgɛnu ya a fɔ a ye ko, “Mansaya-sɔgɛ le ile la male kuma, wa?” Ka a tɛgɛ ala kiyo wo ma, a sɔgɔ labɔra a na-kelen-nyɔgɛnu na lass, ka tenbi a fɔlɔtɛ la.

Ko-Dabirɛnu 37:9

Yusufu ya kiyo-dogbɛrɛ sa tun. A ya wo rakaran a na-kelen-nyɔgɛnu ye ko, “N kiyora le bi-suyi rɔ. Tele wo, karɛ wo, anubɛ lolo tan-ni-kelen, wonu bara anu nyɛnkin n kɔrɔ.”

Ko-Dabirɛnu 46:2

Alla ya ko-rayirɛ kɛ Yakoba ye suyi rɔ ka a rakele. Yakoba ya a labira.

2 Samuwɛli 7:4

Kɔnɔ wulɔn suyi nyɛrɛ rɔ, Mari ya a fɔ Nɛbi Netan ye ko,

1 Mansɛnu 3:15

Nba, Mansa Silamɛni kundenta. A ya a fɔ ko, “Yaga, n bi kiyo le la nun!” A tara Yerusalɛm ka a sɔ tɔn-kenkirɛ yarɔ Marila tɔnnu bi min tɔ. A ya saraka-mintantɛnu bɔ Mari ye anubɛ yisi-kima-sarakɛnu. A ya ladiyɛ ladan ka ata mɔgɔ-banu kele ladiyɛ wo rɔ.

1 Mansɛnu 3:5

Mari bɔra gbɛ rɔ Mansa Silamɛni ye kiyo rɔ Kibiyon soe burɔ ka a fɔ a ye ko, “A sɔgɛ ye i la, n ni nfen di i ma?”

Yobu 33:15

Mɔgɛnu tenbi kinɔgɔla suyi rɔ, Alla ye kumala anu ye ko-rayirɛ anubɛ kiyo rɔ.

Yobu 4:13

Wonu fɔra n ye kiyo-makilannɛ rɔ bi. Wo mara n na wo tumɛ kinɔgɔ tenbira n ma peru!

Yaburi 105:15

anu kana na ko ma ata mɔgɔ-yabɔnɛnu na. A ko anu kana na ko-yogoma ma ala nɛbinu na fanan.

Yaburi 89:19

I ya a fɔ ila wɔli-kɛla-nyimɛnu ye ko-rayen rɔ ko i wara dɛnbɛnɛ di kɛlɛ-kurugba-yabɔnɛ do ma. I wara wo ma mansa-yabɔnɛ la ila mɔgɛnu ye.

Bɔ-Koe-Iyipiti 7:1

Mari ya a fɔ Musa ye ko, “N si ile ma mansɛ wo yala iko nde, Alla. I kɔrɔ-kei si ma ita nɛbi la.

Yɛrɛmaya 23:25

Nɛbi minnu bi ale Mari tɔgɔ ratɛgɛla foninya-fɔ-tinɛ, a ko a ya wo bɛɛ lɔn. Minnu bi a fɔla ko a ara a sara anu na kiyo rɔ, a ya mɔgɛ wo bɛɛ lɔn fanan.

Yɛrɛmaya 23:28

A ko nɛbi wa kiyo, a ni a fɔ ko a ara kiyo-gbansan le sa. Kɔnɔ Mari ko nɛbi ye min namɔɛnna ale Mari la, a ni wo le takaran a kilɛ fɛ. A ko fui-fan anubɛ a yanbɛ, kelen de wonu na, wa?

Isikiyɛli 1:1

Nde, Busila den Saraka-Masɔla Isikiyɛli siginɛ Yahudiya-biranɛnu tɛma Babilɔn nyamanɛ rɔ Kiba bɛ fɛ. N sɔrɔn-san bi-sawɛ, karɛ nani nyɔgɛ, tele loli nyɔgɛ ma, ko-rayirɛ kɛra n ye. San-kole dɛ lakara, n ya Allata ko-rayirɛ yen. (Mansa Yɛhoyasin, wo birɛ san loli nyɔgɛ ma, kɛ mara wulɔn le!) N bi Kiba bɛ fɛ Babilɔn nyamanɛ rɔ tumɛ min, Mari kumara n ye, ado n ya ata Sɛnbɛ sɔrɔn.

Daniyɛli 10:8

Wo le ya a to, n kelan tora sɔni ko-makawanɛ kɛ mafɛlɛn tinɛ. N mɔlɔkɔnta kilan bolo. N yakɔrɛ sisira.

Daniyɛli 2:19

Wulɔn suyi nyɛrɛ rɔ, Alla ya ko-dogonnɛ ragbɛ Daniyɛli ye ka kiyo wonubɛ a kɔrɛ yira a la. Daniyɛli ya Arinyɛnɛ-Tigi Alla matɔgɔ ko,

Daniyɛli 7:1

Bɛlisasata mansayɛ san fɔlɔtɛ Babilɔn nyamanɛ rɔ, Daniyɛli kiyora. Ko-rayirɛ minnu kera a ye kiyo wo rɔ wulɔn suyi rɔ, a ya wonu sɛbɛ.

Daniyɛli 8:2

Nna ko-rayen kɛ rɔ, n tara tɛrɛna n nyɛrɛ la Susa soe burɔ tarɛ mininɛ min ma Ilam nyamanɛ rɔ. N bi yi-nɛ do dafɛ min tɔgɛ Wulai.

Hoseya 12:11

Hali wo, wo ye bɛsɛnu kɔla Kaliyadi nyamanɛ rɔ. Min bɛɛ ye wo kun na, n si wo bɛɛ faga tɛrr! Wo ye turɛnu mala sarakɛnu na wola bɛsɛnu ye Kiligali soe burɔ kɔnɔ wola saraka-mintan-tinɛ wonu si ma kuru-ladɛnnɛnu na gbɛkole ma tala.”

Yowɛli 3:1

Wo wati wa ke, Yuda anubɛ Yerusalɛm kɛnu bi nya min nun fen-tigiyɛ la, Mari ko a si wo lasɛgi wo gbɛ rɔ wo nya na tun.

Sakaraya 1:8

N ya Marita melika yen siginɛ so-wulan la gbɔfɛ kuma lɛɛ rɔ, ado so sawa sɔnɛ a kɔma. Kelan wulennɛ. Kelan mapusennɛ. Kelan gbɛnɛ. A laburilɛ siginɛ so sawɛ wonu na.

Yilan-Yilan Koe 24:4

N bara Alla kuman-kan nya-yen. Alla Sɛnbɛ-Bɛɛ-Tigi ara ko-rayirɛ kɛ n ye. N bara n sa dugi ma Alla kɔrɔ, n yɛ la ara ka. Nde le nyɛrɛ ye kɛ fɔla wo ye yati!

Matiyu 1:20

Nba, Yusufu ye a mirila koe kɛ ma tumɛ min, Marita melika bɔra a ye gbɛ rɔ kiyo rɔ. A ko, “Yusufu, Dawuda bɔnsɔn, i kana kilan Mariyama bi-koe la ka a ma ila musi la. A ara buyi min bi wo la, Allala Ni-Sɛnimɛ kɛwɔlɛ le wo la.

Matiyu 2:19

Mansa Hɛrodi tenbi kɔmɛ, Marita melika bɔra gbɛ rɔ Yusufu ye kiyo rɔ Iyipiti nyamanɛ rɔ.

Matiyu 23:31

Woletɔ wo ara wo sɔn a la ko minnu ya nɛbinu faga, wonu bɔnsɔn le wole la!

Matiyu 23:34

Nba, a nɛbi wo, a hɛnkilima wo, a karan-mɔgɔ wo, n si wonu nana wo ma. Wo si donu faga ka donu gbangban kɔlɔma ma ka donu gbesi Yahudiya-dina-bɔnnu na. Wo si to anu gbenna soenu tɔ.

Matiyu 23:37

“E, Yerusalɛm, Yerusalɛm! I ye nɛbinu fagala nun tolon! Alla ara kilayɛ minnu sɔ i wara, i ya wonu mabon kurinu na! A sɔgɛ ye n na wati siyaman ka ila mɔgɛ bɛɛ ladɛn iko sisi-denbɛ si ala dannu nadɛn a kanban kɔrɔ nya min kɔnɔ i ma sɔn n ni wo ma!

Matiyu 27:19

Pailɛti siginɛ kiti-bɔn la tumɛ min, ala musi ya kilayɛ lata a ma ko, “I kana fenfen ma mɔgɔ-magbalanɛ wo la bawo n tɔrɔta nna kiyo rɔ suyi tenbinɛ kɛ rɔ ala ko la kati!”

Luka 1:11

Sakaraya sɔnɛ fen-suma-diyamɛ mintan tinɛ bolo-nyimɛ rɔ tumɛ min, Marita melika bɔra gbɛ rɔ a ye feu!

Luka 1:22

A bɔra tumɛ min, a ma ke kumala anu ye. Woletɔ anu ya a lɔn ko a ara ko-rayirɛ do yen Alla-Bato-Bɔn la. A ya tamasere kɛ anu ye a bole la bawo a ma ke kumala.

Luka 20:6

Kɔnɔ ni ma ko, ‘A bɔra mɔgɛ le bolo,’ nyama kɛ si ma mabon kuri la bawo anu lara a la ko nɛbi le ale Yɔni la nun.”

Kɛwɔlɛnu 10:11

A ya Arinyɛnɛ dɛ lakanɛ yen. Fan min manɛ iko kura-belebele, a ya wo yen yigila. A dunnɛ a tɔnkɔn nanɛ ma ha ka yigi dugi ma.

Kɛwɔlɛnu 10:17

Pita ye a hɛnkili lamirila ko-rayirɛ kɛ kɔrɛ ma wati min, Kɔniliyasi ya kei minnu sɔ, wonu bi Saimon karankɛla bɔn manyinikala, ado anu sɔnɛ sansan don-dɛ la.

Ɛfɛsa 4:11

Ale le ya “kɔ-fan di mɔgɛnu ma.” A ya donu ma Kirasitita kilayɛnu na ka donu ma nɛbinu na. A ya donu ma kibara-nyima-fɔlɛnu na ka donu ma mɔgɔ-manugunɛgɛlɛnu na minnu si mɔgɛnu karan Allala kumɛ ma.

Tɔn-Fɔɛ-Fila-Nyɔgɛ 18:15

Yanni wo ni kɛ ma, wota Mari Alla si to ata nɛbinu nanala ka bɔ wo tɛma minnu si ma iko nde, Musa. Wo ni wonu kuman-kan bira.

Tɔn-Fɔɛ-Fila-Nyɔgɛ 18:18

A ya a fɔ ko a si nɛbinu nabɔ wole Isirɛla mɔgɛnu tɛma ka anu nana wo ma minnu manɛ iko nde, Musa. Mari ko nɛbi wonu bi kumɛ minnu fɔla wo ye, ale le ye wonu fɔla wonu ye.

Hiburunu 1:1

Fɔlɔ-nun, Alla kumara ma benbanu ye wati siyaman anubɛ nya-siyaman ma nɛbinu baraka rɔ

Lankɛnimayɛ 11:10

Duninya-mɔgɛ bɛɛ si sewa nɛbi filɛ wonu faga-koe la. Anu si nyagalen ka anu nyɔgɔn sanba bawo nɛbi filɛ wonu ya tɔrɔya-ba lana duninya-mɔgɛ bɛɛ kuma.

Lankɛnimayɛ 11:3

N si nna nɛbi fila lata minnu fɛrɛya bɔnɛ kasa-kurɛ la. Wonu si Allala kumɛ fɔ tele waga kelen ani tele kɛmɛ fila ani tele bi-wɔrɔ (1,260) kɔrɔ.”

1 Samuwɛli 28:6

Woletɔ a ya Mari manyinika wola ko la. Kɔnɔ Mari ma sɔn a yabila kiyo rɔ anubɛ kuru filɛ wonu fɛ, Yurim anubɛ Tumin, kɔni, hali nɛbinu fɛ.

1 Samuwɛli 3:15

Samuwɛli kira sani kudu, ha banda kara. A ya a lasɔ ka Marita Fani-Bɔn bonda-dɛ laka. Kɔnɔ a kilanta ala ko-rayirɛ wo rakaranna Ilayi ye.

1 Samuwɛli 3:21

Mari tora kumala Samuwɛli ye Sailo soe burɔ ka ko-rayirɛ kɛ a ye, ado Samuwɛli kumara tuma-wo-tuma, Isirɛla mɔgɛnu si anu tole masɔ a la.