Yilan-Yilan Koe 11:4 - ALLALA KUMƐ

⁴ Sundan donu taranta Isirɛla mɔgɛnu tɛma. Mɛyɛ ara anu tabɔ. Wo ara anubɛ Isirɛla mɔgɛ donu bira kosɛbɛ! Anu ya a fɔ ko, “Alako tun, ma ni soge do sɔrɔn.

Yilan-Yilan Koe 11:4 ပူးပေါင်းရင်းမြစ်များ

Nihɛmaya 13:3

Isirɛla mɔgɛnu ya kumɛ wo lamɔɛn min kɛ, anu ya sibolo-gbɛrɛnu gben anu kurun tɔ.

Yaburi 106:14

Mɛyɛ ya anu bira wula-da-rakolɔn rɔ dɔgɔma-ma-de ha anu ya Alla kɔrɔbɔ.

Bɔ-Koe-Iyipiti 12:38

Sibolo-gbɛrɛkɛ-mɔgɛ donu basanta anu na ta tinɛ. Anu tara anuna kolo-fannu na anu bolo.

Bɔ-Koe-Iyipiti 16:12

“N bara Isirɛla mɔgɛnuna gbunya-kumɛ lamɔɛn. A fɔ anu ye ko anu si mɛya-fan dɔn bi wurɛ la. Sɔgɔma, anu si fa dɔn-fan la. Anu si a lɔn yati, ko nde le anuta Mari Alla la.”

Bɔ-Koe-Iyipiti 16:3

ka a fɔ anu ma ko, “Yanni ma ni kɛ nyɔgɔn sufa tɔrɔyɛ sɔrɔn yan, a fisa nun Mari ni ma faga Iyipiti nyamanɛ rɔ. Ma ye Iyipiti nyamanɛ rɔ tumɛ min, ma ye mɛya-fannu anubɛ dɔn-fannu dɔnna nun ka wasa. Kɔnɔ wo ara na ma la wulɛ kɛ rɔ alako wo ni a ma, nyama kɛ bɛɛsi ni faga kɔnkɛ bolo.”

Yilan-Yilan Koe 11:18

Musa ya a fɔ mɔgɛnu ye ko, “Mari ko koe min bi nala mala sina, wo ni wo nyɛrɛ rabɛn wola ko la. A ko sina, wo si soge dɔn. A ko a ya wo gbɛngbɛrɛn-kan lamɔɛn wo ye a fɔla ko mɛya ma wo bira Iyipiti. Wo ko nyɔ di yan ko.

Yilan-Yilan Koe 14:1

Su kelen, anu bi gbele-gbelenna yakɔrɔ-mamɔɛ anubɛ nyagbɛla ko la.

Yilan-Yilan Koe 14:22

nba, anu do-wo-do ti don Kenan nyamanɛ rɔ. Anu damasi ya nna ta-waan wo yen serr! Anu ya kabana-ko-siyaman yen n ya min ma Iyipiti anubɛ n ya min ma wula-da-rakolɔn rɔ. Anu ya a yen, n ya n munyu anu kɔrɔ iko siyaman. Hali wo, anu ma sɔn ka nta kumɛ bira.

Yilan-Yilan Koe 16:13

Ile Musa ara male labɔ Iyipiti nyamani-hakikɛ wo rɔ ka na male la wula-da-rakolɔn kɛ rɔ yan ma faga-koe le la, nyɛ? Wo ma a bɔ, wa? Kun-tigiyɛ di ile ye, nyɛ?

Romu 13:14

Ma ni Mari Yisa, Allata-Mɔgɔ-Yabɔnɛ kelen pe le lɔn ma tigi la. Ma si ma nyɛrɛ wasa min na, ma kana wo ko ladan.

1 Kɔrɛnti 10:6

Nba, misalɛ le wo bɛɛ la male ye ka ma lalɔn ko ma kana mala natanu sa ko-yogomɛnu kuma iko wonu ya a ma nya min.

1 Kɔrɛnti 15:33

Wo kana sɔn ko mɔgɛnu ni wo yanfa. “Wo bɔ-yogomɛnu si wola kɛ-nya-nyimɛnu tinya.”

Tɔn-Fɔɛ-Fila-Nyɔgɛ 9:22

“Wo tumɛ wo ye Kɔrɔbɔ Tinɛ, wo ya a ma, Mari fonde bɔra wo kan ma. Wo kɔma, wo ye Ta-Layigi Tinɛ tumɛ min, wo ya a ma, Mari fonde bɔra wo kuma nyɔ. Ma ya nyɔ boloka tumɛ min ka ta kan tinɛ do rɔ, ma ya a fɔ min ma ko Ko-Latenbi-Kaburu-Soe, wo ya a ma, Mari fonde bɔra wo kuma nyɔ tun.