Yilan-Yilan Koe 11:18 - ALLALA KUMƐ

¹⁸ Musa ya a fɔ mɔgɛnu ye ko, “Mari ko koe min bi nala mala sina, wo ni wo nyɛrɛ rabɛn wola ko la. A ko sina, wo si soge dɔn. A ko a ya wo gbɛngbɛrɛn-kan lamɔɛn wo ye a fɔla ko mɛya ma wo bira Iyipiti. Wo ko nyɔ di yan ko.

Yilan-Yilan Koe 11:18 ပူးပေါင်းရင်းမြစ်များ

Ko-Dabirɛnu 35:2

Yakoba ya a fɔ ala denbayɛnu anubɛ ala wɔli-kɛlɛnu ye ko, “Wo ye bɛsɛ minnu kɔla, wo ni wonu nakɛ a rɔ. Wo ni wo ku ka wo sɛninya. Wo ni wo mayɛlɛma kura-kunɛnu na alako ka a yira ko wo ara wo kan-kɔ sɔ wola bɛsɛnu na.

Yobu 20:23

Ni a si min dɔn, a ni wo dɔn fasai! Alla fonde si bɔ a kuma ka a tɔrɔ bɛrɛbɛrɛkɛ!

Yaburi 78:20

A ya yi labɔ farɛ rɔ, yi tugura-a-rɔ, tonyɛ le wo la kɔnɔ a si ke dɔn-fan anubɛ soge fanan dila ma ma, wa?”

Bɔ-Koe-Iyipiti 16:8

Musa ya a fɔ ko, “Wo si a lɔn ko Mari le ale la min si mɛya-fan di wo ma wura-wo-wura ka dɔn-fan di wo ma sɔgɔma-wo-sɔgɔma wo si minnu dɔn ka wasa. A ye wo mala bawo a ye wo gbunya-kan lamɔɛnna. Wo ye gbunya-kumɛ min fɔla male ma, wo sa a fɔla male ma, fɔ Mari.”

Bɔ-Koe-Iyipiti 19:10

Musa ya mɔgɛnuna yabilɛ wo latenbi Mari ma. Mari ya a fɔ Musa ye ko, “Ta a fɔ mɔgɛnu ye ko anu ni anu sɛninya bi anubɛ sina. Anu ni anuna kurɛnu ku.

Bɔ-Koe-Iyipiti 19:15

Wo kɔma, Musa ya a fɔ mɔgɛnu ye ko, “Wo ni wo rabɛn tele sawa kɛnu kɔrɔ. Wo kana wo gbɛrɛn musu ma wulɔn.”

Bɔ-Koe-Iyipiti 19:22

Hali saraka-masɔlɛ minnu bi mabɛ mɔgɛnu tɛma, wonu fanan ni anu sɛninya. Ni wo ma, n si anu fanan tɔrɔ.”

Yilan-Yilan Koe 11:1

Isirɛla mɔgɛnu wulita da-kɔrɔ-kumɛ la Mari ma anuna tɔrɔyɛla ko la. Mari ya wo lamɔɛn tumɛ min, a fonde bɔra. A diminyara anu ma ha ka tɛ layigi anu kuma ka dagɛ tɔnkɔn kelan mintan gburr!

Yilan-Yilan Koe 11:19

A ko wo ti mɛya-fan dɔn tele kelen dɔrɔn ma

Kɛwɔlɛnu 7:39

“Kɔnɔ ma benbanu ma sɔn ala kumɛ birala. Anu ya anu ban a la. Iyipiti sɛgi-sɔgɛ ya anu bira.

Yasowa 7:13

Ta mɔgɛ wonu sɛninya ka anu tabɛn alako anu ni anu sɔ n yakɔrɔ sina. Nde, anu benba Isirɛlata Mari Alla ko fan donu bi anu tɛma a bɛnnɛ ka minnu halaki nun. Ni anu ma wonu nabɔ gbɛ rɔ, anu ti ke anu kɛlɛ-nyɔgɛnu nɔla.

Kɛlɛ-Kurugbɛnu 21:2

Kɔnɔ kɛlɛ kanɛ a la, bɔnsɔn tan-ni-kelan wonu nimisanɛ tara Bɛtɛli soe burɔ ka telen dila Alla dala ha wurɛ la.