Yilan-Yilan Koe 11:1 - ALLALA KUMƐ

¹ Isirɛla mɔgɛnu wulita da-kɔrɔ-kumɛ la Mari ma anuna tɔrɔyɛla ko la. Mari ya wo lamɔɛn tumɛ min, a fonde bɔra. A diminyara anu ma ha ka tɛ layigi anu kuma ka dagɛ tɔnkɔn kelan mintan gburr!

Yilan-Yilan Koe 11:1 ပူးပေါင်းရင်းမြစ်များ

Ko-Dabirɛnu 38:10

Mari ya ale fanan faga ala karagbɛlɛyɛ wola ko la.

2 Samuwɛli 11:27

Ala kei saya-koe makimanɛ, Mansa Dawuda ya musi wo bi ka na a la ata bɔn la. A mara ala musi la. Musi wo muira den-kei. Kɔnɔ Mansa Dawuda ara min ma wo la, Mari ma sewa wola ko la.

2 Mansɛnu 1:12

Nɛbi ya a fɔ ko, “Ni Allata mɔgɛ le nde la, alamɛ tɛ bɔra san ma ka wobɛ ila mɔgɛ kɛnu mintan.” Tiriyante wo rɔ, Alla ya tɛ layigi ka anu halaki!

Yobu 1:16

Yanni wo ni a kuman-kan wo laban, kilayɛ do burumatoe nara tun. Wo ya a fɔ ale Yobu ye ko, “San gbalamɛ ara ila saga-fɛ-biralɛnubɛ ila saga bɛɛsi faga tɛrr, fɔ nde min kelan kunyɛ bɔra a rɔ!”

Yaburi 106:18

Tɛ bɔra san ma ka yigi anu gba-fɛ-bilalɛnu tɔ kiribo! A ya karagbɛlɛ wonu mintan gburr!

Yaburi 78:21

Mari ya wo lamɔɛn min kɛ, a diminyara. A ya ala mɔgɛnu kɛlɛ tɛ la, ado ala fondo-bɔɛ ma sɛgi kɔma

Yaburi 78:63

Kemini-mɛsɛnu-kunyɛ tora kɛlɛ rɔ. Sunkurun-mɛsɛnu kun-nakanɛ ye tala, anu furula sa.

Bɔ-Koe-Iyipiti 16:7

bawo Mari ara wo gbunya-kan lamɔɛn. Bandɛ wa ka sina, wo si ata gbiliyɛ yen wo nyɛrɛ yɛ la. Nfenna wo ye kɔrɔtɔla male ma Allata kumɛ latenbi koe la wo ma?”

Bɔ-Koe-Iyipiti 16:9

Musa ya a fɔ Aruna ye ko, “A fɔ Isirɛla mɔgɛ bɛɛ ye ko anu ni anu kundɛn kan-tina-kelen Mari yakɔrɔ kamasɔrɔn a ara anuta gbunya-kumɛ lamɔɛn.”

Aiseya 10:17

Alla min bi kala-malanyɛ la Isirɛla mɔgɛnu ye, wo ko a si ma ta-wɔnkɔrɔmɛ la. Isirɛla mɔgɛnuta Mari-sɛnimɛ si yɛlɛman ta-mɛlan la. A ko a si fan bɛɛ mintan tele kelen kɔrɔ hali wɔnɔ-firɛ.

Aiseya 30:33

Mari ara ta-bondɔn ladan Asiriya mansɛ ye, bi ko ma, a si mintan kan min gburr! Nyɔ rayan, a kolo, a lafanɛ sɔgɛ la pim. Mari si tɛ lafɛ alako tɛ ni bira ale mansɛ la kiribo!

Aiseya 33:14

Yerusalɛm hakɛ-tiginu bi yɛrɛyɛrɛnna kilan bolo. Anu bi a fɔla ko, “Marita kiti mani de iko tɛ min ti sa mumɛ! Ta-sufa wo si male do to a niyi la?”

Nimisa Koe 3:39

Mari tenbi hadama-dan tɔrɔla a hakɛla ko la, nfenna a ye gbɛngbɛrɛnna?

Isikiyɛli 20:36

N si anu tɔrɔ iko n ya anu benbanutɛ ma nya min Sinayi wulɛ rɔ. Nde, wo Tigi Mari kan le kɛ la.

Saraka-Masɔlɛnuta Tɔnnu 10:2

Woletɔ Mari ya tɛ layigi anu kuma ka anu mintan gburr! Anu fagara Mari nyɛrɛ yala nyɔ.

Nehami 1:5

Kɔnkɛnu si to yɛrɛyɛrɛnna Mari yakɔrɔ. Gburukulinu si ta leela bandin! Duninya anubɛ ata mɔgɛnu ta si maga.

Habakuku 3:5

I si kiraya-fitinɛ lata i yarɔ. Sayɛ si ile sagaran.

Yilan-Yilan Koe 10:33

Kohati kebilɛ min bɔra Lifayi bɔnsɔn rɔ, wonu fɔlɔn ya Marita tɔn-kenkirɛ bi ka bila Marita banda-fin-gbɛ wo fɛ. Tuma-wo-tuma, a ye anu yarɔ. A ye kilɛ yirala anu na anu si ta kan min.

Yilan-Yilan Koe 11:18

Musa ya a fɔ mɔgɛnu ye ko, “Mari ko koe min bi nala mala sina, wo ni wo nyɛrɛ rabɛn wola ko la. A ko sina, wo si soge dɔn. A ko a ya wo gbɛngbɛrɛn-kan lamɔɛn wo ye a fɔla ko mɛya ma wo bira Iyipiti. Wo ko nyɔ di yan ko.

Yilan-Yilan Koe 12:2

Anu ya a fɔ ko, “Mari si to kumala Musa ye tun? Male don, Mari ti kuma male la?” Mari ya anu kuman-kan wo lamɔɛn.

Yilan-Yilan Koe 14:2

Anu bara gbunya Musa anubɛ Aruna kɔrɔ. Anu ko, “A fisa nun, hali ma tora fagala Iyipiti. Hali ma fagara wula-da-rakolɔn kɛ rɔ yan.

Yilan-Yilan Koe 14:22

nba, anu do-wo-do ti don Kenan nyamanɛ rɔ. Anu damasi ya nna ta-waan wo yen serr! Anu ya kabana-ko-siyaman yen n ya min ma Iyipiti anubɛ n ya min ma wula-da-rakolɔn rɔ. Anu ya a yen, n ya n munyu anu kɔrɔ iko siyaman. Hali wo, anu ma sɔn ka nta kumɛ bira.

Yilan-Yilan Koe 14:27

“Mɔgɔ-yogomɛ kɛnu si to gbunya-kumɛ fɔla n ma ha wati mintan? Mɔgɛ kɛnuna gbunya-kumɛ sɔgɔ-wo-sɔgɔ sa n na tun!

Yilan-Yilan Koe 14:28

Kumɛ kɛ latenbi anu ma n ye ko, ‘N bara n keli n nyɛrɛ ma, ado wo ni la a la worɔ yati, ko n si a ma wo ye iko ile Musa ya n manyinika nya min. Wo Mari le nde la min bi kɛ fɔla.

Yilan-Yilan Koe 16:11

Ni wo ya gbunya-kumɛ fɔ Aruna ma, wo ma a fɔ Aruna dɔrɔn ma de! Wo ya a fɔ Mari nyɛrɛ le ma ken!”

Yilan-Yilan Koe 16:35

Wo kɔma, Mari ya tɛ layigi mɔgɔ kɛmɛ fila, mɔgɔ bi-loli kuma minnu nara isɛnti la. Tɛ wo ya anu damasi mintan gburr!

Yilan-Yilan Koe 17:5

Ni nde ya mɔgɛ min yabɔ, wota kɔlɔma si a matii. Wo le si tɔn sigi gbunya-kumɛ la wo ma Isirɛla mɔgɛnu bolo.”

Yilan-Yilan Koe 21:5

anu donta gbunya-kuma-fɔɛ rɔ Musa anubɛ Mari ma ko, “Nfen ya a to, wole nara male la ka bɔ Iyipiti nyamanɛ rɔ ka na ma la wula-da-rakolɔn kɛ rɔ yan. Dɔnta anubɛ min-kɛ-yi sa yan fɔ Allata biredi kɛ, ma si to min dɔnna tuma-wo-tuma, fen-fufafuyi kɛ!”

1 Kɔrɛnti 10:10

Ma kana kɔrɔtɔ iko wo donu ya a ma nya min, ha niyi-bɔ-melika ya anu kasara.

Tɔn-Fɔɛ-Fila-Nyɔgɛ 25:18

Anu ma kilan Alla la mumɛ! Wo bandannɛ, anu bɔra wo kɛlɛla wo kɔma kilɛ la. Anu ya kɔma-tolɛnu faga.

Tɔn-Fɔɛ-Fila-Nyɔgɛ 32:22

Marita diminyɛ si ma iko tɛ wa bin-gbalɛ bira ka mintannɛ kɛ dugi kɔrɔ ha ka ta ke lakira ma. Ata diminyɛ si ki-fannu anubɛ dugu-kole mintan gburr! A si kɔnkɛnu sule mintan.

Tɔn-Fɔɛ-Fila-Nyɔgɛ 9:22

“Wo tumɛ wo ye Kɔrɔbɔ Tinɛ, wo ya a ma, Mari fonde bɔra wo kan ma. Wo kɔma, wo ye Ta-Layigi Tinɛ tumɛ min, wo ya a ma, Mari fonde bɔra wo kuma nyɔ. Ma ya nyɔ boloka tumɛ min ka ta kan tinɛ do rɔ, ma ya a fɔ min ma ko Ko-Latenbi-Kaburu-Soe, wo ya a ma, Mari fonde bɔra wo kuma nyɔ tun.

Hiburunu 12:29

ado mata Alla mani de iko tɛ min si fan bɛɛ mintan gburr!

Yemesi 5:4

Mɔgɛ minnu wɔlita wo ye wola sɛnɛnu tɔ, wo ya wonu kensunya. Alla ara wola yasere-masa-kan lamɔɛn. Nba, minnu ya wola fui-fan tɛgɛ ka a ladɛn wo ye, wonu di-kɛ-kan ara ke Mari Alla Sɛnbɛ Bɛɛ Tigi tole rɔ!

Yude 1:16

Foninya-karan-mɔgɔ wonu bi da-kɔrɔ-kumɛnu fɔla ka anu tɛgɛ-sigi mɔgɔ-gbɛrɛnu ma. Anu bilanɛ anu nyɛrɛ nata-yogomɛnu fɛ. Anu bi anu nyɛrɛ matɔgɔla ka kuma-diyamɛ fɔ donu ye alako anu ni anutɛ sɔrɔn nya min.