Yilan-Yilan Koe 10:9 - ALLALA KUMƐ

⁹ Ni wo yogenu nara wo taran wola nyamanɛ rɔ, Aruna anubɛ ala dannu si buri wonu fɛ. Nde, Mari Alla si n miri wo ma ka wo kisi.

Yilan-Yilan Koe 10:9 ပူးပေါင်းရင်းမြစ်များ

Ko-Dabirɛnu 8:1

Alla ma nyina Nowa anubɛ soge wonu ko minnu bi kulɔn wo rɔ nun. Alla ya fɔnyɔ latugu ka yi masagan.

2 Ko-Kɔrɔta-Karan 13:12

Alla nyɛrɛ-nyɛrɛ le ma kun-tigi la min sɔnɛ ma yarɔ. Ata saraka-masɔlɛnu bi yan anubɛ anuna burinu. Wonu tabɛnnɛ ka kɛlɛ-kɛ-buri fɛ alako ma ni na wo kɛlɛ nya min. Wo le ya a to, wole Isirɛla mɔgɛnu, wo kana wo benbanuta Mari Alla kɛlɛ. Wo ti a nɔ.”

2 Ko-Kɔrɔta-Karan 13:14

Yuda kɛlɛ-dannu ya anu yɛ lasɛgi anu kɔma. Anu ya a yen ko anu bara a mini anu ma, anu dira Mari dala alako wo ni anu dɛnbɛ. Wo kɔma, saraka-masɔlɛnu ya kɛlɛ-kɛ-burinu fɛ.

Yaburi 106:4

Mari, i wa wuli ila mɔgɛnu dɛnbɛna, i ni i fonde lamiri nde fanan ma. I tenbi ila mɔgɛnu nakisila, i kana nyina nde fanan ko.

Yaburi 106:42

Anu yogenu ya anu niyi ragbɛrɛn anu ma, ha anu tora maralɛ wo kɔrɔ gben!

Yaburi 136:23

Ma ye tɔrɔyɛ rɔ wati min, a ya a fonde to ma ko. Ala keninteyɛ dan sa.

Aiseya 18:3

Duninya mɔgɛ bɛɛ, wo ni wo yɛ lata. Falafalɛ min bi tamasereyɛ la, wo ni wo yɛ lakalan wo ma kɔnkɛnu kuma. Wo ni wo tole masɔ buru-fɛ-kan la.

Aiseya 58:1

Mari ko wo ni a mayon wo kulu-mayɛlɛnɛ la iko buru-fɛlɛ si buri fɛ nya min. Mɔgɛnu bi min sigila ale Mari ma, a ko n ni wo pose tii anu ye. N ni Yakoba bɔnsɔnnu hakɛ yira anu na.

Yɛrɛmaya 4:19

Nde, Yɛrɛmaya ye a fɔla ko, “E, dumɛ! N yisi ye n tɔrɔla kosɛbɛ!” A ye tugula n burɔ. N ti ke a birala n tɔ tun. A ye wo nya na le bawo n bi kɛlɛ-buru-kan lamɔɛnna. N bi kɛlɛ-sɔnkɛ lamɔɛnna.

Yɛrɛmaya 4:21

N yɛ si to gbalani kɛlɛ-mandan tamasere la ha tumɛ mintan? N tole si to kɛlɛ-buri la ha muntuma?

Yɛrɛmaya 4:5

Mari ko nde, Yɛrɛmaya ni kilayɛ kɛ lake wole, Yuda nyamanɛ anubɛ Yerusalɛm so-burɔ-mɔgɛnu ma. A ko wo ni buri fɛ nyamanɛ mumɛ bɛɛ rɔ ka mɔgɛnu kundɛn wo kulu-mayɛlɛnɛ la. Mari ko wo ni ta sigi so-latankanɛnu tɔ.

Yɛrɛmaya 49:2

Wati ye nala, mɔgɛ minnu siginɛ Amonnuna so-karantan Raba burɔ, Mari ko a si a ma, wonu ni kɛlɛ-sɔnkɛ lamɔɛn. Soe wo si to tonbonyɛ la. A dafɛ-so-mɛsɛnu si mintan gburr! Minnu ya kan-tinɛ wonu bi Isirɛla mɔgɛnu bolo nun, Isirɛla mɔgɛnu fanan si anu gben nyɔ.

Yɛrɛmaya 6:1

Wole Bɛnyamɛ bɔnsɔn, wo ni wo buri wo niyila ko la. Wo ni wo buri bɔla Yerusalɛm soe burɔ. Wo ni kɛlɛ-buri fɛ Tekoya soe burɔ. Wo ni tamasere layɛlɛ ka bɔ Bɛti-Hakɛram soe burɔ. Wo ni a fɔ ko kasarɛ ye yigila a ma ka bɔ kantɔ-wara la. Kasara-belebele ye nala wo kuma.

Yɛrɛmaya 6:17

Mari ko a ya wo kumafɛlɛnnɛnu yabɔ. Wo ni wo tole masɔ anuna kɛlɛ-buri-fɛ-kan la. Kɔnɔ wo ara wo tolenu gbere gben!

Isikiyɛli 7:14

Hali kɛlɛ-buri wa fɛ alako kɛlɛ-dannu ni anu tabɛn yɔnyɔn, mɔgɔ-wo-mɔgɔ ti ta kɛlɛ rɔ bawo nna diminyɛ ye Isirɛla mɔgɛ bɛɛ kuma nya-kun-kelen.”

Hoseya 5:8

Wo ni kɛlɛ-buri fɛ Isirɛla nyamanita soenu tɔ, Kibiya wo, Rema wo, anubɛ Bɛtɛli. Wole Bɛnyamɛ bɔnsɔn kɛlɛ-dannu, wo ni wo mabɛn kɛlɛ-kɛ-koe la.

Emɔsi 3:6

Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?

Sɛfanaya 1:16

Wo wulɔn-tele si ma kɛlɛ-kɛ-buri-fɛ-lunyɛ la. Ma yogenu tenbi donna so-latankanɛnu tɔ tumɛ min, anu si a lawɔyɔ ka na nyamanɛ-kumafɛlɛn-tinɛnu kan ma.

Yilan-Yilan Koe 31:6

Musa ya Saraka-Masɔla Ɛliyasala dan Finihasi bi ka a sɔ mɔgɛ wonu yarɔ. Samani anu ni ta, Finihasi ya Marita bon-miran donu bi anubɛ burinu alako anu si mɔgɛnu nalɔn anu na. Musa ya anu nata kɛlɛ rɔ.

1 Kɔrɛnti 14:8

Ado nfan, min bi kɛlɛ-buri fɛla, ni wo ma a fɛ a kilɛ fɛ, yon si a rabɛn kɛlɛ-kɛ-koe la?

Tɔn-Fɔɛ-Fila-Nyɔgɛ 20:1

Musa ya Mari kuman-kan latenbi ko, “Wo wa ta wo yogenu kɛlɛ tinɛ, ni wo ya a yen ko anuna soeenu anubɛ anuna kirindinu siya wotɛnu ko, hali anuna kɛlɛ-dannu siya wotɛnu ko, wo kana kilan anu na. Wota Mari Alla min ya wo kisi ka wo labɔ Iyipiti, wo si to wo fɛ.

Yasowa 6:5

Anu ni buri fɛ anu nyɔgɔn fɛ wɛ kɛ. Isirɛla mɔgɛnu ba wo lamɔɛn tumɛ min, anu ni gbele-gbelen wɛ kɛ. Soe tarɛ si bui. Kɛlɛ-dannu si don soe burɔ worɔ.”

Kɛlɛ-Kurugbɛnu 10:12

Nde le ma wo lakisi Saidon kɛnu anubɛ Amalɛkinu anubɛ Midiyan kɛnu ma nun, ba? A fɔlɔtɛ, anu ya wo tɔrɔya kɔnɔ tɔ-a-la, wo dira n dala, n ya wo kunka.

Kɛlɛ-Kurugbɛnu 10:8

Isirɛla mɔgɛ minnu siginɛ Amoranu tɛma Yorodan bɛ tele-bɔɛ wara la Kilayadi nyamanɛ rɔ, Filisitinu anubɛ Amonnu bi anu yakɔrɔ-mamɔla san tan-ni-segin kɔrɔ.

Kɛlɛ-Kurugbɛnu 2:18

Mari wa kun-tigiyɛ di Isirɛla mɔgɛ do ma tumɛ min, fananta kɛlɛ-kurugbɛ wo ye a niyi la, Mari si to a dɛnbɛna alako a ni ala mɔgɛnu nakisi. Wo kɔma, Mari si kinikini ata mɔgɛnu ma bawo anu yogenu bara anu tɔrɔ.

Kɛlɛ-Kurugbɛnu 3:27

Ifɛrɛm kɔnkɔ-nyamanɛ rɔ. A ke nyɔ, a ya kɛlɛ-kɛ-buri fɛ ka Isirɛla kɛlɛ-dannu nadɛn. A sɔra anu yarɔ ka bɔ kɔnkɛ wonu tɔ.

Kɛlɛ-Kurugbɛnu 6:34

Marita sɛnbɛ yigira Kidiyɔn kuma. A ya kɛlɛ-buri fɛ alako Abiyɛsa kegeya-mɔgɛnu ni ta a fɛ kɛlɛ rɔ.

Kɛlɛ-Kurugbɛnu 6:9

Ale le ya wo latanka Iyipiti anubɛ wo kɛlɛ-nyɔgɛnu-masibɛ ma nyamanɛ kɛ rɔ. Mari ko wo tenbi tala kan-bo-kan, a ye wo yogenu gbenna wo yarɔ nun. A ya wo yogenuna nyamanɛ di wo ma.

1 Samuwɛli 10:18

A ya a fɔ anu ye ko, “Isirɛlata Mari Alla ko ale le ya wo tanka Iyipiti kɛnu masibɛ ma ka na wo la yan. A ko hali mɔgɛ minnu bi wo yakɔrɔ-mamɔla, a ya wo tanka wonu fanan ma.