Yilan-Yilan Koe 10:12 - ALLALA KUMƐ

¹² Wo tele nyɛrɛ rɔ, Allata banda-fin-gbɛ wulita Sinayi wulɛ rɔ ka ta Paran wula-da-rakolɔn rɔ.

Yilan-Yilan Koe 10:12 ပူးပေါင်းရင်းမြစ်များ

Ko-Dabirɛnu 14:6

Anu tara Horanu kɛlɛ Idɔm kɔnkɛnu kuma, ha ka ta ke Elipara soe ma min bi wulɛ dala.

Ko-Dabirɛnu 21:21

A sigira Paran wulɛ rɔ. A na tara musi do furu a ye Iyipiti nyamanɛ rɔ ka na wo don a bolo wulɛ rɔ nyɔ.

1 Mansɛnu 11:18

Mansa Hedadi anubɛ a fala wɔli-kɛlɛnu bɔra Midiya nyamanɛ rɔ ka ta furr, fɔ Paran wulɛ rɔ. Wo kɔma, mɔgɛ donu tara kofu anu ma nyɔ rɔ. Anu dama bɔra nyɔ ka ta ha Iyipiti nyamanɛ rɔ. Anu ke mansɛ ma, wo ya anu yiya ka dɔn-fan di anu ma. A ya dugi do di anu ma fanan.

Bɔ-Koe-Iyipiti 13:20

Anu bɔra kan tinɛ do rɔ min tɔgɛ Sukɔti ka ta anu daga makɛ wulɛ da kɔrɔ.

Habakuku 3:3

Ile Alla ye nala tun ka bɔ Idɔm nyamanɛ rɔ. Ile Alla min sɛnima, ile si na ka bɔ Paran kɔnkɔ nyamanɛ rɔ. Duninya anubɛ san-kole lafanɛ ile Allata kinyɛ la min si a ma, mɔgɛ bɛɛ ni i tanto dugu-kole bɛɛ kuma.

Yilan-Yilan Koe 1:1

Isirɛla mɔgɛnu bɔɛ Iyipiti nyamanɛ rɔ, wo san fila nyɔgɛ, karɛ filɛ, a tele fɔlɛ ma, Mari kumara Musa ye Sinayi wulɛ rɔ Marita Fani-Bɔn burɔ.

Yilan-Yilan Koe 10:33

Kohati kebilɛ min bɔra Lifayi bɔnsɔn rɔ, wonu fɔlɔn ya Marita tɔn-kenkirɛ bi ka bila Marita banda-fin-gbɛ wo fɛ. Tuma-wo-tuma, a ye anu yarɔ. A ye kilɛ yirala anu na anu si ta kan min.

Yilan-Yilan Koe 12:16

Anu bɔra Hasirɔti ka ta anu daga makɛ Paran wulɛ rɔ.

Yilan-Yilan Koe 13:26

Anu sɛgira Aruna anubɛ Musa anubɛ Isirɛla mɔgɛ bɛɛ wara, Kɛdɛsi dagɛ rɔ min bi Paran wulɛ rɔ. Anu ya minnu tayen nyɔ, anu ya wo bɛɛ rakaran. Anu nara nyamanɛ wo dɔn-fen-siyamɛ minnu na, anu ya wonu fanan yira anu na.

Yilan-Yilan Koe 13:3

Musa ya mɔgɔ-ba tan-ni-filɛ wonu nata nyamanɛ wo mafɛlɛn tinɛ iko Mari ya a fɔ a ye nya min.

Yilan-Yilan Koe 2:34

Isirɛla mɔgɛnu ya wo koe bɛɛ ma iko Mari ya a fɔ Musa ye nya min. Anu bɛɛ ya anuta sigi tinɛ sɔrɔn ka tagama iko Mari ya a fɔ Musa ye nya min.

Yilan-Yilan Koe 9:1

Anu bɔɛ Iyipiti a san filɛ karɛ fɔlɛ ma, Mari ya a fɔ Musa ye Sinayi wula-da-rakolɔn rɔ ko,

Yilan-Yilan Koe 9:17

Banda-fin-gbɛ wa wuli tumɛ min ka ta, Isirɛla mɔgɛnu si Marita bɔn wayan anubɛ anu nyɛrɛta fani-bɔnnu ka bila Marita banda-fin-gbɛ dunnɛ wo fɛ. Ni wo ya a sɔ kan min, Isirɛla mɔgɛnu si anu daga makɛ nyɔ. Fananta a dunnɛ Marita Fani-Bɔn kuma, anu si to nyɔ iko Marita tamasere si a yira anu na nya min.

Yilan-Yilan Koe 9:5

Anu ya wo bɛɛ ma iko Mari ya a fɔ Musa ye nya min.

Tɔn-Fɔɛ-Fila-Nyɔgɛ 1:1

Musa kumara Isirɛla mɔgɛnu ye wo tumɛ anu bi yilan-yilanna wulɛ do rɔ Yorodan bɛ tele-bɔɛ wara la min tɔgɛ Paran. Anu bi Paran soe anubɛ Tofɛli, Leban, Hasirɔti, anubɛ Disahabi soenu tɛma Sufi soe da kɔrɔ. Musa ya min fɔ nyɔ rɔ nun, wo le sɛbɛnɛ buku kɛ rɔ.

Tɔn-Fɔɛ-Fila-Nyɔgɛ 1:19

Musa ya a fɔ tun ko, “Ma ara mala daga wayan ka bɔ Sinayi kɔnkɛ dafɛ iko mata Mari Alla ya a fɔ ma ye nya min. Ma ara ta ka tenbi wula-da-rakolon-wɛ wo rɔ min makilannɛ.

Tɔn-Fɔɛ-Fila-Nyɔgɛ 1:7

Wo ni wola dagɛ wayan ka tagama dabira tun. Wo ni ta Amoranuna nyamanɛ rɔ kɔnkɛnu siya kan min anubɛ nyamanɛ minnu bi wola foolɛ rɔ. Wo kɔma, wo ni ta Yorodan-ba-lɛɛ kɔgɔma Kenan nyamanɛ rɔ anubɛ kɔnkɔ-nyamanɛ minnu bi nyɔ. Wo ni bɔ nyɔ ka ta gburukulinu kuma minnu bi nyɔ kɔma anubɛ wo kantɔ-waralɛ ha ka ta a sigi Mɛdetereniyan kɔgɔ-yi la. Wo ni tenbi Kenan nyamanɛ rɔ ka bɔ nyɔ ha ka ta Lɛbanan kɔnkɛnu ma ha ka ta a sigi Yufereti bɛ la pon!’

Tɔn-Fɔɛ-Fila-Nyɔgɛ 33:2

A ya a fɔ ko, “Mari ya a nyɛrɛ yira ma la Sinayi kɔnkɛ kuma. A bɔra gbɛ rɔ ma ye iko sun-tele-tiyi Idɔm nyamanɛ rɔ, Sira kɔnkɛ ye kan min. A ya waan raka ma ma Paran kɔnkɛ dafɛ. Mari nara melika waga tan tɛma. Ta-mɛlan ye dugula wara la.

1 Samuwɛli 25:1

Samuwɛli fagara, woletɔ Isirɛla mɔgɛ bɛɛsi kundɛnta kan-tina-kelen ka di ala ko la. Anu ya a togon a sɔrɔn-soe burɔ Rema. Wo kɔma, Dawuda tara Paran wulɛ rɔ.