Yilan-Yilan Koe 1:18 - ALLALA KUMƐ

^18-19 ya Isirɛla mɔgɛ bɛɛ kele. Kei minnu sɔrɔn ara tenbi san tan-ni-kɔnɔntɔ la ka a dabira anuna bɔnsɔnnu ma ha ka ke anuna kebilɛ ma, anu ya anu tɔgɛ bɛɛ sɛbɛ iko Mari ya a fɔ Musa anubɛ Aruna ye nya min. Anu ya wo bɛɛ ma Sinayi wulɛ rɔ nyɔ.

Yilan-Yilan Koe 1:18 ပူးပေါင်းရင်းမြစ်များ

Ɛsira 2:59

Delaya kebilɛ wo, Tobaya kebilɛ wo, anubɛ Nɛkoda kebilɛ wo, minnu bɔra Tɛli-Mela soe wo, Tɛli-Harasa soe wo, Kɛrubu soe wo, Adan soe wo, anubɛ Imɛri soe Babilɔn nyamanɛ rɔ, wonu kebilɛ minnu sɛgira, wonu yatɛ bɛnta mɔgɔ kɛmɛ wɔrɔ, mɔgɔ bi-loli, ani mɔgɔ fila (652) ma. Kebilɛ kɛnu denu bɔnsɔn bakuri ma lɔn ni Isirɛla mɔgɛ le anu na.

Nihɛmaya 7:61

Dalaya kebilɛ wo, Tobaya kebilɛ wo, anubɛ Nɛkoda kebilɛ wo, wonu bɔra Tɛli-Mela soe anubɛ Tɛli-Harasa soe anubɛ Kɛrubu soe anubɛ Adan soe anubɛ Imɛri soe burɔ Pasiya nyamanɛ rɔ. Wonu kebilɛ minnu sɛgira, wonu yatɛ bɛnta mɔgɔ kɛmɛ wɔrɔ, mɔgɔ bi-nani, ani mɔgɔ fila (642) ma. Kebilɛ kɛnu denu bɔnsɔn wara-ko-nya ma gbɛ ka a fɔ ko Yahudiya le anu na.

Bɔ-Koe-Iyipiti 6:14

Anu benbanu bɔnsɔn-kun-tiginu tɔgɛ le kɛnu na, Yakobala den-kei fɔlɔtɛ tɔgɛ le Rubɛn. Rubɛn wota den-keinu tɔgɛ le kɛnu na, Hanoki wo, Palu wo, Hɛsirɔn wo, anubɛ Karimi. Rubɛnta denbayɛ le wonu na.

Yilan-Yilan Koe 1:1

Isirɛla mɔgɛnu bɔɛ Iyipiti nyamanɛ rɔ, wo san fila nyɔgɛ, karɛ filɛ, a tele fɔlɛ ma, Mari kumara Musa ye Sinayi wulɛ rɔ Marita Fani-Bɔn burɔ.

Yilan-Yilan Koe 1:17

Wo wati nyɛrɛ rɔ, Musa anubɛ Aruna anubɛ bɔnsɔn-kun-tigi wonu

Hiburunu 7:3

Ale Mɛlikisidaki kɛ, fenfen sɛbɛni ma Allala kitabu rɔ a fa anubɛ a nala ko la anubɛ a bɔnsɔn wara-koe rɔ. A sɔrɔn-koe anubɛ a faga-koe fanan ma sɛbɛ. A mani de iko Allala dan bawo a tonɛ saraka-masɔlayɛ la habadan!

Hiburunu 7:6

Mɛlikisidaki kɛ, Lifayi bɔnsɔn ma nun kɔnɔ a ya yaka bira Iburayima bolo. Ale Iburayima min ya Allala lanyiri sɔrɔn, ale Mɛlikisidaki duwara wo ye.