Yɛrɛmaya 9:25 - ALLALA KUMƐ

^25-26 A Iyipiti kɛ wo, a Yuda kɛ wo, a Idɔm kɛ wo, a Amon wo, a Mohabu wo, a wularɔ-mɔgɛ minnu bi anu kun-sigi wuruyala wo, Mari ko wati ye nala, a si anu tɔrɔ. Anu bara kemininya nun kɔnɔ sarama-kan min kirinɛ wolela ko la, anu denu sa wo birala. Mɔgɛ kɛnu wo, Isirɛla mɔgɛnu wo, Mari ko a si wo tɔrɔ wo nyɔgɔn fɛ bawo wo do-wo-do sa sarama-kan wo latɔnbagayala.

Yɛrɛmaya 9:25 ပူးပေါင်းရင်းမြစ်များ

Yɛrɛmaya 25:23

Didan, Tema, anubɛ Busi so-tiginu wo, mɔgɛ minnu si anu kun-sigi wuruya wo,

Yɛrɛmaya 4:4

Wo ni wo nyɛrɛ dantɛgɛ Marita wɔlɛ ma. Wo ni ala kumɛ bira wo yisi bɛɛ la. Wole Yerusalɛm kɛnu anubɛ Yuda nyamanta-mɔgɛ bɛɛ, Mari ko wo ni kɛnu ma. A ko ni wo tantanta kɛ do ma, a si wo halaki ata fondo-bɔɛ la min manɛ iko tɛ, ado mɔgɔ ti ke tɛ wo ladufenna ka a tɛgɛ wo sɔn-yogomɛla ko ma.

Yɛrɛmaya 49:32

Mari ya a fɔ Babilɔn kɛlɛ-dannu ye ko anu ni nyomɛnu anubɛ kolo-fan bɛɛ bi tɛrr! A ko a si Hesɔ kɛnu fui, minnu si anu kun-sigi lawuruya, kɔni. Kasarɛ si ke anu ma kan-tinɛ bɛɛ rɔ.

Isikiyɛli 28:10

Sibolo-gbɛrɛnu si a faga iko wuli. Nde, wo Tigi Mari le wara kɛ latɛgɛ sɔn!”

Isikiyɛli 31:18

“Iyipiti mansɛ anubɛ ala nyamanita-mɔgɛnu denu bi kɔlɔma-wɛ wo la. Idɛn kɔlɔma-wo-kɔlɔma ti ke ala yanyɛ anubɛ ala kinyɛ rɔ. Kɔnɔ kaka, a si ta lakira iko Idɛn kɔlɔma wonu tara nya min ka kofu Alla-lɔnbɛlɛnu ma anubɛ minnu kunyɛ tora kɛlɛ rɔ. Nde, wo Tigi Mari kan le kɛ la.”

Isikiyɛli 44:7

Saraka-masɔlɛnu tenbi kɛɛnnu anubɛ yele bɔla n ye sarakayɛ la tumɛ min, Isirɛla mɔgɛnu bara nta Bato-Bɔn latinya ka sɔn sibolo-gbɛrɛ-kemininyabɛlɛnu ni don nyɔ, ado sibolo-gbɛrɛ wonu tolo gbere kati! Nna mɔgɛnu bara sarama-kan tinya ma tɛma ka a tɛgɛ anuna kisimiriya-ko-ladannu ma.

Saraka-Masɔlɛnuta Tɔnnu 19:27

“Wo ye tala kan min, wo kana mɔgɛ wonuna di-kɛ-nya bi bawo mɔgɛ wonu bi anu kunyɛ da lasiila anubɛ ka anu buyɛ matɛgɛ.

Emɔsi 3:2

Mari ko wole Isirɛla mɔgɛnu di ale ye ka tenbi sibole bɛɛsi la duninya rɔ. Mari ya wole le dɔrɔn yabɔ ka wo fɛ-bira. Wo le ya a ma, wola hakɛ ara yogoya a ya la dɔgɔma-ma-de! Woletɔ a ko a fɛrɛ sa fɔ a wa wo tɔrɔ.”

Romu 2:28

Bagbuyita-kemininyɛ dɔrɔn ti mɔgɛ ma Yahudiya-bɛrɛ la bawo kemininya-bɛrɛ sa mɔgɛ fɛrɛ ma.

Romu 2:29

Kɔnɔ Yahudiya-bɛrɛ le wo mɔgɛ la min telennɛ Alla ye. Woletɔ kemininya-bɛrɛ ye mɔgɔ-yisi le tɔ. Allala Ni-Sɛnimɛta wɔlɛ le wo la. Tɔn-birɛ mako sa wo la. Yahudiya-bɛrɛ si matɔgɔlɛ sɔrɔn Alla bolo. A ti a sɔrɔn mɔgɛ bolo.

1 Samuwɛli 14:6

Yonatan ya a fɔ ala kɛlɛ-miran-madununɛ wo ye ko, “Ma ta Filisiti-kemininyabɛlɛ kɛnu barɛ. Tumado Mari si na ma dɛnbɛ. Ni wo mara, hali ma ma siya nya min kɛ, Mari si a ma, ma ni nɔ-ko sɔrɔn anu ma. Fenfen ti wo tinya.”

1 Samuwɛli 17:26

Kɛlɛ-dan minnu sɔnɛ Dawuda dafɛ, Dawuda ya wonu manyinika ko, “Mɔgɛ min bi Filisiti keinɛ kɛ fagala ka Isirɛla mɔgɛnu bɔ miliya-su kɛ rɔ, wo tigi si nfen sɔrɔn? Nfen bi Filisiti keini-kemininyabɛlɛ kɛ la? Ale ma a lɔn, ba ko a ye a kɔgɔ raka Alla-nimɛta kɛlɛ-dannu denu na kɛ la?”