Yɛrɛmaya 52:31 - ALLALA KUMƐ

³¹ Ifali-Mɛrodaki mara mansɛ la san min na Babilɔn nyamanɛ rɔ, ale Babilɔn mansɛ wo ya ko-nyimɛ kɛ Yuda mansa-kɔrɛ Yɛhoyasin ye ka a labɔ yele la. Mansɛ wo ya a labɔ yele la san bi-sawa ani san wɔrɔnfila, a karɛ tan-ni-fila, a tele mogan-ni-loli-nyɔgɛ le ma.

Yɛrɛmaya 52:31 ပူးပေါင်းရင်းမြစ်များ

Ko-Dabirɛnu 40:13

Tele sawa wa tenbi, mansɛ si ila sɔ tinɛ lasɛgi i ma. I si baan bɔ mansɛ ye tun iko i duruta a mala nya min nun.

Ko-Dabirɛnu 40:20

Tele sawa wo kɔma, mansɛ wo ya a sɔrɔn-tele-ladiyɛ kɛ ala mɔgɔ-banu ye. A ya ala baan-bɔlɛ anubɛ ala biredi-mintannɛ labɔ yele la ka anu sɔ ala mɔgɔ-banu yakɔrɔ.

Yobu 22:29

Alla si mɔgɔ-wasinɛ tosokɔrɔ dugi ma. A si mɔgɔ-famayiginɛ latanka.

Yaburi 27:6

N yoge min bɛɛsi ye nna foolɛ rɔ, n si nɔ-ko sɔrɔn wonu ma. N ba sarakɛ bɔ Mari Bato-Bɔn la tumɛ min, n sewanɛ si n kuli mayɛlɛ. N si Mari-tanto-sigi sa.

Yaburi 3:3

Kɔnɔ Mari, ile le si n matanka gbalo ma, ado ile le ye a mala fanan, n ni nɔ-ko sɔrɔn ha n kun na ni yiri.

Hɛnkilimaya-Kumɛnu 21:1

Mari ye yi-gbere latelenna nya min, a si mansɛ yisi fanan natelen wo nya na le.

Yɛrɛmaya 37:1

Babilɔn Mansa Nɛbukanasa ya Yosayala den Sɛdɛkaya sigi Yahoyakimna den Yɛhoyasin gbɛ rɔ Yuda nyamanɛ rɔ.