Yɛrɛmaya 52:28 - ALLALA KUMƐ

²⁸ Nɛbukanasata san wɔrɔnfila nyɔgɛ ma mansayɛ la, a tara mɔgɛ minnu na biralɛ rɔ a bolo, wonu yatɛ le kɛnu na. Mɔgɔ waga sawa anubɛ mɔgɔ mogan-ni-sawa (3,023).

Yɛrɛmaya 52:28 ပူးပေါင်းရင်းမြစ်များ

2 Ko-Kɔrɔta-Karan 36:20

Minnu tora anu niyi la, anu tara wonu na Babilɔn nyamanɛ rɔ. Wonu kunyɛ ma bɔ yɔɔnyɛ rɔ ha Babilɔn kɛnu mamanɛnu sɔrɔnta. Wo wati le tɔ, Pasiya kɛnu nara Babilɔn nyamanɛ bi.

Ɛsira 2:1

Kebi Mansa Nɛbukanasa tara mɔgɛ kɛnu na Babilɔn nyamanɛ rɔ, anu tora biralɛ le tɔ ha Mansa Sairasi ya anu hɔrɔya wati min. Anu mɔgɔ-siyaman nara to sɛgila wati wo le tɔ Yerusalɛm soe burɔ anubɛ Yuda nyamani-toe rɔ. Bɛɛ tara a halala-so rɔ.

Nihɛmaya 7:6

Kebi Mansa Nɛbukanasa tara mɔgɛ kɛnu na Babilɔn soe burɔ, anu tora biralɛ wo le tɔ ha Mansa Sairasita wati rɔ. Anu mɔgɔ-siyaman nara to sɛgila Yerusalɛm soe burɔ anubɛ Yuda nyamanɛ rɔ. Bɛɛ tara a halala-soe rɔ.

Yɛrɛmaya 13:19

Soe minnu bi wulɛ rɔ Yuda nyamanɛ dugu la, wonu yogenu bara kurɔn don wo ma. Wo masɔrɔn-kunya sa mɔgɔ-wo-mɔgɔ bolo. Wole Yuda nyamanita-mɔgɛ bɛɛ kunyɛ si don biralɛ rɔ nyamani-gbɛrɛ bolo. Anu si ta wo dama la tɛrr!

Yɛrɛmaya 52:29

Ata mansayɛ san tan-ni-segin-nyɔgɛ ma, a tara mɔgɔ kɛmɛ segin, mɔgɔ bi-sawa ani fila (832) la ka bɔ Yerusalɛm soe burɔ.

Nimisa Koe 1:5

Yerusalɛm yogenu bara ma anu tiginu na. A bira-koe ma gbɛlɛya a yogenu bolo lefan! Mari ara ale Yerusalɛm tɔrɔ bawo a ara hakɛ dan-natenbi. A yogenu bara ala dan bɛɛ bira ka ta wonu na pon!

Isikiyɛli 12:11

A fɔ anu ye ko ile ara min ma, tamasere le wo la anu ye ko n bi wo le sufa mala anu na. Anu si ma kɛlɛ-kɔrɔ-maburilɛnu na, ado kɛlɛ si anu bira.