Yɛrɛmaya 52:24 - ALLALA KUMƐ

²⁴ Saraka-Masɔla-Kun-Tigi-Wɛ Sɛraya wo, a kan-kɔrɔ-sigilɛ Sɛfanaya wo, anubɛ Bato-Bɔn bonda-da-makandanna mɔgɔ sawɛ wo, Nɛbusaradan ya wonu dama bira.

Yɛrɛmaya 52:24 ပူးပေါင်းရင်းမြစ်များ

2 Mansɛnu 23:4

Saraka-Masɔla-Kun-Tigi-Wɛ Helikaya wo, a tatugunnɛnu wo, saraka-masɔlɛ minnu bi Bato-Bɔn bonda-da-makandanna wo, Mansa Yosaya ya a fɔ wonu ye ko, “Beyali kɔ-fannu wo, Asura kɔ-fannu wo, lolenu-bato-fannu wo, wo ni wonu nabɔ Bato-Bɔn kɛ burɔ.” Wonu ban bɛsi-kɔ-miran wonu nabɔla luyi ma, mansɛ ya miran wonu nabɔ soe kɔma ka anu mintan Kidirɔn lɛɛ telen tɔ. A ya a ma, anu tara wonu gbangban la Bɛtɛli soe burɔ.

2 Mansɛnu 25:18

Saraka-Masɔla-Kun-Tigi-Wɛ Sɛraya wo, a kan-kɔrɔ-sigilɛ Sɛfanaya wo, Bato-Bɔn bonda-da-makandanna mɔgɔ sawɛ wo, Nɛbusaradan ya wonu dama bira.

1 Ko-Kɔrɔta-Karan 6:14

Asaraya ya Sɛraya sɔrɔn. Sɛraya ya Yɛhosadaki sɔrɔn.

Ɛsira 7:1

San-siyaman tenbinɛ, wo tumɛ Atasakasi ye mansayɛ la Pasiya nyamanɛ rɔ, kei do ye nyɔ nun min tɔgɛ Ɛsira. Saraka-Masɔla-Kun-Tigi-Wɛ Aruna matiyi le ale la. Ale Ɛsira fa tɔgɛ le Sɛraya. Sɛraya wo fa tɔgɛ le Asaraya. Asaraya wo fa tɔgɛ le Helikaya.

Yaburi 84:10

Ka tele kelan bɔ i Bato-Bɔn la, wo fisa tele waga kelan ko kan-tina-gbɛrɛ. Yanni n ni to siginɛ karagbɛlɛnuna bɔn la, a fisa, n ni to sɔni ile nta Alla Bato-Bɔn don-dɛ la.

Yɛrɛmaya 20:4

Mari ko a ara a tɔgɛ yɛlɛma bawo ale anubɛ a diyana-mɔgɛnu kun ma ni kɔ anu nyɛrɛ kuma. A ko a yogenu tenbi a diyana-mɔgɛnu fagala, a si a yɛ bɛn wonu ma. A ko ale Mari si wole, Yuda mɔgɛ bɛɛ don Babilɔn mansɛ bolo min si wo bira ka ta wo la Babilɔn. Ni wo ma, Babilɔn kɛlɛ-dannu si mɔgɔ-biranɛ wo donu faga.

Yɛrɛmaya 21:1

Meyaseyala den Sɛfanaya min bi saraka-masɔ-wɔlɛ kɛla anubɛ Malakeyala den Pasura, Yuda Mansa Sɛdɛkaya ya anu kilaya nde, Yɛrɛmaya ma.

Yɛrɛmaya 29:29

Saraka-Masɔla Sɛfanaya ya kɛdi kɛ karan nde, Yɛrɛmaya ye tumɛ min,

Yɛrɛmaya 34:21

Ale Yuda Mansa Sɛdɛkaya anubɛ ala mɔgɔ-banu faga-sɔgɛ ye a yoge Babilɔn kɛlɛ-dan minnu na, a ko a si wonu don wonu bolo. Wonu bara anu fara wo kɛlɛ la, a ko a si wo kunyɛ don wonu bolo.

Yɛrɛmaya 35:4

Wo bɛɛ tara n fɛ Bato-Bɔn la. N tara anu na Ikalayala den Nɛbi Henanna karan-dannuta konko la. Salamula den Meyaseya min bi Bato-Bon-kandan la, wola konko ye matɛ kɔrɔ. Konko wo ye mɔgɔ-ba donutɛ dafɛ.

Yɛrɛmaya 37:3

Mansa Sɛdɛkaya ya Sɛlimayala den Yɛhukali anubɛ Meyaseyala den Saraka-Masɔla Sɛfanaya sɔ nde, Yɛrɛmaya wara alako n ni ale Mari, mata Alla madiya mala nyamanɛla ko la.

Yɛrɛmaya 52:12

Mansa Nɛbukanasala mansayɛ san tan-ni-kɔnɔntɛ, a karɛ loli, tele tan nyɔgɛ ma, ale Nɛbukanasala mɔgɔ-ba do donta Yerusalɛm soe burɔ, ado ala kɛlɛ-den-kunyɛ le fanan. Wo tɔgɛ le Nɛbusaradan.

Yɛrɛmaya 52:15

Boloma-wɔli-kɛlɛ minnu tora soe burɔ wo, mɔgɛ minnu ya anu buri ka ta kofu Babilɔn kɛnu ma wo, Yuda nyamanita-mɔgɛ toenu wo, kɛlɛ-den-kunyɛ wo tara wonu na Babilɔn nyamanɛ rɔ.

Nimisa Koe 4:16

Marila ko sa mala saraka-masɔlɛnu bara-koe rɔ tun bawo ale le nyɛrɛ-nyɛrɛ ya gbunsan bila anu tɔ. A ma anubɛ mala mɔgɔ-banu gbiliya nun.

Isikiyɛli 11:7

A ko ale wo Tigi Mari Alla ye min fɔla wo ye, wo le kɛ la. A ko wole ya a fɔ ko soe kɛ mani de iko sogo-te-dagɛ, ado tonyɛ le wo la. Kɔnɔ soge wo ye yon na? Nba, wo ara mɔgɛ min bɛɛ faga terr, wo le soge wo la. A ko wo ti a laban dagɛ wo rɔ, ado a ye nala wo gbenna ka wo labɔ soe kɛ rɔ fass!

Isikiyɛli 24:5

I ni kɛ bɛɛ bi saga-tɔlɔnɛ le tɔ. I ni sɔgɛ kɛ dagɛ kɔrɔ gbobi! A ni te ha a kolenu ni ma yɔgbɔ!

Isikiyɛli 34:10

Nde, anu Tigi Mari ara ban a latɛgɛla ko anu yogo-fin-bɛ le nde la. N si nna sagɛnu bɔ anu bolo. N ti sɔn tun anu denu fanan ni ma nna sagɛnu fɛ-biralɛnu na. N ti sɔn anu ni to anu nyɛrɛ fɛ-birala wo nya na tun. N si nna sagɛnu kumafunfan anu bolo, ado n ti sɔn anu ni anu dɔn tun!