Yɛrɛmaya 51:58 - ALLALA KUMƐ

⁵⁸ Babilɔn tara-layan-bɛ si gbesi dugi la fugbu! A don-da-layan-bɛnu si mintan gburr! Sibole bɛɛ tɔrɔta min sɔ-tinɛ, tɛ si wo firan fegba! Mari Sɛnbɛ-Bɛɛ-Tigi kan le kɛ la.

Yɛrɛmaya 51:58 ပူးပေါင်းရင်းမြစ်များ

Yaburi 127:1

Ni Mari ma a kɔɛn don bɔn-sɔɛ rɔ nun, bon-sɔlɛnu bi tɔrɔ-fu le kɛla wo rɔ. Wo rɔ, ni Mari ma a kolonkɛ bɛn soe ma a latanka-koe la, so-kandannɛnu bi wɔli-fu le kɛla wo rɔ.

Aiseya 13:2

Wo ni kɛlɛ-kura-falafalɛ layɛlɛ san ma kɔnkɔ-manunkunɛ kuma. Wo ni seren-seren wola kɛlɛ-dannu ye. Wo ni wo bole keri anu ye alako anu ni ta bui mɔgɔ-wasinɛnu ma Babilɔn soe burɔ.

Aiseya 47:13

I makawandilɛnu ya a ma, i munantɛgɛra. Ila lole-lakɔrɔsilɛnu nara i dɛnbɛn tinɛ. Anu bi lolenu wara-koe rakaranna i ye. Anu bi san-kole wara-koe rakaranna i ye. Karɛ-wo-karɛ, anu bi yarɔ-koenu fɔla i ye. Nba, wonu ni na i kunyɛ bɔ a rɔ.

Aiseya 65:23

Mɔgɛnuna wɔlɛ ti to anu ma tun fu! Anuna dannu ti to tɛgɛla a ma tun. Marita mɔgɛ bɛɛ si to duwɛ kɔrɔ. Marita mɔgɛnu anubɛ anuta dannu si to duwɛ sɔrɔnna.

Yɛrɛmaya 50:15

Wo ni kɛlɛ-sɔnkɛ layɛlɛ Babilɔnna foolɛ bɛɛ rɔ, ado nyɔ-mɔgɛnu bara dɛgɛ min. Anuna soe tarɛ si keri ka bui fugbu! Nde, Mari si n tayili sara Babilɔn kɛnu na. Woletɔ wo ni anu bira boloko-yogomɛ-kɛ iko anu fanan taranta mɔgɛnu birala nya min.

Yɛrɛmaya 51:30

Babilɔn kɛlɛ-dannu munna si tɛgɛ. Anu si belenna sigila anuna so-latankanɛnu tɔ. Anu si ma iko musi. Tarɛ don-dɛnu si keri. Tɛ si na tugu bɔnnu na.

Yɛrɛmaya 51:44

Mari ko a si Babilɔn kɛnuna bɛsi Bɛli tinya. Mɔgɛnu ya min bɛɛ kankan bɛsi wo ye, anu si wo bɛɛ lasɛgi a tiginu ma. Sibolo-wo-sibolo ti a kɔ tun! Babilɔn tarɛnu si na bui.

Yɛrɛmaya 51:64

I ni a fɔ ko, ‘Kɛ le ye sigila Babilɔn kɛnu ma. Anu si yigi yi kɔrɔ, anu ti yɛlɛ tun ka a tɛgɛ Marita kasarɛ ma anu kan ma.’ ” Yɛrɛmayala kuma laban le kɛ la.

Yɛrɛmaya 51:9

Sibolo-gbɛrɛ minnu siginɛ anu tɛma, wonu si a fɔ ko, “Babilɔn dɛnbɛ-sɔgɛ ye ma la kɔnɔ a fɛrɛ sa! Ma ni a to nyɔ. Ma ni sɛgi ma warɛnu tɔ. Alla ara a fanka ban Babilɔn kasarɛ ma. A ara tinya pɔ!”

Yɛrɛmaya 9:5

Bɛɛ ye foninyɛ fɔla a diyana-mɔgɛ kan ma. Tonya-fɔla fenfen sa anu tɔ. Wole Yuda kɛnu bi wo nagan nadurula foninya-fɔɛ ma. Hakɛ ara wo rafaga kɔlɔbɔ!

Nimisa Koe 5:5

Anu bi ma lagbengbenna iko sofɛlɛ-dunumatoe. Ma bandanta dɔgɔma-ma-de kɔnɔ sulen-kunya sa ma bolo.

Habakuku 2:13

Wo ya mɔgɛ minnu bira kɛlɛ rɔ, wo ya anu fɛrɛ tinya wɔli-fufafui kɛla wo ye. Wonu ya fan min bɛɛsi ladan wo ye, tɛ si wonu ban fegba! Mari Sɛnbɛ-Bɛɛ-Tigi le ye wo mala.