Yɛrɛmaya 51:52 - ALLALA KUMƐ

⁵² Wati ye nala, Mari ko a si maga Babilɔn bɛsɛnu na. Mɔgɔ-tanbannɛnu si to kurunna nyamanɛ wo tɔnkɔn bɛɛ rɔ.

Yɛrɛmaya 51:52 ပူးပေါင်းရင်းမြစ်များ

Yɛrɛmaya 50:38

Alamɛ tɔn sigira bandɛla nɛ la. Bɛnu ni gbala anu worɔn la todo! Babilɔn nyamanɛ lafanɛ bɛsi-makilannɛnu na, ado anu bara mɔgɔ siyaman nayuwaya.

Yɛrɛmaya 51:47

Mari ko wati ye nala, a si maga Babilɔn kɛnuna bɛsɛnu na. Nyamanɛ wo bɛɛ si to yarabiyi kɔrɔ, ado mɔgɛ bɛɛ si faga nyɔ rɔ tɛrr!

Isikiyɛli 28:23

N si kirayɛ latugu anu kun na ka dugu-kole ban anu yele la yɛgbɛ! Anu yogenu si kɛ anu ma kan-tinɛ bɛɛ rɔ. A mɔgɛnu si to fagala. Wo kɔma, anu si a lɔn wo le ma ko Mari le nde la.”

Isikiyɛli 30:24

Wo kɔma, n si Babilɔn mansɛ bole ragbɛlɛya ka faan don a bolo. Kɔnɔ Iyipiti mansɛ, n si wo bolo filɛ rakeri. A ni to kurunna dumɛ bolo. A ni faga a yogenu yala fuyan!