Yɛrɛmaya 51:50 - ALLALA KUMƐ

⁵⁰ Mari ya a fɔ ala mɔgɛnu ye Babilɔn nyamanɛ rɔ ko, “Wo ara sayɛ masangba min kɛ, wo kana fenfen makɔni. Wo ta! Hali wo fɛ-yan wo warɛnu na, wo kana nyina nde, Mari ko anubɛ Yerusalɛm soe.

Yɛrɛmaya 51:50 ပူးပေါင်းရင်းမြစ်များ

Yaburi 122:6

Wo ni madiyali kɛ alako yisi-kimɛ ni don Yerusalɛm soe burɔ. A di minnu ye, alamɛ wonu mara-a-la.

Aiseya 48:20

A ko wole, ata mɔgɛnu, wo ni wo tiriya bɔla Babilɔn. Wo ni a lasɔnkɔ sewɛ bolo kan tinɛ bɛɛ rɔ. Wo ni a fɔ mɔgɛ bɛɛ ye duninya rɔ ko Mari ara wole, ata wɔli-kɛla Isirɛla mɔgɛnu kisi.

Aiseya 51:11

I ya minnu niyi lakisi, wonu sewamatoe si ta Yerusalɛm. Anu si ta tolonna sewɛ la anu bolo. Anu sewanɛ si to habadan! Mɔnɛ anubɛ tɔrɛ si to-a-rɔ anu ma yen!

Aiseya 52:2

I lasɔ gbangban rɔ ka i nyɛrɛ magbɔngbɔn. Ile so-birani-kɔrɛ, i lawuli. I mayigi ila mansaya-waganɛ rɔ. I kirinɛ yɔlɔkɛ min na nun, i ni wonu tatɛgɛ i ma.

Yɛrɛmaya 31:21

Wole Isirɛla mɔgɛnu, wo ni wo sɛgi-kilɛ latɛgɛ. Wo ni wola kila-da-kunyɛ nyini alako wo ni ta a labɔ wo warɛ ma. Wole Isirɛla mɔgɛnu, wo sɛgi wo warɛ. Wo sɛgi wola soenu tɔ.

Yɛrɛmaya 44:28

Wo mɔgɔ-dande si wo buri ka bɔ Iyipiti ka ta Yuda. Wo dande min bi tola, wo si a lɔn ni tonyɛ ye minta kumɛ la, wotɛ wo, Maritɛ wo.

Yɛrɛmaya 50:8

Mari ko, “Wole Isirɛla mɔgɛnu, wo ni wo buri bɔla Babilɔn nyamanɛ rɔ. Wo ni nyamanɛ boloka tiriya! Wole ni ma mɔgɔ fɔlɛ la ka bɔ nyɔ.

Yɛrɛmaya 51:45

Mari ko Isirɛla mɔgɛnu ni bɔ anu burila Babilɔn. Anu ni anu buri Marita fondo-bɔ-wɛ kɛ kɔrɔ.

Yɛrɛmaya 51:6

Anu burumatoe ni bɔ Babilɔn nyamanɛ rɔ. Anu ni anu buri alako anu niyi la ni kisi. Anu kana faga, anu tɔgɛ ni to Babilɔn kɛnuna hakɛ la. Mari ko a si a tayili sara anu na iko a bɛnta, a ni a ma nya min.

Isikiyɛli 6:9

Minnu si to biralɛ rɔ nyɔ rɔ, wonu si anu miri n ma. Anu si a lɔn yati, ko nde le ya anu tɔrɔ ka anu nayarabi bawo bɛsi-kɔ-koe diyara anu ye nde bato koe ko, ado anu bara anu kan-kɔ sɔ nde la. Anu si tɛgɛ anu nyɔgɔn tɔ kasikasi, ka a tɛgɛ anuna wunduyogoyɛ anubɛ kisimiriya-koenu ma.

Daniyɛli 6:11

Daniyɛli yoge wonu ya a yen min kɛ a ye Alla matarala,

Lankɛnimayɛ 18:4

Wo kɔma, n ya kuman-kan-gbɛrɛ lamɔɛn bɔla Arinyɛni tɔ. A ye a fɔla ko, “Nna mɔgɛnu, wo bɔ! Wo ni bɔ a fɛ feu! Wo kana kofu a ma ata hakɛ rɔ alako wo kana tɔrɔyɛ sɔrɔn a fɛ!