Yɛrɛmaya 51:16 - ALLALA KUMƐ

¹⁶ A nɛn-naban kumala, banda si tugu. A si a ma, banda-yi la ni dɛn kan-tina bɛɛ rɔ. A tenbi bandɛ lanala, san ye sɛrɛnna. A si ala fɔn-barɛ dɛ laka.

Yɛrɛmaya 51:16 ပူးပေါင်းရင်းမြစ်များ

Ko-Dabirɛnu 8:1

Alla ma nyina Nowa anubɛ soge wonu ko minnu bi kulɔn wo rɔ nun. Alla ya fɔnyɔ latugu ka yi masagan.

Yobu 37:13

Alla si bandɛ lana ka dugu-yi sa. A si a lana mɔgɛnu tɔrɔ-koe la, ni wo ma, a si ala keninteyɛ yira mɔgɛnu na.

Yobu 38:22

Banda-kolenu namaranɛ n bolo kan min, i wara ke nyɔ nun? Yi-kole la si dɛn kan min, i ya nyɔ lɔn?

Yobu 40:9

I ragbɛlɛ iko nde? I kuman-kan si ma san-sɛran la iko ndetɛ, wa?

Yaburi 104:7

I ya yinu makuma tumɛ min, anu ya anu buri i kɔrɔ. Anu ya i seren-seren-kan lamɔɛn min kɛ, wonu dama ya anu buri.

Yaburi 135:7

A si banda-finyɛ lana ka bɔ dugu-dan la. A ye san-sɛran anubɛ bandɛ lanala. A si fɔn-barɛ dɛ laka duninya kuma.

Yaburi 147:18

Yanni a ni ban a fɔla duri ma ko, “Gbala,” a ara gbala todo! A tenbi fɔnyɔ lanala, banda ye wo sagaranna.

Yaburi 18:13

Mari min bi Fan Bɛɛ Kun na, wo kan ye bɔla san-kole rɔ iko san-gbalamɛ.

Yaburi 46:6

Kɔnɔ sibolo-gbɛrɛ doinu, wonu bi kilanna kumakɔɛ bolo dɔgɔma-ma-de! Nyamanɛ doinu ta ye magala. Alla tenbi kumala iko san wa sɛrɛn, wo si a ma, dugi ni lee bandin!

Yaburi 68:33

Alla min bi san-kole rɔ kebi fɔlɔ, wo ni siginu sa a ye. Wo ni wo tole masɔ. A si a labira a kulu-mayɛlɛnɛ la.

Yaburi 78:26

Wo kɔma, a ya fɔnyɔ labɔ tele-bɔɛ wara la. A ya dugula-fɔnyɔ fanan nawuli ata sɛnbɛ la

Bɔ-Koe-Iyipiti 10:13

Musa ya ala sewuri rasagan Iyipiti nyamanɛ kuma. Mari ya fɔnyɔ do lana Iyipiti kuma ka bɔ tele-bɔɛ wara la. Fɔnyɔ telenta nala gben, a kira nala kudu! Wo banda kɛ sɔgɔma, anu tɛrɛnara kondɔn siyamɛnu na anu kuma, fɔnyɔ wo nara minnu na a bolo.

Bɔ-Koe-Iyipiti 10:19

Mari ya fɔn-belebele do labɔ tele-yigi wara la. Fɔnyɔ wo ya kondɔn wonu bi ka anu nafili Kɔgɔ-Yi-Wulan rɔ. Hali kondɔn wo kelen ma to Iyipiti nyamanɛ rɔ.

Bɔ-Koe-Iyipiti 14:21

Musa ya a bole rasagan Kɔgɔ-Yi-Wulan wo kuma. Mari ya fɔn-belebele-wɛ do lana ka bɔ tele-bɔɛ wara la suyi wo nyɛrɛ rɔ ka Kɔgɔ-Yi-Wulan wo tɛ tɛgɛ fila la ka nyɔ gbala todo!

Isikiyɛli 10:5

Hali mɔgɛ tenbi kata kɔma, i si nima-fan wonu kanban-tagbesi-kan lamɔɛn. A kuman-kan kolo iko Alla Sɛnbɛ-Bɛɛ-Tigi kan.

Emɔsi 9:7

Mari ko wole Isirɛla mɔgɛnu, wobɛ Sudan kɛnu takɛn a ya la. A ko a nara Filisitinu na ka bɔ Kariti yi-tɛma-dugi rɔ. A nara Siriyanu na ka bɔ Kira nyamanɛ rɔ. A ko a nara wole fanan na ka bɔ Iyipiti nyamanɛ rɔ wo nya na le.

Yona 1:4

Mari ya banda-fin-fɔn-belebele-wɛ latugu anu kun na. Fɔnyɔ wo nara fanka rɔ, a tora doni, a ni kulɔn wo tinya.

Yona 4:8

Sun-tele-kɔgɛ, Alla ya fɔn-kalamɛ lana ka bɔ tele-bɔɛ. A tora doni, Yona ni kirɔn-a-la tele-wuyan bolo. A duwara le gbɛ ni a si faga. A ko, “N furi fisa n kɛndɛ ko.”