Yɛrɛmaya 50:42 - ALLALA KUMƐ

⁴² Anu bara na anuna kalabɛn anubɛ anuna faannu na. Anu wunduyogo, ado anu ti kinikini. Anu siginɛ soee minnu na, wonu na-kan mani de iko kɔgɔ-yi tenbi tugula a rɔ. Anu bara anu kɔnkɔn Babilɔn kɛlɛ-kan ma.

Yɛrɛmaya 50:42 ပူးပေါင်းရင်းမြစ်များ

Yaburi 46:6

Kɔnɔ sibolo-gbɛrɛ doinu, wonu bi kilanna kumakɔɛ bolo dɔgɔma-ma-de! Nyamanɛ doinu ta ye magala. Alla tenbi kumala iko san wa sɛrɛn, wo si a ma, dugi ni lee bandin!

Yaburi 74:20

Wobɛ ita mɔgɛnu sarata kumɛ min ma wo nyɔgɔn tɛma, i miri wo ma. Karagbɛlɛyɛ ye dogɔn rɔ belenna nyamanɛ bɛɛ rɔ.

Aiseya 47:1

Mari ko, “Babilɔn soe, bɔ ila mansaya-waganɛ rɔ. I ni i sigi gbangban rɔ di-kɛ-tinɛ. I mani de nun iko kɔɛn-kurɛ. So-karantan le ile la nun, kɛlɛ ma ke bɛ min tɔ. I yereyere ma tun iko fɔlɔ. I ye yɔɔnyɛ le la gbɛ!

Aiseya 47:6

Mari ko ale diminyanɛ male ata Isirɛla mɔgɛnu ma nun. Ma biranɛ a bolo iko ata ma ma la. A ko a ara ma kunyɛ don Babilɔn kɛnu bolo, ado anu ma kinikini ma ma. A ko hali mala kɛmɔgɛnu, anu bi wonu natofi-tafila.

Aiseya 5:28

Anuna bɛɛnnu nasulennɛ boliboli! Anuna kalɛnu tabɛnnɛ. Anuna soeenu kiannu gbɛlɛyanɛ iko fara-kole. Anuna kirindi kiannu bi tintanna anu kɔrɔ iko tɔnkɔlɔn.

Aiseya 5:30

Wo tele wa na, anu bi bɔrɔndɔ-bɔrɔndɔla Isirɛla kuma le iko kɔgɔ-yi tenbi tugula a rɔ, wo kan ye nya min. Nyamanɛ kɛ mafɛlɛn! Fɔ pinpi anubɛ tɔrɔya-gbansan, wo le ye a rɔ. Pinpi ara waan yamatogon.

Yɛrɛmaya 30:14

Wo diyana-mɔgɛ sibolo-gbɛrɛ bɛɛsi ara nyina wo wara-koe la. Anuna ko ti taran wola ko rɔ. Mari ko a ya wo kɛlɛ iko wo yogenu. Wola tɔrɔyɛ ara gbɛlɛya wo kuma bawo wo hakɛ ara siyaya, ado wola karagbɛlɛyɛ ara wara.

Yɛrɛmaya 47:3

Anu si soeenu kinta-kan lamɔɛn. Anu si kirindinu ta-kan lamɔɛn. Anu si kirindinu sɔnkɔ-kan namɔɛn. Sɔrɔnbagɛnu ti sɛgi anu kɔma anuna dannu bi-tinɛ. Anu bolenu tafaganɛ kɔlɔbɔ!

Yɛrɛmaya 50:14

Mari ko, “Wole kalabɛn-nakɛlɛnu, wo ni mini Babilɔn ma a kɛlɛ-tinɛ. Wo ni wola kalabɛn damasi lakɛ Babilɔn ma bawo a ara hakɛ kɛ nde, Mari la.

Yɛrɛmaya 50:9

N si sibolo kurun nabɔ kantɔ-wara la ka na kɛ Babilɔn kɛnu ma. Wonu si nyamanɛ kɛlɛ ka a nɔ. Donso-nyana le wonu na, min bole di kalabɛn la dɔgɔma-ma-de!

Yɛrɛmaya 51:27

A ya a fɔ Babilɔn yogenu ye ko, “Wo ni falafalɛ layɛlɛ tamasereyɛ la ka kɛlɛ-buri fɛ alako sibole bɛɛ ni a lamɔɛn. Ararati nyamanita-mɔgɛnu wo, Mini nyamanita-mɔgɛnu wo, Asikɛnasi nyamanita-mɔgɛnu wo, wo dama ni wo rabɛn kɛlɛ-kan ma. Wo ni kɛlɛ-kurugba kelen bɔ min si sɔ kɛlɛ yarɔ. Wo ni soeenu natugu Babilɔn kɛnu ma iko kondɔnnu. Sibole bɛɛ ni a mabɛn Babilɔn kɛlɛ-kan ma.

Yɛrɛmaya 8:16

Ma yogenu bara ke Dan soe ma kantɔ pan! Ma ye ma yogenuna kɛlɛ-kɛ-soeenu sun-tafɛ-kan lamɔɛnna. Dugi ye yɛrɛyɛrɛnna soeenu na-kan bolo. Ma yogenu bi dugi kɛ anubɛ a fan bɛɛ tinya-tinɛ le kɛ la. Anu bi Yerusalɛm soe anubɛ a mɔgɛnu halaki-tinɛ le.”

Isikiyɛli 26:3

“Woletɔ nde, wo Tigi Mari ko ale Taya kɛnu yoge le nde la. N si sibolo-gbɛrɛkɛ donu nana anu kan ma. Wonu si to tugula anu kuma iko kɔgɔ-yi min bi tugula a rɔ.

Yowɛli 2:5

Anu tenbi kɔnkɔ yigi-ni-yɛlɛ kɛla, anu ta-kan ye bɔla iko kirindinu. Anu sɔnkɔ-kan ye tala bɔla iko tɛ tenbi kalɛ la. Anu tabɛnnɛ sɔnɛ anu sansan-yili ma kɛlɛ-kɛ-koe la.

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.

Lankɛnimayɛ 16:6

Anu bara ila mɔgɛnu anubɛ nɛbinu yele labɔ. Woletɔ i wara yele di anu ma ka a min. A bɛnta anu ni min sɔrɔn, anu bara ban wo sɔrɔnna feu!”