Yɛrɛmaya 5:26 - ALLALA KUMƐ

²⁶ Karagbɛlɛ minnu bi wole, ala mɔgɛnu tɛma, wonu bi mɔgɛnu manɛgɛnna ka anu bira iko donso-keminɛ ye kona manɛgɛnna nya min ka a bira.

Yɛrɛmaya 5:26 ပူးပေါင်းရင်းမြစ်များ

Yaburi 64:5

Anu bi anu nyɔgɔn kɔntɔ-diyala karagbɛlɛyɛ rɔ. Anu bi n bira-gbɛrɛ lasigi-koe fɔla dogon rɔ. Anu bi a fɔla ko mɔgɔ-ya sa anu na.

Hɛnkilimaya-Kumɛnu 1:11

Ni anu ya a fɔ i ye ko, “Na, ma ni ta baga mɔgɛ do ma ka a faga alako ma ni ma nyɛrɛ ladiya. Ma si a kɛndɛ taran kɔnɔ ma bɔmatoe si a suyi to nyɔ.” I kana sɔn wo ma.

Aiseya 32:7

Hɛnkili-tinyanɛ si kuntanya-kumɛnu fɔ ka karagbɛlɛya-koenu nadan. Anu si yanfɛ ladan alako anu si bolo-kolɔnnu tabunden foninyɛ la nya min. A si a ma, bolo-kolɔn ni foo a yoe la.

Aiseya 58:1

Mari ko wo ni a mayon wo kulu-mayɛlɛnɛ la iko buru-fɛlɛ si buri fɛ nya min. Mɔgɛnu bi min sigila ale Mari ma, a ko n ni wo pose tii anu ye. N ni Yakoba bɔnsɔnnu hakɛ yira anu na.

Yɛrɛmaya 18:20

A ma kin, mɔgɛ ni ko-nyimɛ yili sara ko-yogomɛ la. Anu bara ban denkɛ sinna n kɔrɔ n faga-koe la. Mari, i miri. Nde le sɔra i yakɔrɔ nun. N ya i madiya alako i ni ko-nyimɛ kɛ mɔgɛ kɛnu ye. N ya i madiya alako i fonde kana bɔ anu kuma.

Yɛrɛmaya 18:22

A ma, anu ni to gbele-gbelenna anuna bɔnnu na. A ma, anu yogenu ni na anu kɛlɛ tiriya! Kɛ bɛɛ ni ma bawo n yogenu bara denkɛ sin n bira-koe la. Anu bara gbɛrɛ-siyaman lasigi n ya rɔ.

Yɛrɛmaya 4:22

Mari ko kun-takolɔn le wole, ala mɔgɛnu na bawo wo ma ale lɔn. A ko denniya-hɛnkili le ye wo bolo. Wo ma fenfen lɔn. A ko wo kusan wunduyogoyɛ la kɔnɔ wo ma ko-wo-ko lɔn ko-nyimɛ wara-koe rɔ.

Yɛrɛmaya 9:8

Wo nagan manɛ kalabɛn-nasulennɛ la. Wo dɛ ye foninyɛ fɔla tolon! Wo bɛɛ ye a da le le fɔla a sigi-nyɔgɛ ye kɔnɔ wo burɛ ye wo burɛ la. Yaga, wo ye ko-yogomɛ sigi-koe rɔ wo ta-nyɔgɛnu ma!

Maika 6:10

A ko karagbɛlɛnte donu bi nyɔ minnu bi nɔnfulinu namarala anu nyɛrɛ ye anuna bɔnnu na, anu ma minnu nyini a kilɛ fɛ. Wo ye mɔgɛ donu kensunyala fen-suma-fannu na, ado wo don ma di ale Mari ye.

Maika 7:2

Hali mɔgɔ-den-kelen sa wole, Isirɛla mɔgɛnu tɛma min telennɛ Alla ye. Mɔgɛ bɛɛ kɔnkɔnnɛ a ta-nyɔgɛ faga-koe ma. Wo ye belenna gbɛrɛnu nasigila wo nyɔgɔn ye.

Luka 5:10

Saimon ta-nyɔgɛnu, Sɛbɛdila dannu fanan kawara, Yemesi anubɛ Yɔni, kɔni. Yisa ya a fɔ Saimon ye ko, “I kana kilan. Ka a dabira bi ma, i si mɔgɛnu bira, yɛgɛ ma tun.”