Yɛrɛmaya 5:15 - ALLALA KUMƐ

¹⁵ Wole Isirɛla mɔgɛnu, Mari ko wo ni wo tole masɔ. A ti mɛ tun, nyamanɛ do si na wo tɔrɔ-tinɛ ka bɔ wula-yan la. A ko nyamani-kɔrɔkɔrɛ do le wo la. Mɔgɛ wonu bi kumɛ min fɔla, wo ti wonu kan ragbɛ. Wo ti ke anu kuli ragbɛla.

Yɛrɛmaya 5:15 ပူးပေါင်းရင်းမြစ်များ

Ko-Dabirɛnu 11:7

Wo na, ma ni yigi anu bara ka anu kan yabasan alako anu kana anu nyɔgɔn kan lamɔɛn.”

Yaburi 81:5

Alla tanɛ Iyipiti kɛnu fitina tinɛ, a ya sereya kɛ fɔ male, ata mɔgɛnu ye, ado ma taranta Iyipiti kɛ minnu tɛma, ma sa wonu kannu nagbɛla.

Aiseya 28:11

Ni wo sa wo tole masɔla nde la, Alla si sundannu nana wo karan tinɛ kan-yabasannɛ la.

Aiseya 29:3

Alla nyɛrɛ si i kɛlɛ ka mini ile soe nyɛrɛ ma.

Aiseya 29:6

Mari Sɛnbɛ-Bɛɛ-Tigi si na san-sɛran anubɛ dugu-yɛrɛyɛran la wo lakanan-koe la. Mari si wo lakisi fɔnyɔ anubɛ ta-wɛ la.

Aiseya 33:19

Sibolo-gbɛrɛ-wasitenu ti kuma sɔ wo ma tun minnu kan ma gbɛ wo bolo.

Aiseya 39:3

Nde, Aiseya tara ale mansɛ manyinika ko, “Sundan kɛnu bɔra mintɔ? Anu ya nfen fɔ i ye nun?” Mansa Hɛsakaya ko, “Anu bɔra fɔɔ Babilɔn nyamanɛ rɔ pon!”

Aiseya 5:26

Mari ye a kɔɛn kerila wula-yanna-sibolo-gbɛrɛnu ye alako wonu ni na. A ye anu kelela fululi rɔ alako anu ni na ka bɔ duninya-tonko-nanɛ bɛɛ rɔ, ado wo ma anu yen nala tiriya?

Aiseya 5:7

Mari Sɛnbɛ-Bɛɛ-Tigita nakɔɛ, wo le Isirɛla kɛ la. Yuda nyamanita-mɔgɛ wonu minnu di a ye, wonu denu bi ki-fenyɛ la. Mari miri ko anu bi ko-kɛndɛ le kun na nun, yaga, anu sa fenfen kun na fɔ mɔgɔ-fagɛ. A ya a lɔn ko anu bi ko-telennɛ le kun na nun, yaga, anu bi buila minnu ma, wonu bi dila a dala ko-telenni-koe la.

Yɛrɛmaya 1:15

Wati-kundu-nɛ wa tenbi, nyamanɛ minnu bi kantɔ-wara la, n si wo mɔgɛnu natugu wo ma. Nyɔ-mansɛnu si na Yerusalɛm soe tarɛ bira-a-la ka soe damasi bira-a-la Yuda nyamanɛ rɔ. Anu si na anuna mansaya-waganɛnu sigi Yerusalɛm tarɛ don-dɛnu na.

Yɛrɛmaya 2:26

Ni mɔgɛ ara kankan bira kankanya-kɛ-tinɛ, a si miliya, ado wole Isirɛla mɔgɛnu fanan bara miliya wo nya na le. A mansa wo, a kun-tigi wo, a saraka-masɔla wo, a nɛbi wo, wo bɛɛ ara miliya tɛrr!

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 4:16

Kuman-kan wo ko wo ni kɛ fɔ sibolo-gbɛrɛnu ye ka a lake wole, Yerusalɛm kɛnu fanan ma ko wo yogenu bi nala ka bɔ wula-yan la pon! Kɛlɛ-kumɛ ye anu da rɔ Yuda soenu kan ma.

Yɛrɛmaya 5:11

Mari ko wole, Isirɛla mɔgɛnu anubɛ Yuda mɔgɛnu ma wo telen a ye. Ale Mari kan le kɛ la.

Yɛrɛmaya 6:22

Mari ya a fɔ ko, “Wo ni wo yɛ lata. Kɛlɛ-dannu bi nala ka bɔ kantɔ-findan ma pon! Sibolo-makawanɛ do ye nala. Anu tabɛnnɛ kɛlɛ-wɛla ko la.

Isikiyɛli 18:31

Anu bi karagbɛlɛyɛ min bɛɛ kun na, anu ni anu bole bɔ wo bɛɛ rɔ. Anu ni sɔndɔma-kurɛ anubɛ miriya-kurɛ lana anu burɔ. Nfenna saya-sɔgɛ ye Isirɛla mɔgɛnu na?

Daniyɛli 1:4

Kɔnɔ a ye min yatɔnbɔnna, anu ni kinya, anu ni ma hɛnkilimɛnu na, anu ni ma mɔgɔ-kolonɛnu na, anu ni ko nya-yen yona, ado fɛɛ kana taran anu na fanan. A bɛnta, wo mɔgɔ-sufanu ni sigi mansa-bolɔn la. Ale mansɛ ya a fɔ tun ko ale Asipinasi si to wonu karanna anuna Babilɔn kan anubɛ anuna buku-sɛbɛni-kɔrɛnu karan ma.

Daniyɛli 7:7

“N bi kɛ fanan mafɛlan kun na tumɛ min, n ya a sogo-nani-nyɔgɛ wo yen. A makilanta dɔgɔma-ma-de, ado a fanka kolo. Nɛgɛ-belebelenu denu manɛ a nyin la. A ye fan min birala, a nyin si wo ramɛsɛ-mɛsɛya. A toe min bi tola, a si wo nunku a kian la. Ale faranɛ soge doinu ma feufeu, bawo kere tan ye a kunyɛ ma.

Emɔsi 6:14

“Mari Sɛnbɛ-Bɛɛ-Tigi nyɛrɛ-nyɛrɛ le ya kɛ fɔ ko a si kɛlɛ-dan donu nabɔ nyamani-gbɛrɛ rɔ ka na bui wole, Isirɛla mɔgɛnu ma ka wola nyamanɛ bi wo bolo. Anu si bɔ wo birala Lɛbanan kɔnkɛnu kɔrɔ ha ka ta ke Kɔgɔ-Dalɛ dan ma. Anu si wo damasi bira tɛrr!”

Habakuku 3:16

N ya kɛ damasi lamɔɛn tumɛ min, n kumakɔra. N da-gbole tora yɛrɛyɛrɛnna kumakɔɛ bolo. N kolenu mara yɔrɔyɔrɔ! N kiannu tora yɛrɛyɛrɛnna n kɔrɔ sigisigi! Kɔnɔ n si n tade ka ma yogenu tɔrɔ-tele makɔnɔ Mari bolo.

1 Kɔrɛnti 14:21

A sɛbɛnɛ Allala kitabu rɔ ko, “Mari ko a si kuma ata mɔgɛnu ye. A si mɔgɛ donu nana wo karan tinɛ kan-yabasannɛ la. A ko wo ma mɔgɛ minta kan lamɔɛn, wonu si ata kumɛ fɔ wo ye kɔnɔ hali wo, a ko ata mɔgɛnu ti anu tole masɔ wo kan la.”

Tɔn-Fɔɛ-Fila-Nyɔgɛ 28:33

Wo wa ban tɔrɔ-dɛgbɛ kɛla sɛnɛ minnu na, sibolo-gbɛrɛkɛ-mɔgɛnu si na sɛnita-fan wonu bi ka ta a la anu bolo pon! Woleta tɔnɛ si ma tɔrɛ anubɛ bosɛ la.

Tɔn-Fɔɛ-Fila-Nyɔgɛ 28:49

“Mari si a ma, sibolo-gbɛrɛkɛ-mɔgɛnu si na wo tɛma ka bɔ wula-yan la pon, wo ti minnu kuman-kan lamɔɛn hali! Wonu si na kɛ wo ma iko bibinu.