Yɛrɛmaya 49:8 - ALLALA KUMƐ

⁸ Didan so-burɔ-mɔgɛnu ni anu kan-kɔ sɔ. Anu ni anu buri tala anu dogonna. Mari ko a ye nala Isɔ kegeyɛnu kasarala, Idɔm kɛnu, kɔni bawo anu tɔrɔ-wati ara ke a bolo.

Yɛrɛmaya 49:8 ပူးပေါင်းရင်းမြစ်များ

Aiseya 2:21

Mari wa na dugu layɛrɛyɛrɛn tinɛ tumɛ min, mɔgɛnu si na anu dogon farannu na kɔnkɛnu tɔ. Anu bi dugu-kɔrɔ-kilɛnu sala alako anu ni bɔ Marita fondo-bɔɛ kɔrɔ. Anu sɛbɛ donnɛ ka anu dogon Marita sɛnbɛ anubɛ gbiliyɛ kɔrɔ.

Aiseya 21:13

Sarakanɛ le kɛ la Arebiya kɛnuna ko la. Wole Didan kɛ minnu bi wo daga makɛla wula-da-rakolɔn rɔ,

Aiseya 34:5

Mari ara ala faan sagan a lɛɛ rɔ san-kole rɔ. A ye nala Idɔm kundu bɔla, ado a ara kasarɛ wara-koe fɔ mɔgɛ kɛnu ye nun.

Yɛrɛmaya 25:23

Didan, Tema, anubɛ Busi so-tiginu wo, mɔgɛ minnu si anu kun-sigi wuruya wo,

Yɛrɛmaya 46:21

Hali ala kɛlɛ den sannɛnu, wonu tafagani de iko ninki-dan sɔrɔn-san. Anu fenfen ma ke kɛlɛ rakɔnɔna fɔ ka anu buri. Anu kasara-tele ara na. Anu tinya-tele ara ke.

Yɛrɛmaya 48:28

“Anu denu min siginɛ Mohabu nyamanɛ rɔ, anu ni bɔ soenu tɔ ka ta anu dogon fara-woenu na. Anu ni ma iko kura-kangbɔɛ min si a nyagan sa faran la nya min.

Yɛrɛmaya 48:44

Min tenbi a burila kumakɔɛ bolo, wo ye buila denkɛ rɔ. Ni min bɔra denkɛ rɔ, wo si bira gbɛrɛ la bawo ale Mari ara ban Mohabu kasara-wati latɛgɛla.

Yɛrɛmaya 48:6

Anu bi a fɔla ko, “I buri i niyila ko la. I buri iko bintɔ-sofɛlɛ.”

Yɛrɛmaya 49:30

Mari ye Hesɔ so-burɔ-mɔgɛnu makawandila ko anu ni anu buri ka ta anu dogon pon! Babilɔn Mansa Nɛbukanasa si na yanfɛ don anu ma. A ko,

Yɛrɛmaya 49:32

Mari ya a fɔ Babilɔn kɛlɛ-dannu ye ko anu ni nyomɛnu anubɛ kolo-fan bɛɛ bi tɛrr! A ko a si Hesɔ kɛnu fui, minnu si anu kun-sigi lawuruya, kɔni. Kasarɛ si ke anu ma kan-tinɛ bɛɛ rɔ.

Yɛrɛmaya 50:27

Anu ni Babilɔn kɛlɛ-dan damasi kan natɛgɛ. Gbalo ye Babilɔn kɛnu ma. Anu kasara-wati ara ke.

Yɛrɛmaya 6:1

Wole Bɛnyamɛ bɔnsɔn, wo ni wo buri wo niyila ko la. Wo ni wo buri bɔla Yerusalɛm soe burɔ. Wo ni kɛlɛ-buri fɛ Tekoya soe burɔ. Wo ni tamasere layɛlɛ ka bɔ Bɛti-Hakɛram soe burɔ. Wo ni a fɔ ko kasarɛ ye yigila a ma ka bɔ kantɔ-wara la. Kasara-belebele ye nala wo kuma.

Isikiyɛli 25:13

Woletɔ n bara a latɛgɛ ko fɔ n ba Idɔm kɛnu tɔrɔ ka mɔgɛ bɛɛ faga anubɛ anuna kolo-fannu. Ka a dabira Tɛma soe ma ha ka ta a sigi Didan soe la, n si nyamanɛ wo bɛɛ tinya pɔ, ado nyɔ-mɔgɛ bɛɛ kunyɛ si to kɛlɛ rɔ.

Malakayi 1:3

kɔnɔ Isɔ anubɛ a kegeyɛ ma di a ye. A ko a ara Isɔla kɔnkɔ-nyamanɛ tinya ka nyɔ ma fira-wulinu-halalɛ la.

Malakayi 1:4

Idɔm kɛnu, Isɔ kegeyɛ, kɔni, tumado wonu si a fɔ ko, “Hali mala soenu bara kasara, ma si anu sɔ-kura-kɛ tun.” Ni anu ya wo fɔ, Mari si a fɔ worɔ ko ni anu ya anu sɔ tun, a si na anu tii mɛmɛ! Mɔgɛnu si na nyamanɛ wo kele ko, “Karagbɛlɛya-nyamanɛ.” Anu si to a fɔla tun fanan ko, “Mari fonde bɔnɛ nyɔ-mɔgɛnu kan ma tolon!”

Lankɛnimayɛ 6:15

Wo kɔma, duninya-mansɛnu wo, kun-tiginu wo, kɛlɛ-den-kunyɛnu wo, nɔnfulu-tiginu wo, sɛnbɛ-wa-tiginu wo, anubɛ a mɔgɔ-toe bɛɛ, a yɔɔn anubɛ a hɔrɛ, bɛɛ ya a dogon farannu na anubɛ farɛnu tɛma minnu bi kɔnkɛnu tɔ.

Kɛlɛ-Kurugbɛnu 6:2

Midiyan mɔgɛnu tagbɛlɛ Isirɛla mɔgɛnu ko. Woletɔ Isirɛla mɔgɛnu ya anu dogon farannu na kɔnkɔ-woenu tɔ.

1 Samuwɛli 13:6

Anu tara bui Isirɛla mɔgɛnu ma ka a lagbɛlɛya anu kuma ha Isirɛla mɔgɛ donu ya anu dogon farannu na anubɛ farɛnu tɛma anubɛ kɔlon-tagbalanɛnu tɔ.