Yɛrɛmaya 49:5 - ALLALA KUMƐ

⁵ Ale Mari Sɛnbɛ-Bɛɛ-Tigi ko a si a ma, anu ni kilan kan tinɛ bɛɛ rɔ. Anu dama si anu buri tɛrr, anu niyila ko la. Kɛlɛ-dannu kundɛnna-wo-kundɛnna ti taran anu tɔ.

Yɛrɛmaya 49:5 ပူးပေါင်းရင်းမြစ်များ

2 Mansɛnu 19:7

Mari si a ma, Asiriya mansɛ ni kumɛ do lamɔɛn. Wo si a ma, anubɛ ala mɔgɛnu ni anu buri tala anuta nyamanɛ rɔ. Mari si a ma, ale mansɛ ni faga nyɔ rɔ.”

Yobu 15:21

Kuman-kan-makilannɛnu si to a rakilanna. Ale miri wati min ma ko a latankanɛ, kankan si bui a ma.

Hɛnkilimaya-Kumɛnu 28:1

Karagbɛlɛ si a buri hali mɔgɔ sa a kɔma kɔnɔ mɔgɔ-latelennɛ kerinte iko yarɛ.

Aiseya 16:3

Kilayɛ wonu ya a fɔ Yuda kɛnu ye ko, “Ma si min ma, wo ni wo fɔ ma ye. Ma ni taran wo kɔrɔ iko mɔgɛ tenbi kɔlɔma-ninɛ kɔrɔ taraba-tele-wati. Kɛlɛ-kɔrɔ-burilɛ le male la. Wo ni ma dogon kan do rɔ, mɔgɔ ti sui ma ma kan min.

Yɛrɛmaya 15:8

Wole Yuda musu-siyaman si foo wola keinu na. A ko kɛɛ-nyaganɛ si siyaya ka tenbi ba-kɛnkɛn la. A ko a si kasarɛ lana tele-latelen-wati wole, Yuda kemini-mɛsɛnu kan ma. A ko kɛ si kilan anubɛ dumɛ lana anu nanu kuma.

Yɛrɛmaya 16:16

Mari ko a ti mɛ tun, a si kilayɛ lata yɛgɛ-biralɛnu ma alako wonu ni na wole, Yuda mɔgɛnu bira. Wo kɔma, a si kilayɛ lata donsenu ma alako wonu ni na bui wola nyamanɛ kɛ bɛɛ ma. Donse wonu si to wole, Yuda mɔgɛnu napɛrɛnna kɔnkɛnu anubɛ farannu ma.

Yɛrɛmaya 20:4

Mari ko a ara a tɔgɛ yɛlɛma bawo ale anubɛ a diyana-mɔgɛnu kun ma ni kɔ anu nyɛrɛ kuma. A ko a yogenu tenbi a diyana-mɔgɛnu fagala, a si a yɛ bɛn wonu ma. A ko ale Mari si wole, Yuda mɔgɛ bɛɛ don Babilɔn mansɛ bolo min si wo bira ka ta wo la Babilɔn. Ni wo ma, Babilɔn kɛlɛ-dannu si mɔgɔ-biranɛ wo donu faga.

Yɛrɛmaya 46:5

Mari ko a ya a kolan lata de pan! A ko Iyipiti kɛlɛ-dannu bi sɛgila anu burila kilan bolo. Anuna kɛlɛ-dannu bi anu burila. Anu pelapelɛ ye tala kumakɔɛ bolo. Anu ti ke anu yɛ lasɛgila anu kɔma.

Yɛrɛmaya 49:29

A ko Babilɔn kɛlɛ-dannu ni anuna fani-bɔnnu anubɛ anuna kolo-fannu torondo anu na. Anu ni anuna fan bɛɛ bi anuna fani-bɔnnu burɔ, hali yorolannu ti to. Anu tenbi nyomɛnu bila tumɛ min, anu si a fɔ ko, “Fen-makilannɛnu bi wola foolɛ rɔ!”

Yɛrɛmaya 6:25

Wo kana ta binyɛ rɔ de! Wo kana kila kun bira. Wo kana wo ma bawo faan-damɛ ye wo yogenu bolo la. Kumakɔɛ ye kan-tinɛ bɛɛ rɔ.

Nimisa Koe 4:15

Mɔgɛnu bi anu masɛgila anu na. Anu bi a fɔla ko, “Wo kɔsɔnɛ. Wo kana tugu ma la.” Woletɔ anu ya anu bɔ Yerusalɛm soe burɔ ka to yilan-yilanna sibolo-gbɛrɛnu tɛma minnu fanan ya a fɔ ko, “Wo ni wo bɔ mala nyamanɛ rɔ.”

Emɔsi 4:3

Anu si wo sagan dugu la gbɔɔ ka ta wo malɔfɔkɔrɔyanɛ sa tara-kerinɛ dɛnu na ka wo fili tarɛ kɔma.

Yasowa 2:9

ka a fɔ anu ye ko, “N bara a lɔn ko wota Mari Alla ya nyamanɛ kɛ di wole, Isirɛla mɔgɛnu denu ma. N ya a lɔn fanan ko Kenan nyamanɛ mɔgɛ bɛɛ kilannɛ wo la.