Yɛrɛmaya 49:31 - ALLALA KUMƐ

³¹ “Wo na. Ma ni ta bui mɔgɛ kɛnu ma minnu miri ko anu nakanannɛ le. Tara sa soe wo ma, ado tara da-balan-fan sa nyɔ.”

Yɛrɛmaya 49:31 ပူးပေါင်းရင်းမြစ်များ

Yaburi 123:4

Fen-tiginu bara mɛ ma mayɛlɛnna, bi ko ma de! Wasintenu bara mɛ anu dɛ bosila a kɔrɔ ma ma.

Yaburi 73:12

Karagbɛlɛnu bi wo nya na le. Fen bi anu bolo duk, ado a ye tola sala a kuma tun!

Aiseya 32:11

Wo siginɛ ladiyɛ rɔ, hɔn sa wo la kɔnɔ wo ni yɛrɛyɛrɛn kumakɔɛ bolo. Wo ni wo gbu-makolonya ka wo buta kiri kasa-kurɛ la.

Aiseya 32:9

Wole musi minnu bi wo diya, hɔnya sa wo kan na, wo ni wo tole masɔ n kan la.

Aiseya 42:11

Kɛn-dugi nyamanita-mɔgɛ bɛɛ ni Alla matɔgɔ! Wole Kida kɛnu, wo ni a matɔgɔ! Wole minnu siginɛ Sela soe burɔ, wo ni wo dɛ sa-a-rɔ sewɛ bolo kɔnkɛnu kuma!

Aiseya 47:8

Ile Babilɔn soe, i tole masɔ, sewɛ di ile min ye wɛ kɛ, kɔni, i miri ko i siginɛ lafɛrɛ rɔ. I ye i nyɛrɛ matagbala. I ko i rakɛn fenfen sa nyɔ. Ile ma a lɔn nun ni i si ma kɛɛ-musi la. I ma a lɔn ko i si foo ila dannu na.

Yɛrɛmaya 48:11

Mari ko Mohabu kɛnu nafɛrɛni de tuma-wo-tuma. Anu ma ta biralɛ rɔ ni! Anu siginɛ iko gbɛɛ min kɔrɔ siginɛ, mɔgɔ ma a bole tugu wɛ min barɛ la. A diyɛ ye a la iko a ye nya min nun fɔlɔ. A sumɛ ye bɔla iko a ye nya min nun fɔlɔ fanan.

Isikiyɛli 30:9

“Iyipiti kasara-tele wa na, Sudan kɛ minnu ma sui wɛ kɛlɛ ma, n si kilayɛnu nata kulɔnnu tɔ ka ta anu nalɔn. Wonu fanan kun ma si kɔ.

Isikiyɛli 38:11

A ko ale Kɔgi si a latɛgɛ ko a ni bui Isirɛla nyamani-kimanɛ wo ma min nafɛrɛnɛ, ado tarɛ minini ma nyamanɛ wo soenu ma.

Isikiyɛli 39:6

Mɔgɛ minnu nafɛrɛnɛ siginɛ Megogi nyamanɛ anubɛ kɔgɔ-yi-dafɛ-nyamanɛnu na, fenfen sa anu mabanna nun. N si tɛ tugu nyɔ la. Wo wa ma tumɛ min, bɛɛ si a lɔn ko nde le Mari la.

Maika 7:14

I yandi Mari, i ni ma ila mɔgɔ-yabɔnɛ kɛnu ye iko saga-fɛ-biralɛ. Ma ye dugi min tɔ kaka, dugu-hakika ma wo la. I yandi Mari, a ma, ma ni ta ma sigi Basan nyamani-hakikɛ rɔ anubɛ Kaliyadi nyamanɛ iko ma benbanu ya a ma nya min wati-tenbinɛ.

Nehami 1:12

Mari ye a fɔla ala mɔgɛnu ye Yuda nyamanɛ rɔ ko hali wole Asiriyanu tagbɛlɛ, ado wo siya, wo si kasara ka tunu yen! Mari ko a ya a ma nun, Yuda nyamanita-mɔgɛnu tɔrɔta kɔnɔ a ko a ti wo ma tun!

Sɛfanaya 2:15

Minnu bi Ninɛfa soe burɔ, wonu wasinɛ dɔgɔma-ma-de! Anu mirinɛ ko laa-wo-laa sa anu na. Anu kɛnɛna a fɔla ko, “Mala soe kɛ makawara ka tenbi soe dama la.” Kɔnɔ tɔ-a-la, nyɔ si ma tonbon-bɛrɛbɛrɛ la. Fɔ sogenu dɔrɔn, wonu denu si taran nyɔ. Mɔgɔ-wo-mɔgɔ wa tenbi nyɔ, a si nyima a rɔ, wo kɔma, a si a bole sa a dɛ la ka a dɛ bosi a kɔrɔ.

Yilan-Yilan Koe 23:9

N tenbi kɔnkɔ-kolo-wɛ kuma, n si anu yen. N tenbi kɔnkɔ-layan-bɛ kɛ kuma, n bi anu tagbɛla feu! Mɔgɛ le kɛnu na minnu ti basan sibolo-gbɛrɛkɛnu na. Mɔgɛ le kɛnu na minnu si anu sigi anu dan na yiri!

Tɔn-Fɔɛ-Fila-Nyɔgɛ 33:28

Wole Yakoba kegeyɛnu, wo si to yisi-kimɛ rɔ. Wo sigi-bole ra si bɛn wo ma lanyiri-nyamanɛ wo rɔ. Fenfen ti ban wo bolo. Wo si dɔn-fen siyaman sɔrɔn. Duri si to yigila wola ki-fannu kuma tuma-wo-tuma.