Yɛrɛmaya 49:29 - ALLALA KUMƐ

²⁹ A ko Babilɔn kɛlɛ-dannu ni anuna fani-bɔnnu anubɛ anuna kolo-fannu torondo anu na. Anu ni anuna fan bɛɛ bi anuna fani-bɔnnu burɔ, hali yorolannu ti to. Anu tenbi nyomɛnu bila tumɛ min, anu si a fɔ ko, “Fen-makilannɛnu bi wola foolɛ rɔ!”

Yɛrɛmaya 49:29 ပူးပေါင်းရင်းမြစ်များ

Ko-Dabirɛnu 37:25

Anu bi fen dɔnla tumɛ min, Sumanyila kegeyɛ minnu siginɛ Midiyan nyamanɛ rɔ, anu ya wonu yen nala wula-yan la ka bɔ Kaliyadi nyamanɛ rɔ. Anu nara kɛnɛ anubɛ se-tuli anubɛ isɛnti dunɛnu na. Wonu kirinɛ anuna nyomɛnu kɔ tɛma. Anu bi tala Iyipiti nyamanɛ rɔ.

Yobu 1:3

Saga waga wɔrɔnfila (7,000) ye a bolo anubɛ nyomo waga sawa (3,000). Wo kɔma, sara-ninki waga kelen (1,000) taranta a bolo anubɛ sofɛlɛ kɛmɛ loli (500). Wo kɔma, wɔli-kɛ-den-siyaman bi a bolo duk! Mɔgɛ min bɛɛ ye Yorodan bɛ tele-bɔɛ wara la, ata fen-tigiyɛ kolo wonu bɛɛtɛ ko.

Yaburi 120:5

Ka to wole fɛ, wo mani de iko mɔgɛ tenbi karagbɛlɛnu tɛma.

Yaburi 31:13

N bi n yogenu wɛwɛ-sa-kan lamɔɛnna. Kilan ye nna foolɛ rɔ. Anu bi n faga-mɔlɔnɛ bɛɛ ladanna.

Aiseya 13:20

Nyɔ si ma tonbɔn la. Hali Arabu minnu bi yilan-yilanna, anu ti anu daga makɛ nyɔ. Hali saga-fɛ-biralɛnu ti ta anuna sagɛnu na nyɔ.

Aiseya 60:7

Kedari kɛnuta sagɛ bɛɛ si ma itɛ la. Anu si na Nebayɔti kɛnuta saga-yiginu na ka anu di i ma. Wonu si ma saraka-mintan-suma-diyamɛ la Marita saraka-mintan-tinɛ kuma. A ko a si a Bato-Bɔn rabɛn yɔnyɔn, ka tenbi a fɔlɔtɛ la.

Yɛrɛmaya 10:20

Mala fani-bɔnnu bara wuya. A balan-yili bɛɛ ra ara tɛgɛ. Mala dannu ta ara nyɛnsɛn. Fani-bɔn wo sɔla-wo-sɔla sa nyɔ tun. Hali a yorolan, a kirila sa tun.”

Yɛrɛmaya 4:20

Kasarɛ ara sa kasarɛ kuma. Nyamanɛ bɛɛ ara halaki pɔ! Mata fani-bɔnnu bara halaki nya-kun-kelen. Fani-bɔn-yorolannu bara fogbɔ.

Yɛrɛmaya 46:5

Mari ko a ya a kolan lata de pan! A ko Iyipiti kɛlɛ-dannu bi sɛgila anu burila kilan bolo. Anuna kɛlɛ-dannu bi anu burila. Anu pelapelɛ ye tala kumakɔɛ bolo. Anu ti ke anu yɛ lasɛgila anu kɔma.

Yɛrɛmaya 49:24

Damasika kɛnu si na ma kɔlɔbɔ! Anu si na anu buri kilan bolo. Anu si na anu sɔrɔkɔnna dumɛ bolo iko musi buyi wa a lamaga.

Yɛrɛmaya 49:5

Ale Mari Sɛnbɛ-Bɛɛ-Tigi ko a si a ma, anu ni kilan kan tinɛ bɛɛ rɔ. Anu dama si anu buri tɛrr, anu niyila ko la. Kɛlɛ-dannu kundɛnna-wo-kundɛnna ti taran anu tɔ.

Yɛrɛmaya 6:25

Wo kana ta binyɛ rɔ de! Wo kana kila kun bira. Wo kana wo ma bawo faan-damɛ ye wo yogenu bolo la. Kumakɔɛ ye kan-tinɛ bɛɛ rɔ.

Habakuku 3:7

N ya a yen nna ko-rayirɛ rɔ, Kusan-kebila-mɔgɛnu bi kilanna dɔgɔma-ma-de! Midiya kɛnu bi yɛrɛyɛrɛnna kilan bolo.

2 Kɔrɛnti 4:8

Ma tɔrɔnɛ wati bɛɛ kɔnɔ nɔ ma sɔrɔn ma ma. Ma kɔndɔfilinɛ kɔnɔ ma yigi tɛgɛni ma mumɛ!

2 Kɔrɛnti 7:5

Hali ma kera Masidoniya nyamanɛ rɔ tumɛ min, ma ma ma sulen mumɛ! Tɔrɔyɛ bilanɛ ma fɛ kan tinɛ bɛɛ rɔ. Sɔsɔlɛ le gbansan ye mala foolɛ rɔ. Kilan fanan bi ma yisi rɔ.

Kɛlɛ-Kurugbɛnu 6:5

Anu bi nala anuna kolo-fen siyamɛnu na anubɛ anuna fani-bɔnnu iko kondɔnnu ka Isirɛla nyamanɛ rakolonya.

Kɛlɛ-Kurugbɛnu 7:12

Midiyan kɛnu anubɛ Amalɛkinu anubɛ sibolo-gbɛrɛ minnu bi tele-bɔɛ wara la nun, wonu nyɛnsɛnnɛ lɛɛ wo rɔ iko kondɔnnu. Anuna nyomɛnu siya iko ba-kɛnkɛn.

Kɛlɛ-Kurugbɛnu 8:21

Mansa filɛ wonu ya a fɔ Kidiyɔn ye ko, “Ile le nyɛrɛ-nyɛrɛ ye ma fagala bawo kina si kinaya-wɔlɛ le kɛ.” Kidiyɔn ya anu faga. A ban anu fagala, yɔlɔkɔ-kinyɛ minnu bi anuna nyomɛnu kan la, a ya wonu bi.

Kɛlɛ-Kurugbɛnu 8:26

Anu ya sɛnɛ-fore minnu nadɛn Kidiyɔn ye, wo damasi lakofunɛ gbiliyɛ manɛ le iko yi kalɔn nani. A dɛɛn-kɔlɔnɛ sa kɛ ma, a bolo-kalama-dɛɛn sa kɛ ma, a kan-na-fen sa kɛ ma, hali a yɔlɔkɛ minnu bi nyomɛnu kan na. Hali Midiyan kɛnuna mansaya-duruki da-gbɛlɛnu bɔnɛ kɛnu na.