Yɛrɛmaya 49:22 - ALLALA KUMƐ

²² Bɔsira kɛnu yogenu si yigi anu kuma iko kokɛ-kanban tafulennɛ tenbi yigila fii! Wulɔn tele, Idɔm kɛlɛ-dannu kun ma si kɔ iko musi buyi wa a lamaga.

Yɛrɛmaya 49:22 ပူးပေါင်းရင်းမြစ်များ

Yaburi 18:5

Saya-masibɛ tora n nafoola. Kanbɛ ya gbɛrɛ lasigi n ye.

Hɛnkilimaya-Kumɛnu 30:19

A fɔlɔtɛ le kokɛ la. Wo si firifiri san ma nya min, n kawanɛ wo ma. A fila nyɔgɛ le duguma-fan la. Wo si tagama farɛ ma nya min, n kawanɛ wo fanan ma. A sawa nyɔgɛ le kulɔn la. Wo fanan si ta kɔgɔ-yi kuma nya min, n kawanɛ wo ma. A nani nyɔgɛ le kei anubɛ musi la. Wonu si diya nya min, n kawanɛ wo fanan ma.

Aiseya 11:14

Anu dama si ta anu nyɔgɔn fɛ ka bui Filisitinu ma tele-yigi wara la. Anu si ta anu yogenu bolo-fan toronde anu na tele-bɔɛ wara la. Idɔm kɛnu wo, Mohabu kɛnu wo, Amonnu wo, wonu damasi si to anuna sɛnbɛ kɔrɔ.

Aiseya 13:8

Bɛɛ kun ma si kɔ. Anu si taran dumɛ rɔ iko musu-den-sɔrɔnmatoe. A bɛɛ yɛ si wuya-a-rɔ kilan bolo. Anu ti ke anu kunyɛ kɔrɔbila yisi-tinyɛ bolo.

Aiseya 21:3

N bara min tayen anubɛ n bara min namɔɛn ko-rayirɛ kɛ rɔ, wo ara dumɛ anubɛ kumakɔɛ tenbi n tɔ iko musi wa wuli a nyɛrɛ-masɔrɔn la.

Aiseya 26:17

Kɔnɔ Mari, i wara a ma, ma ara ma dɛ sa-a-rɔ iko musi bui wa a lamaga.

Yɛrɛmaya 13:21

Wo ye a fɔla minnu ma ko wo diyana-mɔgɛ le, wonu ba sigi wo kun na, wo si nfen fɔ? Wo ti yakɔrɔ-mamɔɛ anubɛ dumɛ sɔrɔn? Wo dumɛ si ma wo bolo iko musi buyi wa a lamaga.

Yɛrɛmaya 22:23

Wola mansɛla bɔn sɔra sida-fɛran minnu na ka bɔ Lɛbanan kɔnkɛnu kuma, ale mansɛ lafɛrɛnɛ sanɛ wo burɔ! Kɔnɔ dumɛ wa tagbaya a ma, a makinikininɛ si to iko nyaganɛ wa sigi tin kɔrɔ.

Yɛrɛmaya 30:6

Wo ni wo miri kumɛ kɛ ma. Kei si ke buyi bila ka dan sɔrɔn? Nfenna a ye kemini-tagbɛlɛmɛnu yenna anu bi anu buyi rabirala iko musi tenbi a nyɛrɛ masɔrɔnna? Nfenna bɛɛ yakɔrɛ manɛ fangbo iko furitɛ?

Yɛrɛmaya 4:13

Ma yogenu bi nala iko banda-finyɛ. Anuna kɛlɛ-kɛ-kirindinu bi nala anu burila iko tɔnkɔlɔn. Anuna soeenu bi anu burila iko kokɛ. A si gbɛlɛya ma kuma bawo wo ye nala kasarala le kɛ la.

Yɛrɛmaya 4:31

N bi di-kɛ-kan lamɔɛnna iko musi tenbi a nyɛrɛ-masɔrɔnna. A ye dila iko nyaganɛ tenbi a fɔlɔtɛ sɔrɔnna. Yerusalɛm ye a niyi makawa-tinɛ le. A ara a bole rasagan ka a fɔ ko, “N bi kirɔnna-a-la le kɛ la. Anu bi n faga-tinɛ le kɛ la!”

Yɛrɛmaya 49:24

Damasika kɛnu si na ma kɔlɔbɔ! Anu si na anu buri kilan bolo. Anu si na anu sɔrɔkɔnna dumɛ bolo iko musi buyi wa a lamaga.

Yɛrɛmaya 50:36

Foninya-nɛbinu fanan ni faga, ado kun-takolɔn le anu na. A kɛlɛ-dannu ni faga. Anu denu fanan kun ma ni kɔ.

Yɛrɛmaya 50:43

Wo lamɔɛn Babilɔn mansɛ bolo, a mankulan bɔra a ma. Hɔnya sigira-a-la iko musi bui wa a lamaga.

Yɛrɛmaya 6:24

Wole Yerusalɛm so-burɔ-mɔgɛnu ba kɛlɛ-dan wonu na-koe lamɔɛn, wo mankulan si bɔ wo ma kilan bolo. Yisi-tɔrɛ si wo bira. Wo si taran dumɛ rɔ iko musi tenbi den sɔrɔn kun na.

Daniyɛli 7:4

N ya a fɔlɔtɛ min yen, wo mani de iko yarɛ kɔnɔ a kanbannu bi a ma iko kokɛ. N bi a mafɛlan wo kun na, n ya fan do yen a kanban wonu wurunnɛ a ma. Fan do ya a bi ka a sɔ a kin filɛ kun na iko hadama-dan. Hadama-den-miriya dira a ma wati wo rɔ.

Hoseya 8:1

Mari ko, “Wo ni kɛlɛ-buri fɛ. Wo yogenu bi nala wo kan ma iko kokɛ bawo wo ya sarama-kan min kiri wobɛ nde, Mari tɛma, wole ara wo waralɛ tinya ka murutiya nta tɔnnu ma.

Hɔbadaya 1:9

Wola kɛlɛ-kurugbɛnu kun ma si kɔ Idɔm nyamanɛ rɔ. Wola kɛlɛ-dannu dama si faga tɛrr!

Tɔn-Fɔɛ-Fila-Nyɔgɛ 28:49

“Mari si a ma, sibolo-gbɛrɛkɛ-mɔgɛnu si na wo tɛma ka bɔ wula-yan la pon, wo ti minnu kuman-kan lamɔɛn hali! Wonu si na kɛ wo ma iko bibinu.

1 Tɛsalonaika 5:3

Mɔgɛnu tenbi a fɔla ko anu bi yisi-kimɛ anubɛ lafɛrɛ rɔ, nba, anu si tɛrɛna halakiyi la wo wati le tɔ, yɔ! A si ma iko musu-kolomɛ buyi wa a lamaga. Anu ti kisi Mari na-tumɛ rɔ.