Yɛrɛmaya 49:14 - ALLALA KUMƐ

¹⁴ Nde, Yɛrɛmaya ya a lamɔɛn Mari la ko a ara kilayɛ lata sibolenu ma ko anu ni anu kundɛn Idɔm kɛnu kɛlɛ-koe ma.

Yɛrɛmaya 49:14 ပူးပေါင်းရင်းမြစ်များ

Aiseya 30:4

Hali Yuda nyamanɛ-yɛnu bara ban kela Sowan anubɛ Hanasi soenu burɔ Iyipiti nyamanɛ rɔ,

Aiseya 37:7

Mari si a ma, Asiriya mansɛ ni kumɛ do lamɔɛn. Wo si a ma, anubɛ ala mɔgɛnu ni anu buri tala anuta nyamanɛ rɔ. Mari si a ma, anu ni ale mansɛ faga nyɔ rɔ.”

Yɛrɛmaya 49:15

Mari ko a ti mɛ tun, a si Idɔm sibole madɔgɔya. Anu bɔrɔ ti taran mɔgɔ-wo-mɔgɔ ye.

Yɛrɛmaya 51:11

Mari ara Midiya mansɛnu natugu Babilɔn kɛnu ma bawo a miriya sa fenfen ma fɔ ka anu nato. Anu bara a Bato-Bɔn tinya min kɛ, a ye wo le yili-sarɛ la wo la. Midiya kɛlɛ-den-kunyɛnu si a fɔ ko, “Wo ni wola kalabɛnnu nasulen boiboi! Wo ni wola nɛgɛ-lufɛ bira wo bolo tɔ ka wo sɔ-bole rabɛn.

Yɛrɛmaya 51:46

Anu bi kumɛ minnu namɔɛnna, wonu kana anu nakilan. San-bo-san, anu si kuma-kurɛnu namɔɛn ka a bɛn kɛlɛ wara-koe ma. Mɔgɛnu bi a fɔla ko karagbɛlɛyɛ ye nyamanɛ donu tɔ. Mansɛ do ye mansɛ do kɛlɛla nyamanɛ donu tɔ.

Matiyu 24:6

Wo si kɛlɛ-koenu namɔɛn anubɛ kɛlɛ-kibarɛnu kɔnɔ wo kana kilan. A fɛrɛ sa fɔ wonu ni ma kɔnɔ a laban ma wo la fɔlɔn.