Dibon so-burɔ-mɔgɛnu ye tala anuna bɛsi-kɔ-tinɛ kɔnkɛ kuma kesi-koe la. Mohabu kɛnu ya Nibɔ anubɛ Midaba so-tinyanɛ yen min kɛ, anu donta anu sɔnsɔn rɔ diyi-kɛ bolo. Anu ya anu kunyɛ gbanna ka anu dɛ masii ka a yira ko anu yisi tinyanɛ.
Mari Sɛnbɛ-Bɛɛ-Tigi ya kɛ le fɔ Mohabu nyamanɛla ko la. A ko bɛɛ ni kinikini Nibɔ kɛnu ma bawo anu si na kasara. Kiriyateyim soe si bira. A tara-layan-bɛ si bui fugbu! A mɔgɛnu yarabinɛ si to,
Wole min siginɛ Dibon soe burɔ, wo si yigi ka bɔ wola gbiliya-tinɛ rɔ ka na sigi gbangban rɔ. Mohabu nyamanɛ kasaralɛ ye yan. Dibon so-latankanɛ kasaranɛ si to.
Tonyɛ le wo la. N si n bole lata ka anuna nyamanɛ tinya. Ka a bi anuna wula-da-rakolɔn dugu la, ha ka ta a sigi Ribila soe kan tɔ pon, Isirɛla mɔgɛnu siginɛ kan tinɛ min bɛɛ rɔ, n si wo bɛɛ halaki pɔ! Mɔgɛ bɛɛ si a lɔn worɔ ko Mari le nde la.”
Kadi bɔnsɔn ya soe kɛnu sɔ a kurɛ la ka tarɛnu mini soe wonu ma, Dibon anubɛ Ataroti anubɛ Arɔra anubɛ Atoti-Sofan anubɛ Yeyasa anubɛ Yɔgabɛha anubɛ Bɛti-Nimira anubɛ Bɛti-Haram. Anu ya saga-karakarannu nadan fanan.
