Yɛrɛmaya 48:13 - ALLALA KUMƐ

¹³ Iko Isirɛla mɔgɛnuna bɛsi ya anu baya nya min Bɛtɛli soe burɔ, Mohabu kɛnuna bɛsi Kimasi ye anu bayala wo nya na le, ado anu lanɛ wo la kati!

Yɛrɛmaya 48:13 ပူးပေါင်းရင်းမြစ်များ

1 Mansɛnu 11:33

Mari ko ni i ya a yen, a ye bɔnsɔn kelen pe tola Mansa Silamɛni bolo, a ye wo mala bawo mansɛ ara a kan-kɔ sɔ a la. A ko Saidon kɛnuna bɛsɛ min tɔgɛ Asitɔra, a ye wo kɔla. A ko Mohabu kɛnuna bɛsɛ min tɔgɛ Kimasi, a ye wo fanan kɔla. Amonnuna bɛsɛ min tɔgɛ Molɛki, a ye wo kɔla ka a madu wo kɔrɔ. Mari ko Mansa Silamɛni ara ala tɔn tinya. A ma sɔn ata tɔn-bira-koe ma iko a fa Mansa Dawuda duruta a mala nya min.

1 Mansɛnu 11:7

A ya bɔn sɔ Mohabu kɛnuna bɛsi Kimasi ye kɔnkɛ kuma Yerusalɛm soe tele-bɔɛ wara la. Bɛsɛ wo sɔgɔ labɔnɛ Alla la. Wo kɔma, a ya bɔn sɔ Amonnuna bɛsi Molɛki ye fanan kɔnkɛ wo kuma.

1 Mansɛnu 18:40

Nɛbi Ilaya ya a fɔ anu ye ko, “Wo ni Beyalita nɛbinu bira. Wo kana sɔn, anu do-wo-do ni anu buri.” Mɔgɛ wonu ya nɛbi wo dama bira. Anu bilara Nɛbi Ilaya fɛ ka ta nɛbi wonu faga Kisɔn ba lɛɛ dafɛ.

2 Ko-Kɔrɔta-Karan 25:15

Wo le ya a ma, Mari fonde bɔra. A ya nɛbi do lata ale Mansa Hamasa ma. Nɛbi wo ya ale mansɛ manyinika ko, “Nfenna i ye foninya bɛsɛ wonu kɔla minnu ma ke anuna mɔgɛnu kunkala i ma nun?”

Aiseya 16:12

Mohabu kɛnu bi tala anuna bɛsi-kɔ-tinɛnu tɔ kɔnkɛnu kuma min kɛ, anu bi anu nyɛrɛ fɛrɛ tinyana wola ko la kɔnɔ anu ti tɔnɔ sɔrɔn wonu tɔ.

Aiseya 2:20

Tele wo wa ke tumɛ min, anuna bɛsɛ minnu nadannɛ sɛnɛ anubɛ wodi-gbɛ la, mɔgɛnu si wonu nakɛ a rɔ. Anu si wonu to tula-gbɛnu anubɛ tosɛnu ye.

Aiseya 45:16

Minnu bi bɛsɛ ladanna allayɛ la, wonu si miliya ka yarabi pɔ, ado anu si ta anu nyɔgɔn fɛ miliyɛ bolo.

Aiseya 45:20

Mari ko, “Nyamanɛla buiyi kɔmɛ, wole sibolo-gbɛrɛ minnu tora wo niyi la, wo ni wo kundɛn kan-tina-kelen kiti kan ma. Wole minnu bi wo wasila wola bɛsɛnu na wo bolo ka bɛsɛ wonu madiya minnu ti ke wo kisila, hɛnkili-wo-hɛnkili sa wo bolo.

Yɛrɛmaya 48:12

Kɔnɔ Mari ko tumɛ ye nala, a si mɔgɛnu nana min si anu tawiya iko gbɛɛ wo. Anu si anu tawiya ka anu barɛnu fɛrɛn dugi la.

Yɛrɛmaya 48:39

Mohabu kɛnu tanyɛnsɛnnɛ ye belenna. A ko bɛɛ ni di bawo anu si na yarabiyi sɔrɔn. A ye nala taranna tonbonyɛ le la, ado anu dafɛ sibolenu bi nala anu mayɛlɛnna. Mari kan le kɛ la.

Yɛrɛmaya 48:46

Gbalo si na Mohabu kɛnu ma. Bɛsi Kimasi kɔlɛnu si na kasara. Kɛlɛ si ta anuna dannu na.

Yɛrɛmaya 48:7

Mohabu kɛnu yili-latɛgɛnɛ anu sɛnbɛ anubɛ anuna nɔnfuli ma, anu si ta biralɛ rɔ. Anuna bɛsi Kimɔsi fanan si ta biralɛ rɔ. Anu yogenu si ta bɛsɛ wonubɛ a kɔlɛnu anubɛ ala mɔgɔ-banu na.

Kɛlɛ-Kurugbɛnu 11:24

Wola bɛsɛ min tɔgɛ Kimɔsi, wo ara nyamanɛ min bɛɛ di wo ma, wo ti wonu namara wo nyɛrɛ ye, wa? Mata Mari Alla ara minnu di male fanan ma, ma ti wonu namara ma nyɛrɛ ye?