Yɛrɛmaya 46:27 - ALLALA KUMƐ

²⁷ Mari ko wole, ala mɔgɛnu kana kilan. Isirɛla mɔgɛnu kuma kana kɔ. A ko a si wo labɔ wula-yan-nyamanɛ rɔ wo ye biralɛ rɔ kan min nun. A ko a si na wo la ka wo sigi wo fanbolo. A si wo kandan. Mɔgɔ-wo-mɔgɔ ti wo lakilan.

Yɛrɛmaya 46:27 ပူးပေါင်းရင်းမြစ်များ

Aiseya 14:3

Mari si Isirɛla mɔgɛnu bɔ dumɛ anubɛ tɔrɛ rɔ ka lafɛrɛ di anu ma. Anu bi anu fɔrɔsɛla wɔli-gbɛlɛmɛ minnu ma nun, a si anu kunyɛ bɔ wo kɔrɔ.

Aiseya 43:1

Isirɛla mɔgɛnuna Mari ko ma kana kilan bawo a ye nala ma lakananna. A ko a ara a sereka-tɔgɛ sa ma kuma. A halalɛ le male la.

Aiseya 43:5

Ma kana kilan bawo a ye ma fɛ. A ko a si na mala mɔgɛnu na ka bɔ tele-bɔɛ anubɛ tele-yigi pon!

Aiseya 44:1

Mari ko “Wole Isirɛla mɔgɛnu, nta wɔli-kɛlɛnu, kɔni, wo ni wo tole masɔ. Nta mɔgɔ-yabɔnɛ le wole Yakoba kebilɛnu na.”

Aiseya 44:2

A ko ale le ya ma dan kebi ma ye ma na burɔ. Ale le ye ma dɛnbɛna tolon! A ko ma kana kilan bawo ata wɔli-kɛlɛ le male la. Ata mɔgɔ-yabɔnɛ le male la. Ma di a ye kosɛbɛ!

Yɛrɛmaya 23:6

A ko a tenbi nyamanɛ wo kun na, Yuda nyamanita-mɔgɛnu si taran anu diya. Isirɛla nyamanita-mɔgɛnu si taran lafɛrɛ rɔ. Anu si ale kele ko, “Mari Mata Kisila-Latelennɛ.”

Yɛrɛmaya 29:14

A ko a si a ma, wo ni a yen. A si wo bɔ biralɛ rɔ ka sɛgi wo la wo halala-nyamanɛ rɔ yan. A ko hali a ara wo fɔrɔsɛ ko wo ni bɔ Yerusalɛm, a si wo yatɔnbɔn sibolo-gbɛrɛnu tɛma. A ya wo lata biralɛ rɔ kan tinɛ minnu tɔ, a ko a si wo kundɛn kan-tina-kelen ka na wo la Yerusalɛm yan. Ale Mari kan le.

Yɛrɛmaya 32:37

A ko a ara ata mɔgɛnu tanyɛnsɛn nyamanɛ minnu tɔ ata fondo-bɔ-belebele la, a si wonu kundɛn tun. A ko a si na anu na soe kɛ rɔ tun. Anu ni sigi yan yisi-kimɛ rɔ.

Yɛrɛmaya 33:16

Yerusalɛm anubɛ Yuda kɛ toenu nakisinɛ si to, ado mɔgɛnu si soe wo nyɛrɛ kele ko, “Ma Kisilɛ Mari.”

Yɛrɛmaya 50:19

A ko a si Isirɛla mɔgɛnu nasɛgi anu halala-nyamanɛ rɔ. Dɔn-fan min bi bɔla Kamɛli kɔnkɛ kuma wo, anubɛ min bi bɔla Basan nyamanɛ rɔ wo, a ko anu si to wonu dɔnna. Ifɛrɛm bɔnsɔn nyamanɛ dɔn-fan wo, Kaliyadi bɔnsɔn nyamanɛ dɔn-fan wo, anu ni to fala wonu na.

Yɛrɛmaya 51:46

Anu bi kumɛ minnu namɔɛnna, wonu kana anu nakilan. San-bo-san, anu si kuma-kurɛnu namɔɛn ka a bɛn kɛlɛ wara-koe ma. Mɔgɛnu bi a fɔla ko karagbɛlɛyɛ ye nyamanɛ donu tɔ. Mansɛ do ye mansɛ do kɛlɛla nyamanɛ donu tɔ.

Isikiyɛli 16:53

“ ‘I dɔgɔ Sɔdɔm soe anubɛ a so-mɛsɛnɛnu wo, i kɔrɔ Samariya soe anubɛ a so-mɛsɛnɛnu wo, nde, Mari si a ma, wonu ni ta yarɔ tun. Ado nfan, n si a ma, ile Yerusalɛm ni sabati fanan.

Isikiyɛli 36:24

N si anu bɔ sibolo-gbɛrɛnu tɛma kan-tinɛ bɛɛ rɔ ka anu nasɛgi tun anu halala-nyamanɛ rɔ.

Isikiyɛli 39:25

N Tigi Mari ya a fɔ n ye ko, “Kaka, n si kinikini Yakoba kegeyɛnu ma, Isirɛla mɔgɛnu, kɔni. N si a ma, anu ni sabati tun. Wo si a ma, n tɔgɔ-sɛninyanɛ ni to.

Emɔsi 9:14

Mari ko a si ala mɔgɛnu nasɛgi anu halala-dugi ma. Anu si anuna so-tinyanɛ sɔ tun ka anu sigi nyɔ. Anu si kɔlɔmanu ki ka anu gbɔɛ dɔn. Anu si ki-fannu ki ka wo fanan dɔn.