Yɛrɛmaya 46:14 - ALLALA KUMƐ

¹⁴ nde, Yɛrɛmaya ni kumɛ kɛ lawanka Iyipiti nyamanɛ rɔ. N ni a mayon Migidɔli anubɛ Mɛmfisi anubɛ Tapanisi soe burɔ ko, “Wo ni wo rabɛn kɛlɛ kan ma bawo wo bɛɛ ye nala lakira sɔrɔnna kɛlɛ rɔ.

Yɛrɛmaya 46:14 ပူးပေါင်းရင်းမြစ်များ

2 Samuwɛli 2:26

Abina ya Yohabu rakele, a ko, “A sɔgɛ ye i la, ma ni to kɛlɛ kɛla burubukai? I ma a lɔn ko kɛlɛ-laban ma fenfen na fɔ koninteyɛ? I ti a fɔ ila keminɛnu ye ko anu ni fara ma la, ado ma dama na-kelen-nyɔgɔma-gbansan de?”

Bɔ-Koe-Iyipiti 14:2

“A fɔ Isirɛla mɔgɛnu ye ko kan tinɛ do ye nyɔ min tɔgɛ Paihahirɔti min bi Migidɔli soe anubɛ Kɔgɔ-Yi-Wulan tɛma, anu ni sɛgi ka ta anu daga makɛ nyɔ rɔ. Anu ni ta anu daga makɛ Kɔgɔ-Yi-Wulan dafɛ Beyali-Sifɔn ya-telen ma.

Aiseya 1:20

Kɔnɔ ni wo bilara a la, fɔ wo kunyɛ wa to kɛlɛ rɔ serr! Ale Mari kan le kɛ la.

Aiseya 19:13

Mɔgɔ-ba minnu bi Sowa soe burɔ, kun-takolɔn le wonu na. Minnu bi Mɛmfisi soe burɔ, wonu bara baya. Wonu bɛnta ka mɔgɛnu sɔ kila-latelennɛ rɔ kɔnɔ anu ma wo ma de fɔ ka mɔgɛnu bila kila-radunɛ fɛ.

Aiseya 31:8

Asiriyanu-kunyɛ si to kɛlɛ rɔ kɔnɔ mɔgɔni-gbuta sɛnbɛ ma wo la de! Asiriyanu si anu buri kɛlɛ kɔrɔ. Anuna fonikenu si ma yɔɔnnu na.

Aiseya 34:6

Anu kɛɛn anubɛ anu yele si don faan wo ma iko saraka-masɔlɛta saraka-boso-muri. Mari si sarakɛ kɛ bɔ Bɔsira soe burɔ, ado kɛ si ma kan-natɛgɛ-ba la Idɔm nyamanɛ rɔ.

Yɛrɛmaya 12:12

Kɛlɛ-den-siyaman si tenbi kɔnkɔ-manunkunɛ wonu ma. Nde, Mari si a ma, kɛlɛ-dan wonu ni nyamanɛ wo tɔrɔ. Ka a bi nyamanɛ-dan doi ma ka a sigi a dan doi la, anu si mɔgɛ wo bɛɛ tɔrɔ. Mɔgɔ-wo-mɔgɔ ti kisi.

Yɛrɛmaya 2:16

Iyipiti kɛ minnu bɔra Mɛmfisi anubɛ Tapanisi soenu burɔ, Mari ko wonu bara wole, Isirɛlata mɔgɛnuna gbiliyɛ anubɛ sɛnbɛ bɔ wo ma feu!

Yɛrɛmaya 2:30

A ko a ya wole Isirɛla mɔgɛnu tɔrɔ kɔnɔ tɔrɛ wo ma wo yɛ mabɔ. Wo ya wola nɛbinu faga iko yara-kɔnkɔtoe wa a labɔ soge ma, a ye wo fagala nya min.

Yɛrɛmaya 44:1

Wole Isirɛla mɔgɛ minnu siginɛ Migidɔli anubɛ Tapanisi anubɛ Mɛmfisi soenu burɔ Iyipiti nyamanɛ rɔ anubɛ minnu bi dugula nyɔ, Mari kumara nde, Yɛrɛmaya ye ka a tɛgɛ wola ko ma.

Yɛrɛmaya 46:10

Ma Tigi Mari Alla Sɛnbɛ-Bɛɛ-Tigita tele le kɛ la. A ye nala a tayili sarala bi. A ye nala anu yogenu tɔrɔla bi. Ala faan si anu dɔn ha a buyi la ni fa. A si anu yele min ha a ni wasa. Mari Sɛnbɛ-Bɛɛ-Tigi si a ma, Babilɔn kɛlɛ-dannu bi a yogenu kan natɛgɛla Yufereti bɛ dafɛ kantɔ-wara la.

Yɛrɛmaya 46:19

Iyipiti kɛnu ni anuna mirannu mabɛn bawo anu biratoe le ka ta anu na. Mɛmfisi soe si ma wula-da-rakolɔn la mɔgɔ sa kan min.

Yɛrɛmaya 46:2

A ya a dabira Iyipiti ma. Yahoyakimta san nani nyɔgɛ ma Yuda nyamanɛ kun na, Babilɔn Mansa Nɛbukanasa ya Iyipiti Mansa Nikola kɛlɛ-dannu nɔ Yufereti bɛ dafɛ Kakemisi soe burɔ.

Isikiyɛli 21:28

Mari ya a fɔ tun ko, “Ile hadama-dan, nde, wo Tigi Mari ye nala min fɔla Amonnu ye kɛ la, i ni wo latenbi anu ma bawo anu bi Isirɛla mɔgɛnu tasɛla kati! A fɔ anu ye ko, ‘Faan do ye wo tinya kan ma. A masusanɛ mɔgɔ-faga-koe la. A ye malan-malanna iko san-sɛran.’

Isikiyɛli 30:13

“Nde, i Tigi Mari ya a fɔ ko a bɛsi wo, a batoli-fen wo, n si wo bɛɛ kasara Mɛmfisi soe burɔ pɔ! Mɔgɔ-wo-mɔgɔ ti taran tun min si Iyipiti mara. N si bɛɛ rakilan.

Hoseya 9:6

Hali wo ya wo buri tɔrɔyɛ kɔrɔ, Iyipiti mɔgɛnu si wo kundɛn tun kan-tina-kelen. Anuna so-karantan-mɔgɛnu si wo togon soe do rɔ nyɔ min tɔgɛ, “Mɛmfisi.” Wola wodi-gbɛnu namara tinɛnu anubɛ wola bon-kinyanɛnu si ma gbɔfɛ la binyɛ anubɛ wɔnɛ bolo.

Nehami 2:13

Mari Sɛnbɛ-Bɛɛ-Tigi ko wole Ninɛfa kɛnu ni wo tole masɔ. Wo yogo-bɛrɛbɛrɛ le ale la. Wo si wola kɛlɛ-kɛ-kirindinu mintan gburr! Wola kɛlɛ-nyana dama kunyɛ si to kɛlɛ rɔ. Wo ara min bɛɛsi bi kɛlɛ rɔ, ale fanan si wonu bi wo bolo. Wola kilayɛnu ti ta tun ka gbɛsɛ-gbɛsɛnu makele nyamanita-mɔgɛ doinu na.

Tɔn-Fɔɛ-Fila-Nyɔgɛ 32:42

Mari ko yele si bɔ ata kalabɛn-sungbannu na ka tinti dugi ma. A ma di minnu ye, ata faan si wo bɛɛsi faga le. A yoge fenfen ti to a niyi la, hali mɔgɔ-tanbannɛnu anubɛ mɔgɔ-biranɛnu fanan si faga.