Yɛrɛmaya 44:22 - ALLALA KUMƐ

²² Bi, wola nyamanɛ ye tonbonyɛ le la gbɛ! Mɔgɔ sigini sa a rɔ. Mɔgɛnu ba nyɔ yen, anu si anu bole sa anu dɛ la ka kawa. Anu si wo tɔgɛ ma dankali-kɛ-fan la bawo Mari ti ke a munyuna wola karagbɛlɛya-koe kɛnu kɔrɔ muk!

Yɛrɛmaya 44:22 ပူးပေါင်းရင်းမြစ်များ

Ko-Dabirɛnu 19:13

kamasɔrɔn ma si Sɔdɔm soe kɛ halaki bawo anuna ko-yogomɛ ara wara Mari yala. Mari ya ma sɔ alako ma ni na soe kɛ lato dogbe!”

Ko-Dabirɛnu 6:3

Woletɔ Mari ko, “N ti ke n munyuna hadama-dannuna sɔn-yogoyɛ kɔrɔ. Bɔnkɛ le anu na min kɛ, ka a dabira kaka ma, n si do bɔ anu siyi-tele la. Mɔgɔ-wo-mɔgɔ siyi ti tenbi san kɛmɛ ani san mogan (120) na tun.”

2 Mansɛnu 17:15

Mari ko anu ma sɔn ata sereyanu birala. Anubɛ anu benbanu sarata min na, anu ma sɔn wo birala. A ko a ya anu makawandi minnu ma, anu ma sɔn anu tole masɔla wonu na. Anu ya bɛsi-fufafuyinu kɔ ka anu nyɛrɛ ma mɔgɔ-fufafuyinu na. Mari ya a fɔ anu ye nun ko anu kana anu dan-masa-nyɔgɛnuna namunu bi kɔnɔ anu ya wonuna namunyɛnu bi.

Aiseya 1:24

Woletɔ Isirɛlata Mari Alla Sɛnbɛ-Bɛɛ-Tigi ye nala min fɔla, wo ni wo tole masɔ wo la. A ko a si a tayili sara wo la, wole, a yogenu, kɔni. A ko wo ti nanparan-wo-nanparan di a ma tun!

Aiseya 43:24

woletɔ ma sa isɛnti sanna a ye tun. Ma sa a wasa-koenu kɛla ka to sogo-kɛɛn dila a ma. Kɔnɔ ma ara to ma hakɛ-dunɛnu sala a kuma. A ko ma ara to ko-yogomɛnu sigila a kuma min kɛ, wo ara a labandan.

Aiseya 7:13

Nba, nde, Aiseya ko, “Wole Mansa Dawuda kegeyɛnu, wo ni wo tole masɔ a kin na! Nde ma n munyu wo sɔn ma. Wo kana a ma, Alla ni a munyu wo sɔn ma.

Yɛrɛmaya 15:6

Mari ko wole, Yerusalɛm mɔgɛnu bara wo ban a la, ado wo ye tola tala le tun. Wo sa wo yɛ lasɛgila. Woletɔ a ko a ye wo dan labirala ka wo tɔrɔ. A ko wola koe min nakɔlɔn-kɔlɔnnɛ a burɔ, a ti ke wo birala-a-rɔ tun.

Yɛrɛmaya 18:16

Woletɔ wole, Yuda nyamanɛ si ma nyamani-fuyi la. Nyamanɛ wo si ma yɛlɛnma-fan la mɔgɛnu ye. Mɔgɛnu ba bɔ nyɔ, anu si kawa ka anu kunyɛ firifiri. Wola nyamanɛ wo tinya-koe si ma tɛrɛna-koe la mɔgɛnu bolo.

Yɛrɛmaya 23:2

A ko a bɛnta, wole ni Mari Isirɛlata Allata mɔgɛnu kumafunfan nun kɔnɔ wo ara anu gben ka anu tanyɛnsɛn. Woletɔ a ko fɔ a wa wo tɔrɔ wola karagbɛlɛyɛla ko la.

Yɛrɛmaya 24:9

A ko a ye kasarɛ min sigila wo ma, wo si a ma, duninya mumɛ bɛɛ ni kilan. Mɔgɛnu si wo mayɛlɛn. Anu si wo ma yɛlɛnma-fan la. Anu si wo tɔgɛ ma dankali-kɛ-fan la.

Yɛrɛmaya 25:11

Nyamanɛ mumɛ bɛɛ kasaranɛ si to. San bi-wɔrɔnfila dɛgɛdɛgɛ, wobɛ wo dan-masa-nyɔgɛnu bi Babilɔn mansɛ kɔrɔ.

Yɛrɛmaya 25:18

N ya do di wole, Yerusalɛm kɛnu ma anubɛ Yuda nyamanita-mɔgɛ toenu, a mansa wo, a mɔgɔ-ba wo. N ya wo ma le alako yan kasaranɛ ni to. Mɔgɛnu ba anu tinya-bole mafɛlɛn, anu kuma si tɛgɛ. Wo si a ma, mɔgɛnu ni anu mamɔɛn ka anu tɔgɛ ratɛgɛ dankali-kɛ-tinɛ, ado a ye wo nya na le ha bi.

Yɛrɛmaya 25:38

Mari ara ala nyamanɛ boloka iko yarɛ wa bɔ faran la dɔnta-nyini-tinɛ a yisi ma. Mari ara wola nyamanɛ bɛɛ tinya a fondo-bɔnɛ la, ado yan bara ma nyamani-makilannɛ la ka a tɛgɛ kɛlɛ ma.

Yɛrɛmaya 26:6

Ni wo tora murutiyɛ kɛ kun na, a ko a ya ala Fani-Bɔn tinya Sailo soe burɔ nya min nun, a ye a Bato-Bɔn fanan tinyana wo nya na le, ado duninya-mɔgɛ bɛɛ si Yerusalɛm soe tɔgɔ ratɛgɛ dankali-kɛ-tinɛ.

Yɛrɛmaya 29:18

A ko a si kɛlɛ anubɛ kɔnkɛ anubɛ kirayɛ ma anu gben-fan la, ado sibolo-gbɛrɛnu ba anu yen tumɛ min, anu kuma si tɛgɛ wao! Mɔgɛnu si anu manyini ka anu tɔgɛ ma dankali-kɛ-fan la.

Yɛrɛmaya 29:19

Mari ko wo ye mala le bawo Yerusalɛm kɛnu ma anu tole masɔ a la. A tora sarakani-siyaman donna ala nɛbinu bolo kɔnɔ a ko Yerusalɛm kɛnu ma anu tole masɔ sarakanɛ wonu na mumɛ!

Yɛrɛmaya 30:14

Wo diyana-mɔgɛ sibolo-gbɛrɛ bɛɛsi ara nyina wo wara-koe la. Anuna ko ti taran wola ko rɔ. Mari ko a ya wo kɛlɛ iko wo yogenu. Wola tɔrɔyɛ ara gbɛlɛya wo kuma bawo wo hakɛ ara siyaya, ado wola karagbɛlɛyɛ ara wara.

Yɛrɛmaya 34:22

A ko a wa wo kɛlɛ-koe fɔ wo yogenu ye tumɛ min, wonu si ta wo kɛlɛ-tinɛ ka wola soe bira ka a mintan gburr! A ko a si Yuda soenu ma wula-da-rakolɔn la, mɔgɔ sa kan min. Ale Mari kan le kɛ la.

Yɛrɛmaya 4:4

Wo ni wo nyɛrɛ dantɛgɛ Marita wɔlɛ ma. Wo ni ala kumɛ bira wo yisi bɛɛ la. Wole Yerusalɛm kɛnu anubɛ Yuda nyamanta-mɔgɛ bɛɛ, Mari ko wo ni kɛnu ma. A ko ni wo tantanta kɛ do ma, a si wo halaki ata fondo-bɔɛ la min manɛ iko tɛ, ado mɔgɔ ti ke tɛ wo ladufenna ka a tɛgɛ wo sɔn-yogomɛla ko ma.

Yɛrɛmaya 42:18

“Mari Isirɛlata Alla ko iko a fonde bɔra Yerusalɛm kɛnu kuma nya min, ni wo tara Iyipiti nyamanɛ rɔ, a fonde ye bɔla wo kan ma wo nya na le. A ko min ba wo yen, wo kuma si tɛgɛ. Mɔgɛnu si wo bira boloko-yogomɛ-kɛ ka wo tɔgɛ ma dankali-kɛ-fan la. A ko wo ti kan-tinɛ kɛ yen tun!

Yɛrɛmaya 44:12

Wole Yuda mɔgɛ toe minnu bara Iyipiti sigi-koe latɛgɛ, a ko fɔ a wa a yen, wo damasi ara kasara. A kina wo, a denni wo, wo kunyɛ si to kɛlɛ anubɛ kɔnkɛ bolo Iyipiti nyamanɛ rɔ yan. Mɔgɛnu ba wo yen tumɛ min, anu si anu bole sa anu dɛ la ka kawa. Mɔgɛnu si wo mayɛlɛn ka wo tɔgɛ ma dankali-kɛ-fan la.

Yɛrɛmaya 44:2

Mari Sɛnbɛ-Bɛɛ-Tigi Isirɛlata Alla ko a ara kasarɛ min lana Yerusalɛm anubɛ Yuda soenu ma, a ko wo ara wo rayen, ado ha bi, soe wonu tinyanɛ nyɔ. Mɔgɔ-wo-mɔgɔ sigini sa anu tɔ tun

Yɛrɛmaya 44:6

Woletɔ a ko a ya a fonde labɔn Yuda soenu anubɛ Yerusalɛm soe burɔ ka soe wonu mintan gburr! Ha bi, soe wonu bi tonbonyɛ la.

Yɛrɛmaya 48:9

Mohabu kɛnu tɔgɛ si sɛbɛ kanba kuri ma bawo anu sa mɛla kasarala tun! A soenu si to tonbonyɛ la. Hali mɔgɔ-den-kelan ti sigi nyɔ tun!

Yɛrɛmaya 5:9

Mari ko nfenna a ti mɔgɛnu tɔrɔ kɛla ko la? A ko a ni mɔgɔ-su kɛnu tɔrɔ iko a bɛnta, wo ni tɔrɔ nya min.

Isikiyɛli 39:23

Sibolenu bi a lɔnna wo le ma ko Isirɛla mɔgɛnu ya hakɛ min kɛ, wo le ya anu don biralɛ rɔ. N ya n kan-kɔ sɔ anu na. N sɔnta anu yogenu ni anu nɔ ka anu faga kɛlɛ rɔ.

Isikiyɛli 5:13

“Wo si nna yisi-bɔɛ sɛnbɛ-dan lɔn ha wo tɔrɔya-nya ni n hɛnɛ. Wo wa ma, wo ti tɛrɛna wo la ko nde, Mari le wara kuma. N yisi ara bɔ ka a tɛgɛ wola telenbɛlitayɛ ma.

Daniyɛli 9:11

Male Isirɛla mɔgɛ bɛɛsi ya ila tɔnnu tinya. Anu ma sɔn ila kumɛ birala mumɛ! Ma ara hakɛ kɛ i la, woletɔ ita wɔli-kɛla Nɛbi Musa ya dankɛ minnu sɛbɛ ata buku rɔ, ile le ya a ma, dankɛ wonu ya ma dama bira.

Daniyɛli 9:12

I ya a fɔ ko i ye nala koe min bɛɛsi mala male anubɛ mala kun-tiginu na, i wara wonu ma ma la serr! I wara Yerusalɛm soe tɔrɔ ka tenbi soe bɛɛ la duninya rɔ.

Emɔsi 2:13

Mari ko a si wo digin dugu la ha wo ni kurun iko dunu-bilɛ wa dunɛ bi, a ti min nɔ.

Malakayi 2:17

Wola kuma-siyamɛnu bara a ma, Mari ara gbunya wo kɔrɔ. Kɔnɔ wo ye a fɔla ko, “Male ya a ma kama a gbunyara ma kɔrɔ?” Bawo wo ye a fɔla ko, “Mari Sɛnbɛ-Bɛɛ-Tigi mirinɛ ko-yogoma-kɛlɛnu ma ko anu kin. Wo kɔma, anu bara-koe di a ye.” Wo ye a fɔla tun ko, “Alla-telennɛ kɛ ye mintɔ?”

Romu 9:22

Alla wa min ma, a ye wo nya na le. A si ala diminyɛ anubɛ ala sɛnbɛ labɔ gbɛ ma. A bɛnta, a ni minnu halaki, ni a diyara a ye, a si a mun wonu kɔrɔ.