Yɛrɛmaya 44:19 - ALLALA KUMƐ

¹⁹ Wo kɔma, musinu ya a fɔ ko, “Ma ye keki ladanna mala bɛsi-musu-mansɛ wola muninyɛ rɔ tumɛ min ka isɛnti mintan bɛsɛ wo ye ka minni-sarakɛnu di a ma, mala keinu taranta anu bole sigila mala koe wonu kɔrɔ nun.”

Yɛrɛmaya 44:19 ပူးပေါင်းရင်းမြစ်များ

Ko-Dabirɛnu 3:6

Woletɔ musi wo ya bɔra kɔlɔma-gbɔɛ wo la bawo a kin. A dɔn-sɔgɛ ya a bira. A ya a lɔn ko ni a ya a dɔn, a si hɛnkili sɔrɔn. A ya wo gbɔɛ do keri ka a dɔn ka do di ala kei ma. Wo fanan ya do dɔn.

1 Mansɛnu 21:25

(Mɔgɔ-wo-mɔgɔ sa nyɔ min bara bila Mari la ka ala ko-yogomɛ sa gbɛ rɔ iko Mansa Ehabu kɛ, ado ala musi Yɛsɛbɛli le ya a latuntun ko-yogomɛ kɛnu ma-tinɛ.

2 Ko-Kɔrɔta-Karan 21:6

Isirɛla Mansa Ehabu min lakirayara, wola dunmusi le tora Mansa Yɛhoram ye Yuda nyamanɛ rɔ. Ale mansɛ kɛ ya a biran-kei sɔn-yogomɛ bi iko Isirɛla mansɛnu fanan bi nya min. A ya hakɛ kɛ Mari la

Hɛnkilimaya-Kumɛnu 11:21

Wo ni la a la serr, ko mɔgɔ-yogomɛ si ata tɔrɔyɛ sɔrɔn kɔnɔ mɔgɔ-telennɛ kunyɛ si bɔ tɔrɔyɛ rɔ.

Yɛrɛmaya 44:15

Nba, nyama ladɛnta n fɛ, mɔgɛ min ya a lɔn ko anuna musinu taranta isɛnti mintanna bɛsɛnu ye nun wo, musi minnu bi nyɔ nun wo, Isirɛla mɔgɛ minnu siginɛ Iyipiti dugu la wo, wonu ya a fɔ n ye ko,

Yɛrɛmaya 44:20

Wo kɔma, minnu ya n yabi wo nya, a musu wo, a kei wo, n ya a fɔ wonu ye ko,

Yɛrɛmaya 7:18

A ko n ni n yɛ lata wole, Yuda kɛnu kɛ-nya ma. Wola dannu tenbi nala sɔgɛ la, anu fanu bi tɛ ladɛnna wo la. Anu nanu bi dɛgɛ mintanna ka wo di bɛsɛ wo ma min tɔgɛ Arinyɛnɛ Musu-Mansɛ. Wo kɔma, anu bi minni-sarakɛnu bɔla bɛsɛ doinu ye. A ko wo ye wo damasi mala alako a fonde ni bɔ.

Yilan-Yilan Koe 30:12

Kɔnɔ ni ala kei ma sɔn wo ma, Mari si musi wo makoto ala keila ko la