Yɛrɛmaya 44:17 - ALLALA KUMƐ

¹⁷ Ma wa ma dato min na, ma ye wo le mala. Ma benbanu anubɛ mala mansɛnu, anubɛ mala kun-tiginu bi isɛnti mintanna ka minni-sarakɛnu nabon mala bɛsɛ ye min tɔgɛ Arinyɛnɛ Musu-Mansɛ Yerusalɛm soe anubɛ Yuda nyamanɛ toe rɔ. Wonu ya a ma nya min, male fanan bi a mala wo nya na le. Dɔn-fen-siyaman taranta ma bolo nun. Ma ara ma-a-la nun, ado nanparan sa ma ma nun.

Yɛrɛmaya 44:17 ပူးပေါင်းရင်းမြစ်များ

2 Mansɛnu 17:16

Anu ya anuta Mari Allata tɔn bɛɛ tinya. Anu ya nɛgɛ ladan ninki-den filala muninyɛ la. Anu ya kɔlɔma lɛsɛ musila muninyɛ la ka a kele ko Asura. Anu ya lolenu bato. Anu ya anuna bɛsi Beyali kɔ.

2 Mansɛnu 22:17

Yerusalɛm kɛnu ya anu ban ale Mari la ka sarakɛ bɔ anubɛ ka isɛnti mintan anuna bɛsɛnu ye. Woletɔ Mari fonde ara bɔ. A ko fenfen sa nyɔ min si ala fondo-bɔɛ makimɛ.

2 Ko-Kɔrɔta-Karan 28:23

Siriyanu bara to Mansa Ehasi nɔla kɛlɛ rɔ min kɛ, wo le ya a ma, ale donta saraka-bɔɛnu tɔ wonuna bɛsɛnu ye. A ya a fɔ ko, “Siriyanuna bɛsɛnu bi anuna mansɛnu dɛnbɛna. Ni nde fanan ya sarakɛnu bɔ bɛsɛ wonu ye, anu si nde fanan dɛnbɛ.” Wo le ya a ma, kasarɛ nara anubɛ ala mɔgɛnu kuma.

Nihɛmaya 9:34

Ma benbanu wo, mala mansa wo, mala kun-tigi wo, mala saraka-masɔla wo, ma fenfen ma ila tɔnnu bira. Anu ma anu tole sigi ila makawandili-kumɛnu kɔrɔ.

Yaburi 106:6

Male ara hakɛ kɛ iko ma benbanu. Ma sɔn ma kin.

Bɔ-Koe-Iyipiti 16:3

ka a fɔ anu ma ko, “Yanni ma ni kɛ nyɔgɔn sufa tɔrɔyɛ sɔrɔn yan, a fisa nun Mari ni ma faga Iyipiti nyamanɛ rɔ. Ma ye Iyipiti nyamanɛ rɔ tumɛ min, ma ye mɛya-fannu anubɛ dɔn-fannu dɔnna nun ka wasa. Kɔnɔ wo ara na ma la wulɛ kɛ rɔ alako wo ni a ma, nyama kɛ bɛɛsi ni faga kɔnkɛ bolo.”

Aiseya 48:5

Woletɔ a ko koe min bi nala mala wo la yarɔ, a ya wonu fɔ. A ye koe fɔla le, a ni na to bɔla-a-la. A ya wo ma le alako wo kana na a fɔ ko wola bɛsi-lɛsɛnɛnu anubɛ wola bɛsi-laleenɛnu bara kɛnu ma.

Yɛrɛmaya 1:16

N bi nna mɔgɛnu tɔrɔla nya min, n si wo ragbɛ anu ye. N si anu tɔrɔ bawo anu bara hakɛ kɛ ka anu kan-kɔ sɔ n na. Anu bi bɛsɛnu nadanna ka nta sarakɛnu di anu ma, ado anu bi bɛsɛ wonu nadanna anu bole nyɛrɛ-nyɛrɛ le la.”

Yɛrɛmaya 11:12

Yerusalɛm kɛnu anubɛ Yuda nyamanita-mɔgɛ toe bɛɛ si ta wola bɛsɛnu bara wo dɛnbɛn-koe rɔ. Wo si isɛnti mintan bɛsɛ wonu ye sarakayɛ la kɔnɔ kasarɛ wo wati wa ke, bɛsɛ wonu ti ke wo kunyɛ bɔla kasarɛ wo kɔrɔ.

Yɛrɛmaya 18:15

Kɔnɔ a ko wole, ala mɔgɛnu bara nyina a ko. Wo ye sarakɛnu bɔla bɛsi-fuyinu ye. Wo ara sama kilɛ ma. Wo ara sama ka wo benbanuna kila-kɔrɛnu bi. Wo ye bɔla kila-nɛnu fɛ ka kila-wɛnu to.

Yɛrɛmaya 19:13

Yerusalɛmna bɔnnu anubɛ mansɛla bolon-sɛninyabɛlɛ si to iko Tofɛti kɛ. Wo ye mala le bawo wo ye yɛlɛla anuna bɔnnu kuma bɛsi-kɔ-tinɛ. Wo wa yɛlɛ nyɔ, wo si to lolenu kɔla ka isɛnti mintan anu ye nyɔ. Wo si minni-fannu ma sarakɛnu na wola bɛsɛnu ye nyɔ.”

Yɛrɛmaya 44:21

“Wobɛ wo benbanu bi min kun na nun wo, wola mansɛnu anubɛ wola kun-tiginu bi min kun na nun wo, anubɛ minnu bi Yerusalɛm soe anubɛ Yuda nyamanɛ rɔ wo, wole miri ko wo ye isɛnti-mintan-koe min kun na, Mari sa wo kalama, wa? A la ara nyina le, wa?

Yɛrɛmaya 44:9

Wo benbanu wo, Yuda mansɛnu anubɛ anuna musinu wo, wolebɛ wola musinu wo, wo ara nyina wola karagbɛlɛya-koenu ko, wa? Wo taranta minnu kun na Yerusalɛm anubɛ Yuda soe nyamanɛ toe rɔ, wo ara nyina wonu ko, wa?

Yɛrɛmaya 7:17

A ya n manyinika ni n sa a yenna wo ye min kun na Yerusalɛm luyinu ma anubɛ Yuda soe toenu burɔ.

Yɛrɛmaya 7:18

A ko n ni n yɛ lata wole, Yuda kɛnu kɛ-nya ma. Wola dannu tenbi nala sɔgɛ la, anu fanu bi tɛ ladɛnna wo la. Anu nanu bi dɛgɛ mintanna ka wo di bɛsɛ wo ma min tɔgɛ Arinyɛnɛ Musu-Mansɛ. Wo kɔma, anu bi minni-sarakɛnu bɔla bɛsɛ doinu ye. A ko wo ye wo damasi mala alako a fonde ni bɔ.

Isikiyɛli 20:32

Anu bara a latɛgɛ ko anu ni ma iko sibolo-gbɛrɛnu ka kɔlɔmanu anubɛ kurinu kɔ. Kɔnɔ wo ti ma mumɛ!

Isikiyɛli 20:8

Kɔnɔ anu bara n bɔrɔbɔ ka anu tengberenya. Anu ma sɔn anuna bɛsɛnu nafilila a rɔ. Anu ma anu bole bɔ Iyipiti kɛnuna bɛsɛnu tɔ. Anu bi Iyipiti wati min, n tabɛnnɛ ka nna diminyɛ mumɛ yira anu na nun.

Isikiyɛli 23:41

Anu ya anu sigi sofa-nyimɛnu tɔ, fen-diyama-su bɛɛ kɛnɛ tebulu kuma anu yakɔrɔ nyɔ, hali isɛnti anubɛ tuli min dantɛgɛnɛ nde, Mari ma nun.

Isikiyɛli 8:16

A tara n na kata burɔ. N ya mɔgɔ mogan-ni-loli yen saraka-mintan-tinɛ anubɛ Bato-Bɔn don-dɛ tɛma. Anu kan-kɔ sɔnɛ Bato-Bɔn la. Anu yɛ lamununnɛ tele-bɔɛ la ka tele bato.

Habakuku 1:16

Anu ba ban wo la, anu ni don anuna yalɛ wonu batoe rɔ ka sarakɛ bɔ wonu ye bawo anu bi nyinina fan min bɛɛsi ma, anu bi wonu sɔrɔnna yalɛ wonu tɔ.

Yilan-Yilan Koe 30:12

Kɔnɔ ni ala kei ma sɔn wo ma, Mari si musi wo makoto ala keila ko la

Yilan-Yilan Koe 30:2

ni kei do ya a dakan don ka lanyiri kiri Mari ye ko a si fen di a ma, wo tigi ni dakan wo kanbali. Ni kei do ya a dakan don ko a si a fara koe do la, a kana wo lanyiri tinya.

Maraka 6:26

Kumɛ wo ya mansɛ yisi tinya bɛrɛkɛ! Kɔnɔ a ma ke a sɔsɔla bawo a ara a keli a ye mɔgɛ bɛɛ yala.

Tɔn-Fɔɛ-Fila-Nyɔgɛ 23:23

kɔnɔ ni a ya a yili-madiya a yisi-gbɛnɛ la, a fɛrɛ-wo-fɛrɛ sa fɔ a ni wo kanbali.

Filipai 3:19

Wonuna ban le nyahanama la bawo anuta Alla le anu bagbuyi-natanu na. A bɛnnɛ, anu ni miliya koe minnu na, anu wasinɛ wonu tɔ. Anu bi anu mirila duninyata-fannu denu dɔrɔn ma.

1 Pita 1:18

Wo ya kɛ-nya-fuyi minnu sɔrɔn wo benbanu bolo, Yisa fagara ka wo hɔrɔya wonu ma. Wola hɔrɔyɛ ma tɛgɛ fan do ma mɔgɛ si min sara sɛnɛ la, ni wo ma, wodi-gbɛ, ado wonu ti mɛ.

Kɛlɛ-Kurugbɛnu 11:36

Ala dunmusi wo ya a fɔ a ye ko, “N fa, ni Mari ara a ma, i wara i yogenu nɔ, i wara lanyiri-wo-lanyiri kiri a ye, i ni wo lakanbali.”