Yɛrɛmaya 44:14 - ALLALA KUMƐ

¹⁴ Wole Yuda mɔgɛ toe minnu nara sigi Iyipiti yan, wo siyaman ti wo buri ka to wo niyi la. A ko wo fenfen ti wo kɔ-sɛgi wola nyamani-diyamɛ rɔ tun fɔ kɛlɛ-kɔrɔ-burilɛ dori donu.

Yɛrɛmaya 44:14 ပူးပေါင်းရင်းမြစ်များ

Aiseya 10:20

Wati ye nala, a Isirɛla mɔgɛ toe min bi tola wonu ti anu yigi sa nyamanɛ wo la min bara a raya anu kasara-koe ma. Wo wati le tɔ, anu si anu yigi sa Isirɛlata Mari Alla-sɛnimɛ rɔ.

Aiseya 4:2

Wati ye nala, Mari si a ma, fui-fannu anubɛ ki-fannu ni to sabatila. Isirɛla mɔgɛ toe minnu bi tola, wonu si nyagalen ka a tɛgɛ ki-fan wonu sabati-nya ma nyamanɛ wo rɔ.

Yɛrɛmaya 22:10

Wole Yuda mɔgɛnu kana Mansa Yosaya di. Wo kana a saya-di-kɛ kɛ. Kɔnɔ wo ni ala den Yɛhowahasi di biribiri! Anu ba ta a la, a ti sɛgi yan muk! A ti a sɔrɔn-nyamanɛ yen tun!

Yɛrɛmaya 42:17

A ko Iyipiti ta-sɔgɛ ye mɔgɛ minnu na, ni wonu tɔgɔ ma to kɛlɛ la, anu tɔgɔ si to kɔnkɛ la, ni wo ma, kirayɛ. Hali mɔgɔ-den-kelan, a ti to a niyi la. A ko a ye kasarɛ min nanala anu ma, mɔgɔ-wo-mɔgɔ kunyɛ ti bɔ wo rɔ.

Yɛrɛmaya 42:22

Woletɔ wo hɛnkili ni to kɛ ko. Sigi-sɔgɛ ye wo la nyamanɛ min tɔ, wo tɔgɔ si to kɛlɛ la nyɔ, ni wo ma, kɔnkɛ anubɛ kiraya-fitinɛ.”

Yɛrɛmaya 44:26

Mari ara a keli a nyɛrɛ rɔ ka a tɛgɛ wole, Yuda mɔgɛnu ma minnu bi Iyipiti nyamanɛ rɔ yan. Wo ni wo tole masɔ lanyiri wo la. A ko a ti sɔn wo ni a tɔgɛ rakele lanyiri-kiri-tinɛ. Ka a fɔ ko, “A ye mabɛ ma tigi Alla tɛma,” wo ti ma tun!

Isikiyɛli 20:38

N si hakɛ-tiginu anubɛ mɔgɔ-murutiyanɛnu wurun anu tɛma. N si anu bɔ dugi wonu tɔ anu bi kan min kaka kɔnɔ n ti sɔn anu ni sɛgi tun Isirɛla nyamanɛ rɔ. Anu si a lɔn wo le ma ko anuta Mari le nde la.

Isikiyɛli 6:8

“N si a ma, donu ni bɔ muri kɔrɔ ka anu tanyɛnsɛn sibolo-gbɛrɛnu tɛma.

Matiyu 23:33

Wo sɔn yogo iko duguma-fannu anubɛ duguma-fen-dannu! Wo si kisi nyahanama ma kama?

Romu 2:3

Kɔnɔ n bɔnu, wole min bi wo dɛ bilala mɔgɛnuna koe rɔ, wole nyɛrɛ ye ko-sufa wonu mala. Wo miri ko wo si porokɔlɔ Allala kiti kɔrɔ, wa?

Romu 9:27

Aiseya ya Isirɛla wara-koe sɛbɛ, a ko, “Hali Isirɛla mɔgɛnu siyayanɛ iko ba-kɛnkɛn, anu dande le dɔrɔn si kisi,

Hiburunu 2:3

Min tenbira wo la, ma Mari Yisa nyɛrɛ fɔlɔn ya kisi-koe min nabɔ gbɛ rɔ ma ye, ni ma ma ma tole masɔ kisi-ko-wɛ wo la, ma kunyɛ si bɔ a rɔ kama? Minnu ya a lamɔɛn, wonu ya a yira ma la ko tonyɛ le.