Yɛrɛmaya 4:29 - ALLALA KUMƐ

²⁹ A ko so-burɔ-mɔgɛnu si so-laburilɛnu anubɛ kalabɛn-kan lamɔɛn tumɛ min, anu si soe raka sɔi! Donu si anu nagbesi fɔgbɛ la. Donu si yɛlɛ fara-kolo-wɛnu ma. Yuda so-mɛsɛ bɛɛ ra si kolonya. Wonu si ma tonbɔn la.

Yɛrɛmaya 4:29 ပူးပေါင်းရင်းမြစ်များ

2 Ko-Kɔrɔta-Karan 33:11

Woletɔ Mari ya a ma, Asiriya kɛlɛ-dannu nara bui Yuda nyamanita-mɔgɛnu ma. Anu ya Mansa Manasa bira ka lunyɛ bila a sunyɛ rɔ. Anu ya sila-yɔlɔkɛ kɛ a ma ka ta a la Babilɔn nyamanɛ rɔ.

Aiseya 30:17

Wo wa kɛlɛ-den kelen yen, wole mɔgɔ waga kelen si a buri wo kɔrɔ. Kɛlɛ-dan mɔgɔ loli si a ma, wo dama ni a kɔ a rɔ. Wole kɛlɛ-den fenfen ti to nyɔ fɔ wola gbaran min sɔnɛ kɔnkɛ kuma.

Aiseya 6:12

N si mɔgɛ kɛnu nata wula-yan la pon! N si nyamanɛ kɛ ma tonbɔn la.

Yɛrɛmaya 16:16

Mari ko a ti mɛ tun, a si kilayɛ lata yɛgɛ-biralɛnu ma alako wonu ni na wole, Yuda mɔgɛnu bira. Wo kɔma, a si kilayɛ lata donsenu ma alako wonu ni na bui wola nyamanɛ kɛ bɛɛ ma. Donse wonu si to wole, Yuda mɔgɛnu napɛrɛnna kɔnkɛnu anubɛ farannu ma.

Yɛrɛmaya 4:7

Sibolenuta kasara-kɛlɛ ara fɔlɔla nala iko yarɛ wa bɔ faran la. A ara a warɛ boloka ka na wola nyamanɛ tinya-tinɛ. Wola soenu si tii mɛmɛ! Hali mɔgɔ-den-kelan, a ti to wonu tɔ.

Yɛrɛmaya 6:23

Anu bi nala kalabɛn anubɛ tanbɛ la anu bolo. Anu karagbɛlɛ dɔgɔma-ma-de! Hina-wo-hina sa anu tɔ. Anubɛ anuna soeenu na-kan mani de iko kɔgɔ-yi tenbi tugula a rɔ. Kɛlɛ-dan wonu bara sɔ anu sansan-yili ma wo kɛlɛ-kan ma. Anu bi nala wole, Yerusalɛm kɛnu kɛlɛ-koe la.”

Emɔsi 9:1

N ya Mari yen, a ya a lakɔɛnma saraka-bɔ-tinɛ dafɛ. A ko, “I ni Bato-Bɔn sɛnbɛrɛn-kɔn-kumɛnu gbesi alako dandan-kɔrɛ ra ni maga. Anu kumɛ ni bui mɔgɛnu kunyɛ ma.” A ko a mɔgɛ toe si faga kɛlɛ rɔ. Mɔgɔ-wo-mɔgɔ ti ke a burila. Bɛɛ si faga tɛrr!

Luka 23:30

Mɔgɛnu si a fɔ kɔnkɛnu ye wulɔn ko, ‘Wo ni bui ma kuma!’ Anu si a fɔ gburukulinu ye ko, ‘Wo ni ma yamatogon,’

1 Samuwɛli 13:6

Anu tara bui Isirɛla mɔgɛnu ma ka a lagbɛlɛya anu kuma ha Isirɛla mɔgɛ donu ya anu dogon farannu na anubɛ farɛnu tɛma anubɛ kɔlon-tagbalanɛnu tɔ.