Yɛrɛmaya 39:1 - ALLALA KUMƐ

¹ Sɛdɛkayala mansayɛ san kɔnɔntɔ nyɔgɛ wo karɛ tan nyɔgɛ ma Yuda nyamanɛ kun na, Babilɔn Mansa Nɛbukanasa anubɛ ala kɛlɛ-dan mumɛ nara bui Yerusalɛm soe ma.

Yɛrɛmaya 39:1 ပူးပေါင်းရင်းမြစ်များ

2 Ko-Kɔrɔta-Karan 36:17

Wo le ya a ma, Mari ya Babilɔn mansɛ latugu anu kan ma. Ala kɛlɛ-dannu tora Yuda kemini-mɛsɛnu fagala hali minnu bi Bato-Bɔn la. Anu ma kinikini mɔgɔ-wo-mɔgɔ ma. Kei wo, musi wo, denni wo, kina wo, a kirayato wo, Alla ya wonu damasi kunyɛ don anu bolo.

Yɛrɛmaya 32:1

Sɛdɛkayala mansayɛ san tan nyɔgɛ ma Yuda nyamanɛ rɔ, Mari kumara n ye tun. Nɛbukanasala mansayɛ san tan-ni-segan le wo la Babilɔn nyamanɛ kun na.

Yɛrɛmaya 34:1

Babilɔn Mansa Nɛbukanasa buira Yerusalɛm soe anubɛ a dafɛ-so-mɛsɛnu ma tumɛ min, sibole min bɛɛ ye mansɛ kɔrɔ, wo damasi ya a dɛnbɛ kɛlɛ rɔ. Mari kumara n ye wo wati le tɔ.

Yɛrɛmaya 34:22

A ko a wa wo kɛlɛ-koe fɔ wo yogenu ye tumɛ min, wonu si ta wo kɛlɛ-tinɛ ka wola soe bira ka a mintan gburr! A ko a si Yuda soenu ma wula-da-rakolɔn la, mɔgɔ sa kan min. Ale Mari kan le kɛ la.

Yɛrɛmaya 42:18

“Mari Isirɛlata Alla ko iko a fonde bɔra Yerusalɛm kɛnu kuma nya min, ni wo tara Iyipiti nyamanɛ rɔ, a fonde ye bɔla wo kan ma wo nya na le. A ko min ba wo yen, wo kuma si tɛgɛ. Mɔgɛnu si wo bira boloko-yogomɛ-kɛ ka wo tɔgɛ ma dankali-kɛ-fan la. A ko wo ti kan-tinɛ kɛ yen tun!

Yɛrɛmaya 52:1

Sɛdɛkaya ya mansayɛ sɔrɔn Yuda nyamanɛ rɔ a sɔrɔn-san mogan-ni-kelen nyɔgɛ le ma. San tan-ni-kelen, a ye mansayɛ la Yerusalɛm soe burɔ. A na le Yɛrɛmayala den Hamutali min bɔra Libina soe burɔ.

Yɛrɛmaya 6:6

Mari Sɛnbɛ-Bɛɛ-Tigi ya a fɔ Yerusalɛm yogenu ye ko, “Kɔlɔma minnu bi Yerusalɛmna foolɛ rɔ, wo ni wonu tɛgɛ. Wo ni yɛlɛ-tinɛ ladan Yerusalɛm tarɛ ma ha a kun tɛma alako wo ni anu kɛlɛ. Fɔ soe kɛ wa tɔrɔ serr! Fenfen sa soe kɛ rɔ fɔ niyi-ragbɛran.

Isikiyɛli 33:21

Mala birɛ san tan-ni-filɛ, wo karɛ tan nyɔgɛ, tele loli ma, mɔgɛ do ya a buri ka bɔ Yerusalɛm ka na Yerusalɛm tinya-koe fɔ n ye.

Isikiyɛli 4:3

I ni nɛgɛ-walan do sɔ wobɛ so-ladannɛ wo tɛma sansanyɛ la. Soe wo min nadannɛ bulɔku wo ma i bolo, i ni i ya-lamunun wo la. Soe wo si taran de kɛlɛ kɔrɔ, ado a si ma iko ile le ye soe wo kɛlɛ tinɛ. I bolo gbɛ kɛnu si ma tamasere la Isirɛla mɔgɛnu ye.

Isikiyɛli 40:1

Mala birɛ san mogan loli nyɔgɛ, wo karɛ fɔlɛ, a tele tan ma, Marita Sɛnbɛ-wɛ yigira n kuma. Wo ya a taran, Yerusalɛm ara san tan-ni-nani bɔ ma yogenu bolo. Marita Sɛnbɛ tara n na

Isikiyɛli 5:2

Kɛlɛ wa ka-a-la ila so-ladannɛ wo rɔ, i ni i kun-sigi, sigi kelan bi ka a mintan nyɔ. A sigi kelan, i ni wo ratɛgɛ gbede-gbede, ila faan wo la soe wola foolɛ rɔ. A sigi kelan min tonɛ, i si wo ranyɛnsɛn. Fɔnyɔ ni ta a la bawo nde, Mari si Isirɛla mɔgɛ wonu sagaran nta faan la.

Sakaraya 8:19

A ko wo ye sunyɛ min donna san karɛ nani, anubɛ karɛ loli, anubɛ karɛ wɔrɔnfilɛ anubɛ karɛ tan ma, wonu si ma wola ladiya-ladɛn-karɛnu na Yuda kɛnu ye. Kɔnɔ a ko fɔ tonyɛ anubɛ yisi-kimɛ ni diya wo ye.

Tɔn-Fɔɛ-Fila-Nyɔgɛ 28:36

“Mari si wole anubɛ wola mansɛ lagbengben ka wo labɔ wola nyamanɛ rɔ ka ta wo don wo yogenu bolo anuna nyamanɛ rɔ. Wo yogenu si to wo gbenna ka ta wo la nyamanɛ do rɔ, wo ma wo kian sɔ wɛ kan min nun, hali wo benbanu. Wo wa ke wonu bole tɔ tumɛ min, wo si anuna bɛsɛnu kɔ. Kɔlɔma anubɛ kuru-malɛsɛnɛ le wonu na.