Yɛrɛmaya 37:15 - ALLALA KUMƐ

¹⁵ Anu nyɛɛra n ma dɔgɔma-ma-de! Anu ya n gbesi ka n nadon mansɛla sɛbɛli-kɛla Yonatanna bɔn la min bi yeleyɛ la gbɛ!

Yɛrɛmaya 37:15 ပူးပေါင်းရင်းမြစ်များ

Ko-Dabirɛnu 39:20

Pɔtifa ya Yusufu bi ka a ladon yele la, mansɛta yelela-mɔgɛnu bi kan min.

2 Ko-Kɔrɔta-Karan 16:10

Mansa Esa diminyara nɛbi wo ma ha a ya a sa banba la. A donta ko-yogoma-kɛ la ata mɔgɛ donu na wo wati rɔ.

2 Ko-Kɔrɔta-Karan 18:26

Anu ni a ladon yele la. Anu kana fenfen di a ma fɔ biredi anubɛ yi ha n kɛndɛ ni sɛgi tun ka bɔ kɛlɛ rɔ.”

Yɛrɛmaya 18:23

Mari, ile ya n faga-koe lɔn anu bolo. I ka kinikini anu ma anuna ko-yogomɛnuna ko la. I kana anu hakɛ makoto. I ni anu nabɔ anuna sɔ-tinɛnu tɔ. Anu tɔrɔ i fondo-bɔnɛ la.

Yɛrɛmaya 26:16

Wo kɔma, wole mɔgɔ-banu anubɛ wole, a mɔgɛ toenu ya a fɔ saraka-masɔlɛnu anubɛ nɛbinu ye ko, “Kei kɛ ara kuma ma ye mata Mari Alla le tɔgɛ rɔ. A ma bɛn, a ni faga.”

Yɛrɛmaya 32:2

Wo ya a taran, Babilɔn kɛlɛ-dannu bi Yerusalɛm kɛnu kɛlɛla. Anu ya nde, Yɛrɛmaya sa yele la mansɛla bolɔn la kata burɔ Yuda nyamanɛ rɔ.

Yɛrɛmaya 37:20

I yandi, n tigi, i wɔlɔ matɔlɔ n na. N ba min fɔ i ye, i ni wo ma. I yandi, i kana n nadon yele la tun Yonatanna bɔn la. Ni i ya wo ma, n si faga nyɔ rɔ don!”

Yɛrɛmaya 37:4

Wo ya a taran, anu ma n nadon bɛ yele la nun. N bi n nyɛrɛ le bolo nun.

Yɛrɛmaya 38:26

A fɔ anu ye le ko i ye n madiya-tinɛ le alako n kana na i sa tun yele la Yonatanna bɔn la ka faga nyɔ.”

Yɛrɛmaya 38:6

Anu ya n nayigi yili la mansɛla den Malakiyala kɔlɔn rɔ kata burɔ mansɛla bolɔn la. Wo ya a taran, a ragbalanɛ fɔ bore min bi nyɔ. N yigira bore wo rɔ pirin!

Yɛrɛmaya 39:15

N bi yele la kata burɔ tumɛ min, Mari ara a fɔ n ye ko

Matiyu 21:35

Anu ya ala wɔli-kɛlɛ wonu bira ka kelen gbesi ka do faga ka do mabon kuri la.

Matiyu 23:34

Nba, a nɛbi wo, a hɛnkilima wo, a karan-mɔgɔ wo, n si wonu nana wo ma. Wo si donu faga ka donu gbangban kɔlɔma ma ka donu gbesi Yahudiya-dina-bɔnnu na. Wo si to anu gbenna soenu tɔ.

Luka 22:64

Anu ya a yɛ lakiri ka a manyinika ko, “Ile nɛbi, yon bara i gbesi wo la?”

Yɔni 18:22

Yisa ya kɛ fɔ tumɛ min, Alla-Bato-Bon kandannɛ minnu bi nyɔ, kelen ya a dɛ ratii. A ko, “I ye kumala saraka-masɔla-kun-tigi-wɛ ye ka le?”

Kɛwɔlɛnu 5:18

Anu ya Marita kilayɛnu bira mɔgɛnu yala ka anu sa yele la.

Kɛwɔlɛnu 5:28

“Ma ara wo makawandi nun bɛrɛkɛ, ko wo kana mɔgɛnu karan kei kɛ tɔgɛ rɔ tun. Kɔnɔ wo ara min kɛ, wo ma a yen? Wo ara wola karan kɛ nyɛnsɛn Yerusalɛm fan bɛɛ. Wo ye a fɛ ka male ma ala saya-sabuyɛ la!”

Kɛwɔlɛnu 5:40

Anu ya Marita kilayɛnu kele bɔn la tun. Anu ya anu gbesi bosɛ la ka a fɔ anu ye ko anu kana kuma Yisa tɔgɛ rɔ tun! Wo kɔma, anu ya anu boloka.

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.