Yɛrɛmaya 36:26 - ALLALA KUMƐ

²⁶ Wo kɔma, ale mansɛla den Yɛramɛli wo, Asireyɛlila den Sɛraya wo, Abidilila den Sɛlimaya wo, mansɛ ya kɛnu denu sɔ mabɛ Baruki bira-tinɛ. Kɔnɔ Mari ya ma dogon.

Yɛrɛmaya 36:26 ပူးပေါင်းရင်းမြစ်များ

1 Mansɛnu 17:3

“I bɔ kan tinɛ kɛ rɔ yan. I kunyɛ telen tele-bɔɛ waralɛ la. I ni ta i dogon yi-nɛ do dafɛ min bi Yorodan bɛ tele-bɔɛ wara la. Yi-nɛ wo tɔgɛ le Kereti.

1 Mansɛnu 17:9

“Ta Sarɛfati min bi Saidon soe bolɔn do rɔ. N bara a fɔ kɛɛ-musi do ye nyɔ ko a ni i de-nyini nyɔ rɔ.”

1 Mansɛnu 18:4

Lunyɛ do, Yɛsɛbɛli ye Marita nɛbinu fagala tumɛ min, ale Hɔbadaya kɛ le ya nɛbi wonu mɔgɔ kɛmɛ bi ka anu dogon bi-loli bi-lolinyɛ ma farannu na. A tora anu de-nyinina nyɔnu tɔ.)

1 Mansɛnu 19:10

Nɛbi Ilaya ya a fɔ a ye ko, “Alla Sɛnbɛ-Bɛɛ-Tigi, n bi ile le kelen pe batola tuma-wo-tuma. Kɔnɔ sarama-kan min bi wobɛ Isirɛla mɔgɛnu tɛma, anu bara anutɛ wo tinya. Anu bara ila saraka-mintan-tinɛnu tinya ka ita nɛbinu faga. Nde kelen pe le ye nɛbiyɛ la gbɛ! A sɔgɛ ye anu na, anu ni nde fanan faga.”

1 Mansɛnu 19:14

Nɛbi Ilaya ya a yabi ko, “Alla Sɛnbɛ-Bɛɛ-Tigi, n bi ile le kelen pe batola tuma-wo-tuma. Kɔnɔ sarama-kan min bi wobɛ Isirɛla mɔgɛnu tɛma, anu bara anutɛ wo tinya. Anu bara ila saraka-mintan-tinɛnu tinya ka ita nɛbinu faga. Nde kelen pe le ye nɛbiyɛ la gbɛ! A sɔgɛ ye anu na, anu ni nde fanan faga.”

1 Mansɛnu 22:26

Mansa Ehabu ya a fɔ a makandannɛ do ye ko, “Wo ni Nɛbi Mɛkaya kɛ bira ka ta a la so-tigi Amɔn wara. Wo ni a yira nna den Yohasi la.

2 Mansɛnu 11:2

fɔ Ehasaya wola den Yohasi, wo le tora a niyi la. Anu bi Yohasi wo na-kelen-nyɔgɛnu fagala tumɛ min, a tɛnɛ min tɔgɛ Yihɔsɛba, wo ya Yohasi anubɛ a fɛ-biralɛ bi ka anu dogon Bato-Bon-konko do la mɔgɛnu si ki kan min. A ya wo ma alako anu kana ale Yohasi faga. Yihɔsɛba kɛ, Mansa Yɛhoramla dunmusi le. Mansa Ehasaya tirisan le fanan.

2 Ko-Kɔrɔta-Karan 18:26

Anu ni a ladon yele la. Anu kana fenfen di a ma fɔ biredi anubɛ yi ha n kɛndɛ ni sɛgi tun ka bɔ kɛlɛ rɔ.”

Yaburi 105:15

anu kana na ko ma ata mɔgɔ-yabɔnɛnu na. A ko anu kana na ko-yogoma ma ala nɛbinu na fanan.

Yaburi 121:8

Ma tenbi ta-ni-sɛgi kɛla, Mari si ma lakanan burubukai!

Yaburi 27:5

N tenbi tɔrɔyɛ rɔ, a si n nakanan. A si n nakanan ata Bato-Bɔn la. A si n sigi fara-kolo-wɛ kuma n si kisi kan min.

Yaburi 32:7

N dogon tinɛ le ile la. Ile si n nakisi tɔrɔyɛ ma. N si kanan-ko-bɛti bɔ bawo i ya n nakisi.

Yaburi 57:1

E, Alla, kinikini n ma bawo ile si n matanka. N bi i kanban kɔrɔ n matanka-koe la ha nna nyagbɛ kɛ ni bɔ n kuma.

Yaburi 64:2

I ni n nakisi n yogenuna yanfanteyɛ ma n kan ma. N yogenu bi n kurɔn min kɛla, n natanka wonu ma.

Yaburi 91:1

Ni min bi tala Mari wara a lakanan-koe la, ni min bi tola Alla Sɛnbɛ-Bɛɛ-Tigita latankɛ kɔrɔ,

Aiseya 26:20

E, nta mɔgɛnu, wo don wola bɔnnu na ka don-dɛ balan wo nyɛrɛ ma wati-kundu-ni kɔrɔ. Wo ni wo dogon sogbe, ha Allata fondo-bɔɛ ni ban.

Yɛrɛmaya 1:19

Anu si i kɛlɛ kɔnɔ anu ti i nɔ bawo n bi i fɛ. Nde le si i lakanan.”

Yɛrɛmaya 2:30

A ko a ya wole Isirɛla mɔgɛnu tɔrɔ kɔnɔ tɔrɛ wo ma wo yɛ mabɔ. Wo ya wola nɛbinu faga iko yara-kɔnkɔtoe wa a labɔ soge ma, a ye wo fagala nya min.

Yɛrɛmaya 26:24

Kɔnɔ Safanna den Ahaikam ye nde, Yɛrɛmaya dɛnbɛna min kɛ, anu ma n don wole bolo ka n faga.

Yɛrɛmaya 36:19

Wo kɔma, anu ya a fɔ a ye ko, “Wobɛ Yɛrɛmaya ni wo dogon. Mɔgɔ kana wo dogon-tinɛ lɔn.”

Yɛrɛmaya 36:5

Wo kɔma, n ya a fɔ ale Baruki ye ko, “Anu sa sɔnna ko n ni ta Mari Bato-Bɔn la tun.

Yɛrɛmaya 38:6

Anu ya n nayigi yili la mansɛla den Malakiyala kɔlɔn rɔ kata burɔ mansɛla bolɔn la. Wo ya a taran, a ragbalanɛ fɔ bore min bi nyɔ. N yigira bore wo rɔ pirin!

Yɔni 11:57

Saraka-masɔla-wɛnu anubɛ Farisinu bara a fɔ nun ko Yisa ye kan tinɛ min, ni mɔgɔ-wo-mɔgɔ ya wo lɔn, a ni wo fɔ anu ye. Woletɔ anu si a bira.

Yɔni 7:32

Farisinu ya a lamɔɛn nyama ye da-kɔrɔ-kumɛnu fɔla ka a bɛn Yisa ma, woletɔ anubɛ saraka-masɔlɛnu ya Alla-Bato-Bon kandannɛnu sɔ a bira tinɛ.

Yɔni 8:20

Yisa ya kɛ bɛɛ fɔ wo tumɛ a ye mɔgɛnu karanna Alla-Bato-Bɔn la, sɔli-fen-kenkirɛnu siginɛ kan min. Nba, mɔgɔ-wo-mɔgɔ ma a bira bawo ala wati ma ke wɛ.

Yɔni 8:59

Anu ya kurinu bi ko ka a mabon kɔnɔ Yisa ya a dogon anu ma. A bɔra Alla-Bato-Bɔn la.

Kɛwɔlɛnu 12:11

Wo kɔma, min bara ma Pita la, a ya a miri wonu ma. A ko, “N bara a lɔn gbɛ serr, ko tonyɛ le! A sɔgɛ ye Yahudiyanu na ka min sigi n ma nun, Mari ara ala melika sɔ ka n tanka anubɛ Yahudiyanu masibɛ ma.”