Yɛrɛmaya 36:24 - ALLALA KUMƐ

²⁴ Ale mansɛ anubɛ ala mɔgɔ-banu ya kɛ lamɔɛn min kɛ, anu yisi ma tɔrɔ. Anu ma kilan defan!

Yɛrɛmaya 36:24 ပူးပေါင်းရင်းမြစ်များ

Ko-Dabirɛnu 37:29

Anu kɔrɔ sarɛ Rubɛn nara kɔlɔn dɛ la anu kɔma tumɛ min, a ma Yusufu taran kɔlɔn wo rɔ tun. Ala duruki min bi a kan na, a ya wo rafara mɔninyɛ bolo.

Ko-Dabirɛnu 37:34

Yakoba ya ala duruki rafara a kan na mɔninyɛ bolo ka kasa-kurɛ don a kan na. A mɛra ala dan dila.

2 Samuwɛli 1:11

Dawuda anubɛ ala kɛlɛ-dannu ya anuna durukinu tafara yisi-tinya bolo.

1 Mansɛnu 21:27

Mansa Ehabu ya Marita kumɛ wo lamɔɛn Nɛbi Ilaya bolo min kɛ, a ya ala duruki rafara yisi-tinya bolo ka kasa-kurɛ kiri a la. A ya a ban fen-dɔn-koe ma, a kira sani kasa-kurɛ wo kuma, ado hali a tenbi tagamana, a yisi magboyanɛ.

Yobu 15:4

Ni a tora ile ma, mɔgɔ-wo-mɔgɔ ti kilan Alla la. Mɔgɔ-wo-mɔgɔ ti a madiya.

Yaburi 36:1

Kumɛ do ye n yisi rɔ ka a tɛgɛ mɔgɔ-yogenuna wunduyogoyɛ ma. A si a ban Alla la. Kilan sa a rɔ Alla wara la muk!

Yaburi 36:2

A wasinɛ ha, a mirinɛ ko a ye hakɛ minnu kɛla, Alla ti wonu lɔn ka a kɔn wola ko la.

Yaburi 64:5

Anu bi anu nyɔgɔn kɔntɔ-diyala karagbɛlɛyɛ rɔ. Anu bi n bira-gbɛrɛ lasigi-koe fɔla dogon rɔ. Anu bi a fɔla ko mɔgɔ-ya sa anu na.

Bɔ-Koe-Iyipiti 7:23

Wo bɔrɔ ma taran ale mansɛ ye. A ya a kan-kɔ sɔ ka sɛgi ala bɔn la.

Aiseya 26:11

Mari, i yogenu ma a lɔn mumɛ, ko i si anu tɔrɔ dɛɛ! Anu namiliya le serr, anu ni tɔrɔ. I ya tɔrɔ-dagɛ min namara anu ye, i ni wo rawuya anu kunyɛ ma. Ita mɔgɛnu di i ye nya min, i ni wo yira anu na.

Aiseya 36:22

Ilayakim anubɛ Sɛbana anubɛ Yowa ya anuna durukinu tafara yisi-tinya bolo. Kandɛ ya kumɛ min bɛɛsi fɔ anu ma, anu tara wonu takaran Mansa Hɛsakaya ye.

Aiseya 37:1

Mansa Hɛsakaya ya kumɛ wonu namɔɛn tumɛ min, a ya ala duruki rafara yisi-tinyɛ bolo. A tara kasa-kurɛ don a kan na. A tara Mari Bato-Bɔn la.

Yɛrɛmaya 36:16

A ban wo karanna, mɔgɔ-ba wonu miran bɔra anu ma. Anu ya a fɔ Baruki ye ko, “Fɔ ma wa kɛ rakaran mansɛ ye.”

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Yona 3:6

Ninɛfa mansɛ ya wo lamɔɛn min kɛ, a ya a lakɔɛnma ala mansaya-waganɛ rɔ ka ala mansaya-duruki bɔ a kan na ka kasa-kurɛ kɛ a kan ma. A ya a sigi bugurɛ rɔ.

Matiyu 12:41

Ninɛfa so-burɔ-mɔgɛnu si anu nasɔ kiti-tɛgɛ-lunyɛ ka wo maburi bawo wonu ya Nɛbi Yonala kawandilɛ lamɔɛn tumɛ min, anu ya anu kɛ-nya yɛlɛma. Nba, n bi a fɔla wo ye ko mɔgɛ do ye yan min kolo Nɛbi Yona ko pirr!

Romu 3:18

Kilan sa anu tɔ Alla wara la muk!”