Yɛrɛmaya 35:6 - ALLALA KUMƐ

⁶ Anu ko, “Male ti nɔnbɔ-gbɔ-yi-wo-yi min bawo ma benba Rɛkabula den Yonadabu ara a fɔ ma ye nun ko ma kana nɔnbɔ-gbo-yi min mumɛ!

Yɛrɛmaya 35:6 ပူးပေါင်းရင်းမြစ်များ

Ko-Dabirɛnu 25:27

Fɛran kɛnu koloyara tumɛ min, Isɔ wo mara donso-hɛnkilimɛ la, ado donso-firɛ di a ye. Yakoba wo mara mɔgɔ-lafɛrɛnɛ la. Bon-nasigi di ale ye.

Ko-Dabirɛnu 36:7

kamasɔrɔn anuna kolo-fannu siya. Anu ti ke sigila anu nyɔgɔn fɛ bawo anu siginɛ nyamanɛ kan tinɛ min tɔ, anu ti kun nyɔ rɔ.

2 Mansɛnu 10:15

Mansa Yehu ban mɔgɛ kɛnu fagala, a ya Samariya kilɛ bira tun. A ya Rekabula den Yonadabu taran kilɛ la. Mansa Yehu ya wo kɔndɔn ka a fɔ a ye ko, “N lanɛ a la, ile wo, nde wo, sɔndɔma kelen de ma bolo. I ti kofu n ma?” Yonadabu ko, “Tana ma wo la.” Mansa Yehu ya a fɔ a ye ko, “Ni i wara sɔn, i bole lana.” A ya a bole lata. Mansa Yehu ya a layɛlɛ ala kirindi rɔ.

2 Mansɛnu 10:23

Mɔgɛnu ban duruki wonu donna, Mansa Yehu anubɛ Yonadabu nyɛrɛ donta bɛsi-kɔ-bɔn wo la. Mansa Yehu ya a fɔ wonu ye bɔn wo la ko, “Wo ni wo yɛ lakalan wo nyɔgɔn tɛma tumado kɔrɛ, Mari-batolɛ donu bi wo tɛma. Beyali-kɔlɛnu denu dɔrɔn ni taran yan.”

1 Ko-Kɔrɔta-Karan 16:19

Fɔlɔ nun, Allata mɔgɛnu ma siya. Anu bi sundanyɛ le la Kenan nyamanɛ kɛ rɔ.

1 Ko-Kɔrɔta-Karan 2:55

(Bɔnsɔn minnu kusan kɛdi sɛbɛla, wo donu sigira Yebɛsi soe burɔ. Bɔnsɔn wonu tɔgɛ le kɛnu na, Tairatinu wo, Simɛyatinu wo, anubɛ Sukatinu. Kenanu le wonu na minnu ya Rikabinu furu.)

Yaburi 105:12

Fɔlɔ nun, male, Allata mɔgɛnu ma siya. Anu bi sundanyɛ le la Kenan nyamanɛ rɔ.

Bɔ-Koe-Iyipiti 20:12

“Wo ni wo fanu anubɛ wo nanu gbiliya. Woletɔ n bara wo yili-madiya nyamanɛ min na, wo si simayɛ sɔrɔn wo rɔ.

Yɛrɛmaya 35:14

A ko Yonadabu kebilɛ ara anu benba kan bira. Ha bi, anu denu ma nɔnbɔ-gbɔ-yi sɔ anu dɛ la. Kɔnɔ ale Mari ara kuma wole, Isirɛla mɔgɛnu ye. Hali wo, wo tengberenyanɛ.

Saraka-Masɔlɛnuta Tɔnnu 10:9

“Ile anubɛ ila den-keminɛnu, yanni wo ni ta nta Fani-Bɔn la tumɛ min, wo kana baan min. Fenfen min si mɔgɔ kun tafin, wo kana wonu min. Ni wo ya wo ma, wo si faga. Tɔn le kɛ la ka a fɔlɔ ile Aruna ma ha i kegeyɛnu. Wo kana a tinya.

Luka 1:15

bawo dan wo si ma mɔgɔ-ba la Mari yala. Fenfen min si mɔgɔ bira iko baan, a kana wo min. Ka a dabira a sɔrɔn wati ma, a si fa Allata Ni-Sɛnimɛ la.

1 Pita 2:11

Nba, n diyana-mɔgɛnu, sundan anubɛ kɛlɛ-kɔrɔ-maburilɛ ye wole min na duninya kɛ rɔ, n bi wo madiyala ko fɛrɛ-bɔnku-nata min bi mɔgɔ niyi kɛlɛla tuma-wo-tuma, wo kana sɔn wo ni wo nɔ.

Kɛlɛ-Kurugbɛnu 13:14

Fenfen min bɔnɛ kirepu nɔnbɔ-kuri la, a kana wo gbɔɛ dɔn. Fenfen min si mɔgɔ kun tafin, a kana wo min anubɛ ka fen dɔn min ma sɛninya. A ni a ma iko n bara a fɔ a ye nya min.”

Kɛlɛ-Kurugbɛnu 13:7

A ya a fɔ n ye ko a ti mɛ tun, n si buyi bi ka den-kei sɔrɔn. A ko fenfen min si mɔgɔ kun tafin, n kana wo min. N kana fenfen dɔn fanan min sɛninyani ma bawo yanni dan wo ni sɔrɔn, a ko a dantɛgɛni de Mari ma iko Nansarannu ha a si faga.”