Yɛrɛmaya 35:17 - ALLALA KUMƐ

¹⁷ Woletɔ ale Mari Sɛnbɛ-Bɛɛ-Tigi Isirɛlata Alla ko a ara kasarɛ min bɛɛ rabɛn wole, Yerusalɛm kɛnu anubɛ Yuda mɔgɛ toenu kan ma, a si wo bɛɛ lana wo kuma. A ko a ye wo mala le bawo a wa kuma, wo ti a kan bira. A wa wo rakele, wo ti a denkun.

Yɛrɛmaya 35:17 ပူးပေါင်းရင်းမြစ်များ

Ko-Dabirɛnu 6:17

Alla ya a fɔ tun ko, “Nde, Alla si yi keri duninya kun na alako n si nima-fan bɛɛsi halaki nya min ka anu firan dugu-kole kuma. Nima-fan min bɛɛsi ye dugu-kole kuma, wo bɛɛ si faga.

Hɛnkilimaya-Kumɛnu 13:13

Ni mɔgɛ tɛgɛra kawandili-nyimɛ rɔ, wo si a ma, a ni bui kɔnɔ min bi lala kawandili-kan la, a ye ko-nyinyala wo le ma.

Hɛnkilimaya-Kumɛnu 16:2

Mɔgɔ kɛ-nya kin a nyɛrɛ ya la kɔnɔ Mari wo ma fili ma sɔndɔmɛ ma.

Aiseya 50:2

A ko a tara i lakisi tinɛ lunyɛ min, nfenna i ma i tole masɔ a la? Nfenna i ma ala keleli labira? A ko ile miri ko i kisi-sɛnbɛ sa a bolo? A ko hali a kumara dɔrɔn, kɔgɔ-yi mumɛ si gbala todo! Bɛnu si yɛlɛma gbangban la. Yɛgɛ minnu bi yi wonu tɔ, wonu si faga.

Aiseya 65:12

Mari ko ko-latɛgɛnɛ wo si ma wo ye faan la. Wo dama si wo kan panparan kan-natɛgɛlɛ ye. Ni i ya a yen, kɛ ye mala wo la bawo Mari ya wo kele min kɛ, wo ma a denkun defan! A kumara wo ye kɔnɔ wo ma wo tole masɔ a la. Koe minnu ma kin, wo ni wo fara wonu na. Wo tora wo gbɛ wonu denu da la, ado wo ma ale Mari hɛnɛ.

Aiseya 66:4

Woletɔ a ko fɔ a wa anu tɔrɔ serr! Anu bi kilanna min na wɛ kɛ, a si anu tɔrɔ wo la. A ya anu takele kɔnɔ mɔgɔ-wo-mɔgɔ ma a denkun. A kumara anu ye kɔnɔ mɔgɔ-wo-mɔgɔ ma a tole masɔ a la. Ale ara a fɔ koe minnu ma ko anu yogo, anu denu bi tola wonu mala. Koe minnu ma di Mari ye, anu denu tora wonu denu mala.

Yɛrɛmaya 11:11

Mari ko a ti mɛ tun, a si kasarɛ lana wole, Yuda mɔgɛnu kuma, wo ti ke wo burila min kɔrɔ. A ko wo si to dila a dala wo dɛnbɛn-koe la kɔnɔ a ko a ti wo denkun.

Yɛrɛmaya 11:8

A ko kɔn-gbalɛ kerinɛ wo benbanu tole rɔ. Anu tole gbɛlɛ gben! Min ba diya anu ye, anu bi wo le mala, ado sarama-kan wo ko ni min ma ata kumɛ bira, wo tigi si dankɛ sɔrɔn. Woletɔ a ko a ya a ma, anu ya dankɛ wo su bɛɛ sɔrɔn. A ya sarama-kan kɛ bira-koe fɔ anu ye kɔnɔ anu ma anu sɛbɛ don a ma hali!

Yɛrɛmaya 19:15

Mari Sɛnbɛ-Bɛɛ-Tigi, Isirɛlata Alla ko a si kasarɛ lana Yerusalɛm anubɛ a dafɛ-soenu ma. A ti mɛ tun. A ye kɛ fɔla le bawo wo ara wo yisi gbɛlɛya ka wo tengberenya.

Yɛrɛmaya 19:3

wole, Yuda kun-tiginu anubɛ Yerusalɛm so-burɔ-mɔgɛnu ni wo tole masɔ Marita sarakanɛ kɛ la. Mari Sɛnbɛ-Bɛɛ-Tigi, Isirɛlata Alla, kɔni, wo ko a si kasarɛ lana kan-tinɛ kɛ rɔ tiriya! Mɔgɔ-wo-mɔgɔ wa kasarɛ wo wara-koe lamɔɛn, wo kun ma si kɔ.

Yɛrɛmaya 26:5

A ko a tora nɛbi minnu nanala wo ma, ala wɔli-kɛlɛnu, kɔni, wo ni wo tole masɔ wonuna nɛbiya-kumɛnu na a kin na kɔnɔ wo sa sɔnna wo tole masɔla.

Yɛrɛmaya 32:33

A ko hali a taranta anu karanna nun, anu ma anu bɔ anu gbɛ da la fɔ ka anu kan-kɔ sɔ a la.

Yɛrɛmaya 36:31

Ale mansɛ wo, a kegeyɛ wo, ala mɔgɔ-ba wo, Mari ko a si anu dama tɔrɔ tɛrr ka a tɛgɛ anu hakɛ ma. Ale mansɛ wo, a Yerusalɛm ka wo, anubɛ a Yuda kɛ toe wo, a ko anu do-wo-do ma anu tole masɔ ata kawandili-kan la. Woletɔ a ara kasarɛ min wara-koe fɔ tɛrr, a ye nala wo sigila anu ma.

Yɛrɛmaya 7:13

Mari ko wole, Isirɛla mɔgɛ damasi bole ye ko-yogoma-kɛ kɛ rɔ. A ye wo makawandila su-ni-tele kɔnɔ a ko wo ma sɔn wo tole masɔla a la. A ya wo rakele kɔnɔ wo ma sɔn a labirala.

Maika 3:12

“Woletɔ mɔgɛ kɛnu bara-koe le ye a mala, sibolo-gbɛrɛkɛ-mɔgɛnu ni Yerusalɛm ma tonbɔn la. Anu si so-karantan kɛ rasin ka a ma sɛnɛ la. Wo kɔma, hali Marita Bon-Sɛnimɛ sɔnɛ kɔnkɛ min kuma, wo fanan si ma anuna sangban la.”

Romu 10:21

Kɔnɔ Alla ya kɛ le fɔ Isirɛla mɔgɛnuna ko la ko, “Telen gbɛn, n bole rasiginɛ mɔgɔ-murutiyanɛ anubɛ kuma-birabɛlɛ wonu ye.”