Yɛrɛmaya 35:14 - ALLALA KUMƐ

¹⁴ A ko Yonadabu kebilɛ ara anu benba kan bira. Ha bi, anu denu ma nɔnbɔ-gbɔ-yi sɔ anu dɛ la. Kɔnɔ ale Mari ara kuma wole, Isirɛla mɔgɛnu ye. Hali wo, wo tengberenyanɛ.

Yɛrɛmaya 35:14 ပူးပေါင်းရင်းမြစ်များ

Nihɛmaya 9:26

“Kɔnɔ ita mɔgɛnu murutiyara i ma ka i kan bɔ a gbɛ rɔ. Anu ya anu kan-kɔ sɔ ila tɔn la. Nɛbi minnu ya anu makawandi, anu ya wonu faga bawo wonu bi anu makawandila ko anu ni sɛgi i ma. Tuma-wo-tuma, i lafɛyanɛ anu bolo.

Nihɛmaya 9:30

San-bo-san, i ye i munyuna anu kɔrɔ ka to anu makawandila tolon! I tora kumɛ donna ila nɛbinu da rɔ ka wo latenbi anu ma kɔnɔ mɔgɛnu tole gberenɛ gben! Woletɔ i ya a ma, sibolo-gbɛrɛnu ya anu nɔ tun.

Aiseya 30:9

Foninya-fɔɛ wo, murutiyɛ wo, ka anu ban Marita kuma-birɛ ma wo, anu bi wonu kun na le tolon!

Aiseya 50:2

A ko a tara i lakisi tinɛ lunyɛ min, nfenna i ma i tole masɔ a la? Nfenna i ma ala keleli labira? A ko ile miri ko i kisi-sɛnbɛ sa a bolo? A ko hali a kumara dɔrɔn, kɔgɔ-yi mumɛ si gbala todo! Bɛnu si yɛlɛma gbangban la. Yɛgɛ minnu bi yi wonu tɔ, wonu si faga.

Yɛrɛmaya 11:7

A bɔɛ wo benbanu na Iyipiti, a ya anu makawandi ko anu ni a kan to a gbɛ rɔ. A ko a mɛra anu makawandi-siyaman kɛla ha bi!

Yɛrɛmaya 26:5

A ko a tora nɛbi minnu nanala wo ma, ala wɔli-kɛlɛnu, kɔni, wo ni wo tole masɔ wonuna nɛbiya-kumɛnu na a kin na kɔnɔ wo sa sɔnna wo tole masɔla.

Yɛrɛmaya 29:19

Mari ko wo ye mala le bawo Yerusalɛm kɛnu ma anu tole masɔ a la. A tora sarakani-siyaman donna ala nɛbinu bolo kɔnɔ a ko Yerusalɛm kɛnu ma anu tole masɔ sarakanɛ wonu na mumɛ!

Yɛrɛmaya 32:33

A ko hali a taranta anu karanna nun, anu ma anu bɔ anu gbɛ da la fɔ ka anu kan-kɔ sɔ a la.

Yɛrɛmaya 35:16

A ko Yonadabu mamanɛnu bara anu benba kan to a gbɛ rɔ kɔnɔ wole, Isirɛla mɔgɛnu ma sɔn ale Mari kan tola a gbɛ rɔ.

Yɛrɛmaya 35:6

Anu ko, “Male ti nɔnbɔ-gbɔ-yi-wo-yi min bawo ma benba Rɛkabula den Yonadabu ara a fɔ ma ye nun ko ma kana nɔnbɔ-gbo-yi min mumɛ!

Yɛrɛmaya 7:13

Mari ko wole, Isirɛla mɔgɛ damasi bole ye ko-yogoma-kɛ kɛ rɔ. A ye wo makawandila su-ni-tele kɔnɔ a ko wo ma sɔn wo tole masɔla a la. A ya wo rakele kɔnɔ wo ma sɔn a labirala.