Yɛrɛmaya 34:22 - ALLALA KUMƐ

²² A ko a wa wo kɛlɛ-koe fɔ wo yogenu ye tumɛ min, wonu si ta wo kɛlɛ-tinɛ ka wola soe bira ka a mintan gburr! A ko a si Yuda soenu ma wula-da-rakolɔn la, mɔgɔ sa kan min. Ale Mari kan le kɛ la.

Yɛrɛmaya 34:22 ပူးပေါင်းရင်းမြစ်များ

2 Samuwɛli 16:11

Mansa Dawuda ya a fɔ Abisayi anubɛ ala mɔgɔ-banu ye tun ko, “Nde faga-sɔgɛ ye n halala-den-sɔrɔnnɛ la. Hali wo ma tɛrɛna n mamɔɛn kɛ la Bɛnyamɛ bɔnsɔn-mɔgɛ kɛ bolo. Mari le wara a fɔ a ye ko a ni n mamɔɛn. Wo ni a to nyɔ, a ni n mamɔɛn iko a di a ye nya min.

2 Mansɛnu 25:6

Anu tara Mansa Sɛdɛkaya la pon fɔɔ Babilɔn Mansa Nɛbukanasa ma Ribila soe rɔ. Anu bi nala a tɔrɔyala nya min, anu ya wo fɔ a ye.

2 Mansɛnu 25:9

Anubɛ ala kɛlɛ-dannu ya tɛ tugu Mari Bato-Bɔn la anubɛ mansɛla bolɔn la anubɛ mɔgɔ-banuna bɔnnu na.

2 Ko-Kɔrɔta-Karan 36:17

Wo le ya a ma, Mari ya Babilɔn mansɛ latugu anu kan ma. Ala kɛlɛ-dannu tora Yuda kemini-mɛsɛnu fagala hali minnu bi Bato-Bɔn la. Anu ma kinikini mɔgɔ-wo-mɔgɔ ma. Kei wo, musi wo, denni wo, kina wo, a kirayato wo, Alla ya wonu damasi kunyɛ don anu bolo.

Aiseya 13:3

Mari ara ala kɛlɛ-kɛla-wɛnu yabɔ ka ta kɛlɛ-sɛnimɛ kɛ alako a diminyanɛ minnu ma, a ni wonu tɔrɔ.

Aiseya 24:12

Anuna soe si ban kasarala feufeu! A don-dɛ si keri.

Aiseya 37:26

“A ko ale Sɛnakaribu ma a lamɔɛn ko Marita miriya le kɛ la? Ado nfan, a ye wo dafa tinɛ le. Mari le ya sɛnbɛ di ale Asiriya mansɛ ma ka so-kunbɛnu yɛlɛma tonbɔnnu na.

Aiseya 6:11

N ya Mari manyinika. N ko, “Kɛ si to a la ha wati nyamintan?” A ya a fɔ n ye ko, “Kɛ si to a la ha soenu ta ni kolonya ka tii mɛmɛ! Ha bɔnnu na ni kolonya filili! Fɔ nyamanɛ bɛrɛn ni kasara pɔ!

Aiseya 64:10

Ila so-sɛnimɛnu ta ara kolonya iko wula-da-rakolɔn ye nya min. Yerusalɛm ra ara kolonya filili, ka ma tonbɔn la.

Yɛrɛmaya 2:15

Wole Isirɛla mɔgɛnu, wo yogenu bi bɔrɔndɔ-bɔrɔndɔla wo la iko yarɛ. Wo yogenu bi wo rakilanna. Anu bara Isirɛla nyamanɛ tii. Isirɛla soe bɛɛ ara mintan. Anu tonɛ tonbonyɛ la.

Yɛrɛmaya 32:29

ka tɛ tugu a la. Minnu bara isɛnti mintan bɛsi Beyali ye anuna bɔnnu kuma ka minni-sarakɛ labɔn bɛsɛnu ye, wo bɛɛ gboyara a ye. Woletɔ wonu fananna bɔnnu si mintan gburr!

Yɛrɛmaya 33:10

Mari ko mɔgɛnu bi a fɔla ko yan bara ma wula-da-rakolɔn la. Mɔgɔ sa yan, kolo-fan sa yan. Mari ko anu ya tonyɛ le fɔ wo la. Yerusalɛm soe anubɛ Yuda nyamani-toe ra ara kolonya filili! Hali mɔgɔ-den-kelan sa anu tɔ tun. Kɔnɔ sewɛ-yerelen-tɛgɛ-kan si fɛrɛn nyɔnu tɔ tun. Mɔgɛ si sewa-tolɔn anubɛ kɔnyɔ-masɔ-tolɔn lamɔɛn tun nyɔ rɔ. Mɔgɛnu tenbi nala baraka-bira-sarakɛnu na Mari ye, mɔgɛnu bi bɛti-sufa kɛnu namɔɛnna ka le. “Ma ni baraka bira Mari Sɛnbɛ-Bɛɛ-Tigi ye bawo a nyimayanɛ, ado ala keninteyɛ ti ban.” Ale Mari ko a si nyamanɛ kɛ lata yarɔ iko a ye nya min nun, yɔ! Ale Mari kan le kɛ la.

Yɛrɛmaya 34:2

Isirɛlata Mari Alla ko n ni ta a fɔ Yuda Mansa Sɛdɛkaya ye ko ale Mari si Yerusalɛm soe kunyɛ don Babilɔn mansɛ bolo. Wo si a mintan gburr!

Yɛrɛmaya 38:23

N ko, “Min sanɛ wo kuma, anu bi tala ila musinu anubɛ ila dannu na Babilɔn kɛnu bara. Ile nyɛrɛ-nyɛrɛ kunyɛ ti bɔ anu bolo. Babilɔn mansɛ si ta i la. Anu si soe kɛ mintan gburr!”

Yɛrɛmaya 39:8

Babilɔn kɛlɛ-dannu ya Yerusalɛm mansɛla bolɔn mintan anubɛ so-burɔ-bɔnnu ka a tarɛ toe keri.

Yɛrɛmaya 4:7

Sibolenuta kasara-kɛlɛ ara fɔlɔla nala iko yarɛ wa bɔ faran la. A ara a warɛ boloka ka na wola nyamanɛ tinya-tinɛ. Wola soenu si tii mɛmɛ! Hali mɔgɔ-den-kelan, a ti to wonu tɔ.

Yɛrɛmaya 44:22

Bi, wola nyamanɛ ye tonbonyɛ le la gbɛ! Mɔgɔ sigini sa a rɔ. Mɔgɛnu ba nyɔ yen, anu si anu bole sa anu dɛ la ka kawa. Anu si wo tɔgɛ ma dankali-kɛ-fan la bawo Mari ti ke a munyuna wola karagbɛlɛya-koe kɛnu kɔrɔ muk!

Yɛrɛmaya 50:13

Mari ko ka a tɛgɛ ata fondo-bɔɛ ma, mɔgɔ-wo-mɔgɔ ti to sigini Babilɔn tun. Nyɔ si to tonbonyɛ la. Min tenbimatoe wa a yen, wo si kawa ka a bole sa a dɛ la.

Yɛrɛmaya 52:13

Anubɛ ala kɛlɛ-dannu ya tɛ tugu Mari Bato-Bɔn la anubɛ mansɛla bolɔn la anubɛ mɔgɔ-banuna bɔnnu na.

Yɛrɛmaya 9:11

Mari ko a si Yerusalɛm soe ma iko sundu-kunyɛ. Nyɔ si ma fira-wulinu barɛ la. A ko a si soenu bunden Yuda nyamanɛ rɔ ha mɔgɔ ti sigi nyɔ tun.

Nimisa Koe 1:1

Fɔlɔ nun, Yerusalɛm soe lafanɛ mɔgɛnu na penpen, kɔnɔ kaka, a ra ara kolonya filili! A ara ma iko kɛɛ-musi min bi a diya nun kɔrɔma la. Ale Yerusalɛm min mani de nun iko mansa-tɔgɔlamɛla musi kɔnɔ kaka, a ara ma iko yɔɔn-bolo-kolɔn.

Isikiyɛli 13:22

“Anu bi mɔgɔ-telennɛnu yisi tɔntɔnna a rɔ anuna foninya-kumɛnu na, ado a ma di n ye, mɔgɔ-telennɛ kɛnu yisi ma ni gboya. Anu bi mɔgɛnu manugu-nɛgɛla alako wonu kana na bɔ anu sɔn-yogomɛnu da kɔrɔ bawo ni wonu bɔra anu sɔn-yogomɛ da kɔrɔ, anu si kisi.

Emɔsi 3:6

Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?

Maika 7:13

Kɔnɔ yanni wo wati ni ke, wo yogenuna nyamanɛnu si ma nyamani-tinyanɛnu na ka a tɛgɛ anuna ko-yogomɛnuna ko ma.

Sakaraya 1:12

Wo kɔma, Marita melika kumara Mari Sɛnbɛ-Bɛɛ-Tigi ye. A ko, “A ara san bi-wɔrɔnfila bɔ dɛgɛdɛgɛ, i fonde bɔnɛ Yerusalɛm soe anubɛ soe doinu kuma Yuda nyamanɛ rɔ. I fonde bɔnɛ si to kɛnu kuma ha muntuma?”

Sakaraya 7:14

A ko wo le ya a ma, a tara wo ranyɛnsɛn nyamani-gbɛrɛkɛnu tɔ iko fɔnyɔ wa fen ranyɛnsɛn. A ya wola nyamani-hakikɛ kɛ rakolonya. A kasaranɛ tora pɔ!

Matiyu 22:7

Mansɛ diminyara bɛrɛkɛ! A ya ala kɛlɛ-dannu nata mɔgɔ-fagalɛ wonu faga tinɛ ka anuna soe mintan.