Yɛrɛmaya 34:20 - ALLALA KUMƐ

²⁰ Wo faga-sɔgɛ ye wo yoge minnu na, a ko a si wo don wonu bolo. Sogenu anubɛ konanu si to wo suyi dɔnna.

Yɛrɛmaya 34:20 ပူးပေါင်းရင်းမြစ်များ

1 Mansɛnu 14:11

Mari ko Mansa Yɛrabowami na-kelen-nyɔgɛ minnu bi fagala soe tɛma, wulinu denu bi wonu furinu dɔnna. Minnu bi fagala binyɛ rɔ, konanu denu bi wonu furinu dɔnna. Ale Mari le ya kɛ fɔ.”

1 Mansɛnu 16:4

Ala denbayɛ fenfen ba faga soe tɛma, a fɔ a ye ko wulinu denu bi wo suyi dɔnna. Minnu bi fagala binyɛ rɔ, konanu denu bi wonu fanan suyi dɔnna.”

Yaburi 79:2

Anu ya ila mɔgɛnu furi-bolokanɛ to belenna dogɛnu kɔrɔ. Minnu bi wɔlila i ye, wonu suyi tora sani sogenu kɔrɔ.

Yɛrɛmaya 11:21

Woletɔ n faga-sɔgɛ ye Anatɔti kɛ minnu na, wonu bi a fɔla ko n kana wɔlɔyiya-kuma fɔ Marila ko rɔ tun. Anu ko ni n kirita wo ma, anu si n faga.

Yɛrɛmaya 12:9

Nta mɔgɛnu mani de iko bibi-siyamɛ wa kɛ kona-manyɛganni kelan ma. Soge bɛɛ kun ni dɛn. Anu ni na anu kasayogoya-dɔn kɛ.

Yɛrɛmaya 16:4

A ko kiraya-fitinɛ si ta anu na. Anu kunyɛ si to kɛlɛ rɔ, ni wo ma, kɔnkɛ si anu firan dugu-kole kuma. Anu dila-wo-dila ti taran, ado anu togonna-wo-togonna ti taran. A ko anu furi-bolokanɛ si taran dugi ma iko ninki-nyɛ. Anu furinu si ma konanu de-nyini-fan la, ni wo ma, firarɔ-sogenu.

Yɛrɛmaya 19:7

Mari ko a si wole, Yuda mɔgɛnu anubɛ Isirɛla mɔgɛnu miriya bɛɛ tinya kan-tina-kelan kɛ rɔ ka a ma, wo yogenu ni wole, Yuda kɛnu faga tɛrr! A ko a si a ma, wo furinu ni ma konanu anubɛ sogenu de-nyini-fan la.

Yɛrɛmaya 21:7

Kɔnɔ Mari ya a fɔ fanan ko ale Sɛdɛkaya wo, ala mɔgɔ-banu wo, hali kiraya-fitinɛ anubɛ kɛlɛ-fitinɛ anubɛ kɔnkɔ-fitinɛ foora wole minnu na wo, Mansa Nɛbukanasa faga-sɔgɛ ye mɔgɛ minnu na, wonu denu si ta wo la, ado ale mansɛ ti kinikini wo ma ka wo fenfen yamasansan. A si wo damasi faga tɛrr! Mari nyɛrɛ kan le kɛ la.

Yɛrɛmaya 22:25

A ko ale mansɛ kilannɛ mɔgɛ minnu na, a si a kunyɛ don wonu bolo, Babilɔn Mansa Nɛbukanasa anubɛ ala kɛlɛ-dannu, kɔni.

Yɛrɛmaya 38:16

Woletɔ Mansa Sɛdɛkaya ya lanyiri kiri n ye dogɔn tɔ. A ko a ye anubɛ Mari-nimɛ tɛma min bi niyi dila mɔgɛ ma ko a ti n faga. A ti n don mɔgɛnu bolo minnu bi n faga-koe rɔ.

Yɛrɛmaya 39:6

Ale mansɛ ya ala den-keinu anubɛ Yuda mɔgɔ-banu faga a yala Ribila soe burɔ nyɔ.

Yɛrɛmaya 4:30

Ile Yuda nyamani-tinyanɛ, i ye nfen kun na? Nfenna i ye kura-hakikɛnu donna i kan na? Nfenna i ye i makirila sɛnɛ la? Nfenna i ye i ya-siyi lafinna? I ye i nyɛrɛ mabɛnna fu! I gbo i kenintenu ye, ado i faga-sɔgɛ ara anu bira.

Yɛrɛmaya 44:30

Iko a ya Yuda Mansa Sɛdɛkaya don a yoge, Babilɔn Mansa Nɛbukanasa bolo nya min, a faga-sɔgɛ ye wo min na nun, a ko a ye Iyipiti Mansa Hofara donna a yogenu bolo wo nya na le fanan.

Yɛrɛmaya 49:37

Mari ko a si a ma, Ilam kɛnu ni kilan anu yogenu na, anu faga-sɔgɛ ye minnu na, kɔni. Mari ko ata fondo-bɔɛ si a ma, Ilam kɛnu yogenu ni tugu anu kan ma ha anu na ni ban tola dogbe!

Yɛrɛmaya 7:33

Wo kɔma, furi-bolokanɛ si taran dugi ma nyɔ. Anu si ma konanu de-nyini-fan la. Kɔnkɛ ti nyɔ-sogenu bira. Mɔgɔ-wo-mɔgɔ ti taran nyɔ min si fan wonu gben furinu ma.

Isikiyɛli 23:28

“ ‘Ile Oholiba, Yerusalɛm, kɔni, i sɔgɔ labɔnɛ i yoge minnu na, n si i don wonu bolo.

Isikiyɛli 29:5

Wo kɔma, n si anubɛ yɛgɛ wonu nafili wulɛ rɔ pirr! A si to sani dugu ma wo nya tasakara, ka a togonbɛlɛ to! N si a latenbi soge anubɛ konanu ma. Wonu si to a dɔnna nyɔ.

Isikiyɛli 32:4

N si a gbesi dugi la. Kona anubɛ soge min bɛɛ ye duninya rɔ, n si wo bɛɛ kele. Anu ni na a dɔn sa!

Tɔn-Fɔɛ-Fila-Nyɔgɛ 28:26

Wo furinu si ma konanu anubɛ sogenu dɔn-fan la. Mɔgɔ ti taran nyɔ min si wonu gben wo furinu ma.

1 Samuwɛli 17:44

A ya a kɔgɔ raka Dawuda telen tɔ. A ko, “Na tun. N si i suyi di konanu anubɛ sogenu ma kaka!”

1 Samuwɛli 17:46

Bi tele kɛ rɔ, Mari si i don n bolo. N si i faga ka i kan natɛgɛ a dagɛ rɔ. N si Filisiti kɛlɛ-dannu suyi di konanu anubɛ sogenu ma. Duninya-mɔgɛ bɛɛ si a lɔn worɔ ko Alla ye Isirɛla mɔgɛnu kun na.