Yɛrɛmaya 34:15 - ALLALA KUMƐ

¹⁵ A ko wole fanan bara wo miriya yɛlɛma kaka ka a diyana-koe ladan. Wo sɔnta wo na-kelen-nyɔgɛ boloka-koe ma. Wo ya sarama-kan kiri a Bato-Bɔn la Mari nyɛrɛ yala.

Yɛrɛmaya 34:15 ပူးပေါင်းရင်းမြစ်များ

2 Mansɛnu 12:2

Mansa Yohasi ya koe min bɛɛsi ma ala mansayɛ kɔrɔ, wonu ya Mari hɛnɛ fananta Saraka-Masɔla Yɛhoyada le ya Mansa Yohasi labila.

2 Mansɛnu 14:3

Ale Mansa Hamasa wara-koe ya Mari hɛnɛ kɔnɔ aletɛ ma ke a benba Mansa Dawudatɛ rɔ. A ya a ma iko a fa Yohasi ya a ma nya min.

2 Mansɛnu 23:3

A ban, ale mansɛ wo sɔra Bato-Bɔn sɛnbɛrɛn-kɔn fɛ ka lanyiri kiri Mari ye. A ko a si ala tɔn wonu natɔnbagaya a yisi bɛɛ la. A ko a si sereya mumɛ bɛɛsi bira iko sarama-kan sɛbɛnɛ Marita buku rɔ nya min. Ala nyamanita-mɔgɛ wonu damasi sɔnta kumɛ wo ma. Anu ko anu denu fanan si tɔn wo damasi bira.

Nihɛmaya 10:29

ka ma keli. Mabɛ mala mɔgɔ-banu, ma ko Alla ya tɔn minnu di ata wɔli-kɛla Nɛbi Musa ma, ma si wo bɛɛ bira, ado ni min ya kɛ do tinya, wo tigi ye dankɛ kɔrɔ. Mata Mari ara kumɛ min bɛɛsi fɔ ma ye, ma si wo bɛɛ bira ka a latɔnbagaya. Ko-dande wo le kɛnu na.

Yaburi 119:106

N ya n dakan don ila tɔn min bira-koe rɔ, n si n kan wo latɔnbagaya gben-gben!

Yaburi 76:11

Ni i ya min di-koe fɔ ita Mari Alla ma, i ni wo di a ma. Wole sibolo-gbɛrɛ minnu gbɛrɛnnɛ Isirɛla ma, wo ni na kɔ-fannu na a ye. Alla ye a mala, mɔgɛ bɛɛ ye kilanna a la.

Aiseya 58:2

Anu bi anu nyɛrɛ mala iko Alla di mɔgɛ min ye. Anu bi anu nyɛrɛ mala iko mɔgɛ minnu bi anu tole masɔla Allata tɔn-karan la a kin na! Anu bi anu nyɛrɛ mala iko komi Alla sako kɛ-sɔgɛ ye anu na. Anu bi anu nyɛrɛ mala iko anu sa Allata tɔn tinyana tele-kelen-bɛrɛni! Anu bi anu nyɛrɛ mala iko Alla-bato-sɔgɔ-bɛrɛ ye anu na. Bato-Bɔnna-tɛ di anu ye dɔgɔma-ma-de!

Yɛrɛmaya 32:34

Bato-Bɔn min sɔnɛ a bato-tinayɛ la, a ko anu bara anuna kisimiriya-bɛsɛnu nadon nyɔ ka nyɔ latinya.

Yɛrɛmaya 34:8

Mansa Sɛdɛkaya anubɛ Yerusalɛm kɛnu sɔnta ko kelen ma. Anu sɔnta ko bɛɛ ni a ta-nyɔgɛ Hiburu yɔɔn boloka, a keima wo, a musuma wo. A ko mɔgɔ kana a na-kelen-nyɔgɛ Isirɛla mɔgɛ ma yɔɔn la tun. Mɔgɔ-banu anubɛ anuna mɔgɛnu sɔnta yɔɔn-boloka-koe wo ma. Anu ko anu ti wo sufa ma tun. Anu ya anuna yɔɔnnu boloka kɔnɔ tɔ-a-la, anu ya anu miriya yɛlɛma. Anu ya anu nasɛgi yɔɔnyɛ rɔ tun ka a lagbɛlɛya anu kuma. Wo kɔma, Mari Isirɛlata Alla ya sarakanɛ don n bolo

Saraka-Masɔlɛnuta Tɔnnu 25:10

San bi-loli wo san bi-loli si ma san-yabɔnɛnu na minnu dantɛgɛnɛ nde, Mari ma. San wo la, bɛɛ halala-fen-kɔrɛ si sɛgi a tigi fɔlɔtɛ ma.

Matiyu 15:8

Alla ko, ‘Mɔgɛ kɛnu bi a fɔla anu da rɔ ko n di anu ye kɔnɔ n bara-koe sa anu yisi-kunyɛ la!