Yɛrɛmaya 33:26 - ALLALA KUMƐ

²⁶ Iko tɔn wonu banbannɛ nya min, Mari anubɛ Yakoba anubɛ Mansa Dawuda kegeyɛnuna sarama-kan banbannɛ wo nya na le. Iburayima kegeyɛ wo, Yakoba kegeyɛ wo, Isiyaka kegeyɛ wo, Mansa Dawuda kegeyɛnu si to wonu marala tolon! A si kinikini ala mɔgɛnu ma ka anu sabati tun.

Yɛrɛmaya 33:26 ပူးပေါင်းရင်းမြစ်များ

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

Ɛsira 2:1

Kebi Mansa Nɛbukanasa tara mɔgɛ kɛnu na Babilɔn nyamanɛ rɔ, anu tora biralɛ le tɔ ha Mansa Sairasi ya anu hɔrɔya wati min. Anu mɔgɔ-siyaman nara to sɛgila wati wo le tɔ Yerusalɛm soe burɔ anubɛ Yuda nyamani-toe rɔ. Bɛɛ tara a halala-so rɔ.

Ɛsira 2:70

Saraka-masɔlɛnu wo, Lifayinu wo, anubɛ a mɔgɛ toe donu sigira Yerusalɛm soe anubɛ ala foolɛ rɔ. A fɔli-kɛla wo, a Bato-Bon-kandanni wo, a Bato-Bonna-wɔlila wo, wonu sigira so-gbɛrɛkɛnu tɔ nyɔla foolɛ rɔ. Isirɛla mɔgɛ toenu sigira anu benba so-kɔrɛnu tɔ.

Yaburi 126:1

Mari ya ma lasɛgi Yerusalɛm soe burɔ tumɛ min, a mara le iko kiyo.

Aiseya 14:1

Mari si kinikini Isirɛla mɔgɛnu ma tun ka anu ma atɛ la. A si a ma, anu ni sigi anu halala-nyamanɛ rɔ tun baff! Sibolo-gbɛrɛnu si sigi anu tɛma.

Aiseya 54:8

A ko ata fondo-bɔɛ le ya a ma, a ya a ban i la wati-kundu-ni kɔrɔ kɔnɔ a si ata habadan-kinikinɛ yira i la gbɛ! I Kunka-Mari kan le kɛ la.

Yɛrɛmaya 3:12

A ko n ni ta kilayɛ lake kantɔ-wara la Isirɛla mɔgɛnu bi kan min. Mari ko wole, Isirɛla mɔgɛ minnu telenni ma, wo ni sɛgi ale Mari ma. A ko a ti a kolan firindi wo ma tun! A ko a kinikinite, a fondo-bɔnɛ ti to wo kan ma tun.

Yɛrɛmaya 31:20

Mari ko a diyana-den-bɛrɛbɛrɛ le Isirɛla mɔgɛnu na. A ko anu di a ye kosɛbɛ! A ko a nɛn-naban anu tɔgɔ ratɛgɛla, anuna keninteya ara don a rɔ. A ko a hɛnkili ti bɔ anu ko, ado anuna hinɛ si to a burɔ.

Yɛrɛmaya 31:35

Alla ya tele labɔ le alako waan ra ni to kala. A ye a mala, karɛ anubɛ lolenu ta ni gbɛ suyi rɔ. A ye kɔgɔ-yi latugula a rɔ alako anu ni kuma. A tɔgɛ le Mari Sɛnbɛ-Bɛɛ-Tigi.

Yɛrɛmaya 31:37

Ni hadama-dan si ke san-kole sumanna, ni a si ke dugu-kurukɛ-tinɛ bɛɛ lɔnna, nba, mani ale Mari si a ban wole, ala mɔgɛnu na ka a tɛgɛ wo hakɛ ma. Mari kan le kɛ la.

Yɛrɛmaya 33:24

mɔgɛnu bi a fɔla ko ale Mari ara Isirɛla anubɛ Yuda min yabɔ, a ara wonu boloka. A ya nde, Yɛrɛmaya manyinika ni n ya wo lamɔɛn de! Woletɔ a ko mɔgɛnu yigi-tɛgɛnɛ ala mɔgɛnu na. Anu ma anu miri anu ma bɔnsɔn la lefan!

Isikiyɛli 39:25

N Tigi Mari ya a fɔ n ye ko, “Kaka, n si kinikini Yakoba kegeyɛnu ma, Isirɛla mɔgɛnu, kɔni. N si a ma, anu ni sabati tun. Wo si a ma, n tɔgɔ-sɛninyanɛ ni to.

Hoseya 1:7

Kɔnɔ n si keninteyɛ yira Yuda mɔgɛnu na. Nde min bi anuta Mari Alla la, n si anu kisi. N ti anu nakisi kɛlɛ-kɛ-fannu ma iko faan wo, kalabɛn wo, anubɛ kɛlɛ-kɛ-soee ani anu naburilɛnu.”

Hoseya 2:23

N si nta mɔgɛnu fui nyamanɛ wo rɔ ka anu bara-koe lata yarɔ. N ya a fɔ minnu ma ko, “Hinabɛlɛnu,” n si hina wonu na. N ya a fɔ minnu ma ko, “Nta ma,” n si a fɔ wonu ma ko, “Nta mɔgɛ le kɛnu na.” Wonu fanan si a fɔ ko, “Mata Alla le ile la.”

Sakaraya 10:6

Mari ko a si a ma, Yuda mɔgɛnu ta ni gbɛlɛya. A ko a si Isirɛla mɔgɛnu kunyɛ bɔ gbaran rɔ. A ko a si kinikini anu ma ka na anu na anu barɛ tun. A ko a si ma iko a ma anu kɔn tele-kelen-bɛrɛni! A ko anuta Mari Alla le ale la. Ale le si anu madiyali-kan lamɔɛn.

Romu 11:32

Alla ara mɔgɛ bɛɛ ma yɔɔn la kuma-birabɛlitayɛla ko la alako a ni ala kinikinɛ yira anu damasi la.