Yɛrɛmaya 33:17 - ALLALA KUMƐ

¹⁷ Ale Mari ko lanyiri le kɛ la ko Isirɛla mansayɛ ti bɔ Mansa Dawudala bɔn la mumɛ!

Yɛrɛmaya 33:17 ပူးပေါင်းရင်းမြစ်များ

2 Samuwɛli 3:29

Alamɛ Yohabu anubɛ ala denbayɛ ya tɔrɔyɛ kɛ sɔrɔn ka a tɛgɛ Abina faga-koe kɛ ma. Alamɛ anu ya tɔrɔya-su kɛnu sɔrɔn, kɔrɔsini-gbɛ wo, fɛrɛma-kirayɛ wo, ni wo ma, anu ni to wurundi-kɛ-wɔlɛ kɛla iko musu-kɔrɔnɛ, ni wo ma, anu kunyɛ ni to kɛlɛ rɔ, ni wo ma, anu ni faga kɔnkɛ bolo. Tɔrɔya-su kelen-kelan kɛnu ni a bɔnsɔn bɛɛsi tɔrɔ kelen-kelenyɛ ma.”

2 Samuwɛli 7:12

Ale Dawuda wa faga tumɛ min, anu ba ban a togonna, n si a ma, ala dan do ni to a gbɛ rɔ min si ala nyamanɛ to fanka rɔ.

2 Samuwɛli 7:13

Wo le ye n bato-bɔn sɔla. N si a ma, mansayɛ ti bɔ ala bɔn la mumɛ!

1 Mansɛnu 2:4

Wo si a ma, Mari Alla ni a hɛnkili to lanyiri wo ko a ya min fɔ ndela ko la. A ya a fɔ nun ko ni n kegeyɛnu mara mɔgɔ-latelennɛnu na ale yala ka bila a fɛ anu yisi bɛɛ la, a ko nna mansaya-bɔn si to sɛnbɛ rɔ Isirɛla mɔgɛnu tɛma.

1 Mansɛnu 8:25

Nba, wola ko la, Isirɛlata Mari Alla, i ya ila lanyiri doi min kiri n fa Dawuda ye nun, i ni wo fanan natɔnbagaya. I ya a fɔ nun ko ni ala dannu tora ila kilɛ fɛ ka i sako kɛ iko ale n fa ya a ma nya min, mansayɛ si to a bɔnsɔn bolo Isirɛla mɔgɛnu tɛma habadan!

2 Mansɛnu 11:2

fɔ Ehasaya wola den Yohasi, wo le tora a niyi la. Anu bi Yohasi wo na-kelen-nyɔgɛnu fagala tumɛ min, a tɛnɛ min tɔgɛ Yihɔsɛba, wo ya Yohasi anubɛ a fɛ-biralɛ bi ka anu dogon Bato-Bon-konko do la mɔgɛnu si ki kan min. A ya wo ma alako anu kana ale Yohasi faga. Yihɔsɛba kɛ, Mansa Yɛhoramla dunmusi le. Mansa Ehasaya tirisan le fanan.

1 Ko-Kɔrɔta-Karan 17:27

N bi i matarala, i ni ita duwɛ layigi n kegeyɛnu kuma. Wo si a ma, anu ni to ila duwɛ kɔrɔ tuma-wo-tuma. Ile Mari Alla ara sarama-kan kɛ kiri, ado n kegeyɛnu ti foo ila sarama-kan kɛ la mumɛ!”

Yaburi 132:12

Ni ala dannu ya ila sarama-kan latɔnbagaya ka ila karan to a gbɛ rɔ, i ko mansayɛ ti bɔ anuna bɔn la mumɛ!

Aiseya 9:7

Ata mansaya-dan sa. Yisi-kimɛ le ye ata mansayɛ rɔ burubukai! A si mansayɛ kɛ a kebila Mansa Dawuda gbɛ rɔ. Ka a bi wo wati ma ha tumɛ min di Alla ye, ata mansaya-sɛnbɛ le tɔn-birɛ anubɛ telenbagayɛ la. Mari Sɛnbɛ-Bɛɛ-Tigi ara a wakila wo kɛ-koe ma.

Yɛrɛmaya 17:25

A ko ni wo ya ata sereya kɛnu bira, min bi mala, wo le kɛ la. Mansɛ minnu bi sigila Mansa Dawuda gbɛ rɔ, wonu si to tenbila Yerusalɛm don-dɛ kɛnu na anubɛ anuna mɔgɔ-banu. Wonu si to kirindinu anubɛ soeenu naburila. Anu si to tala wole, Yuda anubɛ Yerusalɛm nyama tɛma yan. Mɔgɛnu si to sigini Yerusalɛm soe burɔ yan tolon!

Yɛrɛmaya 35:19

a ara lanyiri kiri wo ye ko Yonadabu kebilɛ si to den-keinu sɔrɔnna min si to wɔlɛ kɛla ale Mari ye.”