Yɛrɛmaya 32:8 - ALLALA KUMƐ

⁸ Iko Mari ara a fɔ n ye nya min, Hanamɛli nara n taran yele la ko n ni ala dugi san. N ya a lɔn wo le ma ko Mari nyɛrɛ le wara kuma n ye!

Yɛrɛmaya 32:8 ပူးပေါင်းရင်းမြစ်များ

1 Mansɛnu 2:26

Mansɛ ya a fɔ Saraka-Masɔla Abiyatari ye ko, “I ni ta i warɛ Anatɔti soe burɔ. A bɛnnɛ ile fanan ni faga nun kɔnɔ n ti i faga kaka kamasɔrɔn ile le ya Mari Allata tɔn-kenkirɛ maduni n fa Mansa Dawuda ye. I ya tɔrɔyɛ sɔrɔn n fa fɛ.”

1 Mansɛnu 22:25

Nɛbi Mɛkaya ya a fɔ a ye ko, “Fɔ i wa ta i dogon tinɛ bɔn do burɔ lun min, i ni na to a lɔnna.”

1 Ko-Kɔrɔta-Karan 6:60

Anu ya soe minnu sɔrɔn Bɛnyamɛta nyamanɛ rɔ, wo le kɛnu na, Kiba wo, Alɛmɛti wo, Anatɔti wo, anubɛ kolo-fen de-nyini tinɛ minnu bi nyɔnuna foolɛ rɔ. Wo bɛɛ mara anu halalɛ la. Aruna kegeyɛ ya soe minnu sɔrɔn, wo bɛɛsi lakofunɛ bɛnta so tan-ni-sawa ma.

Yɛrɛmaya 1:1

Nde, Helikayala den Nɛbi Yɛrɛmaya, anubɛ n na-kelen-nyɔgɔ bɛrɛbɛrɛnu bi saraka-masɔlayɛ la Anatɔti soe burɔ Bɛnyamɛ nyamanɛ rɔ. Amɔnna den Yosayata san tan-ni-sawa nyɔgɛ ma mansayɛ la Yuda nyamanɛ rɔ, Mari fɔlɔta kumala nde, Nɛbi Yɛrɛmaya ye san wo le la. Yahoyakim siginɛ a fa Yosaya gbɛ rɔ mansayɛ la tumɛ min, Mari kumara n ye tun. Mansa Yosayala den-gbɛrɛkɛ Sɛdɛkaya, wo ya san tan-ni-kelen anubɛ karɛ loli le bɔ mansayɛ la Yuda nyamanɛ rɔ. Wati wo mumɛ bɛɛ kɔrɔ, Mari kumara n ye iko siyaman. Wo kɔma, kɛlɛ tara Yerusalɛm kɛnu na. Nde, Yɛrɛmayata kumɛ le kɛnu na.

Yɛrɛmaya 32:2

Wo ya a taran, Babilɔn kɛlɛ-dannu bi Yerusalɛm kɛnu kɛlɛla. Anu ya nde, Yɛrɛmaya sa yele la mansɛla bolɔn la kata burɔ Yuda nyamanɛ rɔ.

Yɛrɛmaya 32:25

ado ma Tigi Mari, hali anu bi soe kɛ bira-koe rɔ, ile le ya a fɔ n ye ko n ni dugi kɛ san sereyɛnu yala.”

Yɛrɛmaya 32:7

n fa Salumu, wola den Hanamɛli si na dugi do mayira n ma. Dugi wo ye Anatɔti soe dafɛ Bɛnyamɛ nyamanɛ rɔ. A ye a mayirala n ma bawo a na-kelen-nyɔgɔ-bɛrɛbɛrɛ le nde la, ado yoe ye nde fɔlɔn bolo ka a san.

Yɛrɛmaya 33:1

N bi yele la kata burɔ tumɛ min, Mari kumara n ye tun.

Yɛrɛmaya 37:12

N bɔɛ Yerusalɛm ka ta nna fen-sannɛ yabɔ Bɛnyamɛ nyamanɛ rɔ,

Isikiyɛli 12:7

N ya a ma iko Mari ya a fɔ n ye nya min. Wulɔn-tele nyɛrɛ rɔ, n ya nna dunɛnu mabɛn iko kɛlɛ-kɔrɔ-maburilɛ. Yanni a la ni fin, n ya woe labɔ nna bon-dandan ma n bole la. N bɔra nyɔ. N ke luyi ma, n ya nna dunɛ dun n kɛɛ la bɛɛ yala. N tara n ye.

Sakaraya 11:11

ado wo tele nyɛrɛ rɔ, sarama-kan wo bolokara. Sagɛ minnu bi nala fagala, ado anu yɛ bɛnnɛ n ma, wonu nara to a lɔnna ko sarama-kan boloka-koe a ma, Mari kuman-kan le.

Yɔni 4:53

Yisa ya a fɔ a ye wati min tɔ ko, “Ko sa mala ila dan la,” a fa yili tora wo ko. Woletɔ ale anubɛ ala bonna-mɔgɛnu dɛnkɛninyara Yisa ma.