Yɛrɛmaya 32:7 - ALLALA KUMƐ

⁷ n fa Salumu, wola den Hanamɛli si na dugi do mayira n ma. Dugi wo ye Anatɔti soe dafɛ Bɛnyamɛ nyamanɛ rɔ. A ye a mayirala n ma bawo a na-kelen-nyɔgɔ-bɛrɛbɛrɛ le nde la, ado yoe ye nde fɔlɔn bolo ka a san.

Yɛrɛmaya 32:7 ပူးပေါင်းရင်းမြစ်များ

1 Mansɛnu 14:5

Kɔnɔ yanni ala musi ni ke nyɔ, Mari ara a fɔ Nɛbi Ahaya ye ko Mansa Yɛrabowamila musi ye nala a manyinika tinɛ ala dan kiraya-koe rɔ. Nɛbi Ahaya ye min fɔla a ye, Mari ya a labila wo la. Mansa Yɛrabowamila musi kenɛ Nɛbi Ahaya ma, a ya a nyɛrɛ ma iko mɔgɔ-gbɛrɛkɛ le ale la.

Yɛrɛmaya 1:1

Nde, Helikayala den Nɛbi Yɛrɛmaya, anubɛ n na-kelen-nyɔgɔ bɛrɛbɛrɛnu bi saraka-masɔlayɛ la Anatɔti soe burɔ Bɛnyamɛ nyamanɛ rɔ. Amɔnna den Yosayata san tan-ni-sawa nyɔgɛ ma mansayɛ la Yuda nyamanɛ rɔ, Mari fɔlɔta kumala nde, Nɛbi Yɛrɛmaya ye san wo le la. Yahoyakim siginɛ a fa Yosaya gbɛ rɔ mansayɛ la tumɛ min, Mari kumara n ye tun. Mansa Yosayala den-gbɛrɛkɛ Sɛdɛkaya, wo ya san tan-ni-kelen anubɛ karɛ loli le bɔ mansayɛ la Yuda nyamanɛ rɔ. Wati wo mumɛ bɛɛ kɔrɔ, Mari kumara n ye iko siyaman. Wo kɔma, kɛlɛ tara Yerusalɛm kɛnu na. Nde, Yɛrɛmayata kumɛ le kɛnu na.

Yɛrɛmaya 11:21

Woletɔ n faga-sɔgɛ ye Anatɔti kɛ minnu na, wonu bi a fɔla ko n kana wɔlɔyiya-kuma fɔ Marila ko rɔ tun. Anu ko ni n kirita wo ma, anu si n faga.

Yɛrɛmaya 32:6

Mari ara a fɔ n ye yele la nyɔ ko

Yɛrɛmaya 32:8

Iko Mari ara a fɔ n ye nya min, Hanamɛli nara n taran yele la ko n ni ala dugi san. N ya a lɔn wo le ma ko Mari nyɛrɛ le wara kuma n ye!

Saraka-Masɔlɛnuta Tɔnnu 25:23

“Wo kana wola duginu mayira wo ta-nyɔgɛnu ma alako a ni to anu bolo habadan bawo wota ma. Nde, Maritɛ le dugi mumɛ bɛɛ la. Ile mintan a la, i mani de iko sundan kɔnɔ n sɔnta a ma i ni wɔli a rɔ.

Saraka-Masɔlɛnuta Tɔnnu 25:24

“Ni min ya dugi san i ma, a ni a miri a ma ko a wati wa ke, a si a lasɛgi i ma tun.

Saraka-Masɔlɛnuta Tɔnnu 25:25

Ni Isirɛla mɔgɛ min bolo-kolonyara ha a ni ala dugi mayira nɔnfulu-tigi do ma, ni bolo-kolɔn wo na-kelen-nyɔgɛ do ya kalasɔrɔn dugi wo mayira-koe ma, yoe ye ale fanan bolo ka a na-kelen-nyɔgɛla dugi kunka.

Saraka-Masɔlɛnuta Tɔnnu 25:34

Kɔnɔ anuna kolo-fen dɛ nyini tinɛnu min bi anuna soenuna foolɛnu tɔ, anu kana wonu mayira dɛɛ bawo anu halala-bɛrɛbɛrɛ le wonu na.

Saraka-Masɔlɛnuta Tɔnnu 25:49

Ni a mara a berin do la, wo si ke le ka a kunka. Ni a mara a fa do le la, wo si ke le ka a kunka. Ni a mara a kebila-mɔgɛ do le la anubɛ min gbɛrɛnnɛ anu nyɔgɔn ma, wo fanan si ke le ka a kunka. Kɔnɔ ale min ya a nyɛrɛ sigi tulumɛ la sibolo-gbɛrɛ wo ma, ni ale ya nɔnfuli sɔrɔn tɔ-a-la, a si ke le ka a nyɛrɛ kunka.

Yilan-Yilan Koe 35:2

“Isirɛla mɔgɛnu ba ban anuta nyamanɛ sɔrɔnna tumɛ min, anu si so bi-nani ani so fila di Lifayi mɔgɛnu ma. Anu si soe wonuna foolɛ dugi fanan di anu ma alako anuna kolo-fannu ni anu de-nyini-tinɛnu sɔrɔn.