Yɛrɛmaya 32:23 - ALLALA KUMƐ

²³ Nyamanɛ kɛ sɔrɔn anu bolo, anu ma ita tɔnnu bira. Anu ma i kan-wo-kan bira. Wo le ya a ma, i ya kasarɛ latugun anu ma.

Yɛrɛmaya 32:23 ပူးပေါင်းရင်းမြစ်များ

Ɛsira 9:7

Ka a bi ma benbanuta wati ma ha kaka, male, ita mɔgɛnu, ma hakɛ dan na ara tenbi. Ka a tɛgɛ ma hakɛnuna ko ma, mabɛ mala mansɛnu anubɛ mala saraka-masɔlɛnu kunyɛ ara don sibolo-gbɛrɛnu bolo. Anu bara ma mafaga ka ta mabɛ ma bolo-fannu na biralɛ rɔ pon! Anu bara ma layarabi kosɛbɛ, ado ha bi, ma ye yarabi kelan wo le kɔrɔ.

Nihɛmaya 9:15

“Kɔnkɛ ya anu bira wati min, i ya biredi layigi anu ma ka bɔ san-kole rɔ. Anu kan lagbalata wati min, i ya yi labɔ anu ye farɛ rɔ. I ya anu yili-madiya nyamanɛ minna ko la, i ya a fɔ anu ye ko anu ni nyɔ bi.

Yaburi 78:10

Sarama-kan min bi anubɛ Alla tɛma, anu denu ma anutɛ latɔnbagaya. Anu ya anu ban ata tɔn-bira-koe ma.

Yɛrɛmaya 2:7

Mari ko a tara anu na nyamani-diyamɛ rɔ alako anu si nyɔ dɔn-fan-diyamɛnu dɔn. Kɔnɔ hali wo, anu ya ala nyamanɛ wo latinya. Anu ya nyɔ ma nyamani-magboyanɛ la Mari ye.

Yɛrɛmaya 26:4

Mari ya a fɔ wole, ala mɔgɛnu ye ko wo ni ala kumɛ bira tɔn-birɛ fɛ iko a ya wo labila nya min.

Yɛrɛmaya 44:10

Ha bi, wo ma wo famayigi Mari kɔrɔ wɛ, ado ha bi, wo ma ale Mari gbiliya. Ale Mari ya tɔn minnu di wobɛ wo benbanu ma, ha bi, wo ma wonu bira.

Yɛrɛmaya 7:26

Kɔnɔ a ko wo benbanu ma sɔn anu tole masɔla nɛbi wonu na ka anu kuman-kan bira. Kɔnɔ wole karagbɛlɛ ka tenbi wo benbanu na.

Nimisa Koe 1:18

“Kɔnɔ kɛ dama rɔ, Mari ye a yoe rɔ bawo n bara ata kuman-kan tinya. Duninya-mɔgɛ bɛɛ ni a tole masɔ n na. Wo ma n tɔrɔ-bole yen? Ma yogenu bara ma fonike bɛɛ bira ka ta anu na nyamani-gbɛrɛnu tɔ.

Nimisa Koe 1:8

Yerusalɛm soe ara a nyɛrɛ latinya bawo a ara hakɛ-yogomɛ kɛ. A gbiliyanɛ minnu bolo nun, wonu ya a magboya bawo anu bara a lakolɔn yen. Ale fanan bi dila a yakɔrɛ dogonna miliyɛ bolo.

Isikiyɛli 20:18

Woletɔ n ya fonikenu makawandi anu tɔ ko anu kana anu benbanuna namunyɛnu bi. N ko anu kana anu nyɛrɛ latinya anuna bɛsi-kɔ-koe la.

Isikiyɛli 20:21

“Kɔnɔ fonike wonu fanan sɛgira n bɔrɔbɔla tun. Anu ya nna tɔn anubɛ sereyanu tinya feu, ado ni min ya tɔn wonu bira, wo si siyimayɛ sɔrɔn. Wonu fanan ya nna Sulen-Tele wo bɔrɔbɔ. Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ.

Isikiyɛli 20:8

Kɔnɔ anu bara n bɔrɔbɔ ka anu tengberenya. Anu ma sɔn anuna bɛsɛnu nafilila a rɔ. Anu ma anu bole bɔ Iyipiti kɛnuna bɛsɛnu tɔ. Anu bi Iyipiti wati min, n tabɛnnɛ ka nna diminyɛ mumɛ yira anu na nun.

Luka 17:10

A ye wo nya na le wole fanan bolo. Min fɔra wo ye, wo wa wo bɛɛ ma tumɛ min, wo si a fɔ ko, ‘Wɔli-kɛlɛ le male la dɔrɔn. Ma ara mala wɔlɛ le dɔrɔn kɛ.’ ”

Yɔni 15:14

Ni wo ya nna kumɛ bira, n diyana-mɔgɛnu de wole la.

Kalesiya 3:10

Kɔnɔ minnu yigi sanɛ anuna tɔn-birɛ kuma, wonu bi dankɛ kɔrɔ bawo a sɛbɛnɛ Allala kitabu rɔ ko, “Ni min ti tɔn bɛɛsi bira, wo tigi ye Allata dankɛ kɔrɔ!”

Yemesi 2:10

Hali mɔgɛ ya Allata tɔn bɛɛ bira kɔnɔ a ni kelen dɔrɔn tinya, a ara yiliki sɔrɔn a bɛɛ rɔ.

Yasowa 21:43

Mari ya nyamanɛ wo bɛɛsi di Isirɛla mɔgɛnu ma iko a ya lanyiri kiri anu benbanu ye nya min. Anu tara ka nyamanɛ wo mɔgɛnu kɛlɛ ka anu nɔ. Anu tora nyɔ.

Yasowa 23:16

Ni wo ya bɛsɛnu kɔ, Marita diminya-wɛ si wo tɔrɔ, ado a si wo bɔ nyamani-hakikɛ kɛ rɔ.”