Yɛrɛmaya 31:35 - ALLALA KUMƐ

³⁵ Alla ya tele labɔ le alako waan ra ni to kala. A ye a mala, karɛ anubɛ lolenu ta ni gbɛ suyi rɔ. A ye kɔgɔ-yi latugula a rɔ alako anu ni kuma. A tɔgɛ le Mari Sɛnbɛ-Bɛɛ-Tigi.

Yɛrɛmaya 31:35 ပူးပေါင်းရင်းမြစ်များ

Yobu 26:12

Ata sɛnbɛ ye kɔgɔ-yi kuma. Hali ninkinankɛ min bi kɔgɔ-yi rɔ, a ya wo lato dogbe!

Yobu 38:33

I ya san-kolo-tɔnnu lɔn? Ile si ke tɔn wonu nawɔlila duninya rɔ?

Yaburi 106:9

A kumara Kɔgɔ-Yi-Wulan ma, wo gbalata a worɔn la todo! A sɔra ala mɔgɛnu yarɔ ka dugu-gbalanɛ wo ratɛgɛ.

Yaburi 119:89

Mari, ita kumɛ si to a gbɛ rɔ burubukai, ado a si to a gbɛ rɔ Arinyɛni tɔ fanan tolon!

Yaburi 119:91

Ha bi, fan bɛɛ ye a gbɛ rɔ iko i ya a fɔ nya min bawo ila wɔli-kɛlɛ le anu na.

Yaburi 148:6

Ata kumɛ fɛ, a ya wonu sigi anu gbɛnu tɔ, ado wonu ti maga anu gbɛ rɔ ni!

Yaburi 72:17

I ni a ma, mansɛ tɔgɛ kana tunu mumɛ! I ni a ma, a mankan ni to warala iko tele. Alamɛ sibole bɛɛ ya Alla madiya ko a ni ata duwɛ layigi anu kuma iko a ya duwɛ di mansɛ wo ma nya min. I ni a ma, anu ni to Alla matarala alako mansɛ wo sewanɛ ni to.

Yaburi 72:5

Fananta tele anubɛ karɛ ye nyɔ, alamɛ ita mɔgɛnu tora ile Alla batola.

Yaburi 74:13

I ya yi fara fila la i sɛnbɛ-makawanɛ la. Ninkinankɛ min tɔgɛ Lifayatan, i wara wo kunyɛnu tatii pɔ!

Yaburi 74:16

I ya suyi anubɛ tele dan. I ya tele anubɛ karɛ sigi anu sigi tinɛnu tɔ.

Yaburi 78:13

A ya kɔgɔ-yi fara fila la ka anu natenbi nyɔ rɔ. A ya a ma, yi wonu sɔra anu gbɛ rɔ iko dandan.

Yaburi 89:2

N ya a lɔn ko ila keninteyɛ si a laban de! Ila lanayɛ ye gbɛ le tɔ iko san-kole!

Aiseya 48:2

Wo ye wasila a fɔɛ la ko duguran le wo la so-sɛnimɛ kɛ rɔ. Wo ko wo tonɛ Isirɛlata Alla ma min tɔgɛ Mari Sɛnbɛ-Bɛɛ-Tigi.

Aiseya 51:15

Mari ko ale le wota Mari Alla la. Ale le ya kɔgɔ-yi ramaga a worɔn la ka a ma, a la ni sɔnkɔ. A tɔgɛ le Mari Sɛnbɛ-Bɛɛ-Tigi.

Aiseya 54:5

I Dali-Mari si ma i ye iko ila kei. A tɔgɛ le Mari Sɛnbɛ-Bɛɛ-Tigi. I kunkalɛ le Isirɛlata Alla-sɛnimɛ la. Duninya mumɛ bɛɛta Alla le ale la.

Aiseya 63:12

Mari min ya ata fanka mayira Musa rɔ ka kɔgɔ-yi fara fila la ha ala mɔgɛnu banta tenbila, wo ye mintɔ? Nba Mari ara a nyɛrɛ tɔgɔ lawanka kabana-koe wo fɛ.

Yɛrɛmaya 10:16

Kɔnɔ Yakobata Alla sa iko bɛsɛ kɛnu. Alla le ya fan bɛɛ ladan. A ya Isirɛla mɔgɛnu ma a halalɛ la. A tɔgɛ le Mari Sɛnbɛ-Bɛɛ-Tigi.

Yɛrɛmaya 32:18

I wara ita hinɛ yira mɔgɔ waga yirika la kɔnɔ hali wo, i ye dannu tɔrɔla ka a tɛgɛ anu sɔrɔnnɛnuna hakɛ ma. Alla-makawanɛ le ile la. I tɔgɛ le Mari Sɛnbɛ-Bɛɛ-Tigi.

Yɛrɛmaya 33:20

ale Mari ya suyi anubɛ tele-bɔɛ dan ko anu dama ni to nala anu wati rɔ. Nba, iko mɔgɔni-fin ti wonu mayɛlɛma nya min, mani

Yɛrɛmaya 33:25

Mari ko a ara tɔn sigi dugu-kole anubɛ san-kole ye.

Yɛrɛmaya 33:26

Iko tɔn wonu banbannɛ nya min, Mari anubɛ Yakoba anubɛ Mansa Dawuda kegeyɛnuna sarama-kan banbannɛ wo nya na le. Iburayima kegeyɛ wo, Yakoba kegeyɛ wo, Isiyaka kegeyɛ wo, Mansa Dawuda kegeyɛnu si to wonu marala tolon! A si kinikini ala mɔgɛnu ma ka anu sabati tun.

Yɛrɛmaya 46:18

Mari ko mansɛ le ale Mari Sɛnbɛ-Bɛɛ-Tigi la. A ko Alla-nimɛ le ale la. Iko Tebɔ kɔnkɛ layan kɔnkɛ bɛɛ ko nya min, iko Kamɛli kɔnkɛ dunnɛ kɔgɔ-yi kuma nya min, Iyipiti yogenu sɛnbɛ kolo Iyipititɛ ko wo nya na le.

Yɛrɛmaya 5:22

Mari le ale la. Nfenna wo sa kilanna a la? Nfenna wo sa yɛrɛyɛrɛnna a kɔrɔ? Ale le ya kɔgɔ-yi-dan ma kɛnkɛn la alako yi ni to a dagɛ rɔ tolon! Hali a ye tugula a rɔ nya-wo-nya, a ti tenbi a dan kun na. Hali a ye kurunna, a ti a dan keri.

Yɛrɛmaya 50:34

Kɔnɔ minnu bi nala anu kunyɛ bɔla gbaran rɔ, wo sɛnbɛ kolo. A tɔgɛ Mari Sɛnbɛ-Bɛɛ-Tigi. Ale nyɛrɛ si anuna dunɛ bi ka yisi-kimɛ lana duninya rɔ. Kɔnɔ dunɛ si sa Babilɔn kɛnu kan ma.

Yɛrɛmaya 51:19

Kɔnɔ Yakobata Alla sa iko bɛsɛ kɛnu. Alla le ya fan bɛɛ ladan. A ya Isirɛla mɔgɛnu ma a halalɛ la. A tɔgɛ le Mari Sɛnbɛ-Bɛɛ-Tigi.

Hoseya 13:14

Nde, Mari ti wo kunyɛ bɔ lakira bonda-dɛ la, ni wo ma, ka wo bɔ sayɛ sɛnbɛ kɔrɔ tun! Ile sayɛ, i ni na ila fitinɛ la i bolo. Ile lakira, na ila kasarɛ la. Nde, Mari ti kinikini wo ma.

Emɔsi 9:8

A ko a kolan ye wole, hakɛ-tiginu na tolon! A si wo firan dugu-kole kɛ kuma. Kɔnɔ a ko a ti Yakoba kegeyɛ bɛɛ lato de!

Matiyu 5:45

Wo le si a ma, i si ma iko i Fa Alla min bi Arinyɛni tɔ bawo a ye ala tele labɔla mɔgɔ-nyimɛ anubɛ mɔgɔ-yogomɛ bɛɛ ye nya-kun-kelen. Ko-latelenni-kɛla wo, ko-yogoma-kɛla wo, Alla ye bandɛ lanala wo bɛɛ ye.

Tɔn-Fɔɛ-Fila-Nyɔgɛ 4:19

Fenfen min bi san ma iko tele anubɛ karɛ anubɛ lolenu, wo kɔ-sɔgɛ kana wo bira. Wota Mari Alla ya wonu di duninya mumɛ ma le.